Левито 1:3 - Библия - Пэ Балтитко Романи чиб (Романэс) 2019

³ ко́ли лэ́скиро свэ́нто дыибэ́н исын цэ́ло схачкирибнаскиро дыибэ́н барэ́ кхэритконэ́ мурдалэ́ндыр, мэк тэ янэл лэс муршканэ́ родо́стыр, тэ явэ́л ёв бидошэ́нгиро; мэк тэ янэл лэс кэ вудара́ скэдыибна́скири ша́тра, соб (кай) лэ́скэ тэ латхэл ла́ска анги́л Растэ-Дэвлэ́стэ;

Biblija - Pe Baltitko Romani čib (Romanes) 2019

³ kóli léskiro svénto dyibén isyn célo shačkiribnaskiro dyibén baré kheritkoné murdaléndyr, mek te janel les murškané rodóstyr, te javél jov bidošéngiro; mek te janel les ke vudará skedyibnáskiri šátra, sob (kaj) léske te lathel láska angíl Raste-Devléste;

Левито 1:3 Referans Kwoze

Яви́р Зако́но 15:21

Ко́ли явэ́ла пэ лэ́стэ дош, лангало, ци короро́, ци яви́р вари-сави́ дош, тэды на лы́джа лэс дрэ свэ́нто яныбэ́н Ра́скэ-Дэвлэ́скэ, тырэ́скэ Дэвлэ́скэ,

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Vygiiben 12:5

Бакро тумэ́ндэ трэй тэ явэ́л бидошэ́нгиро, муршытко, екхэ-бэршытко; лэн лэс бакрэ́ндыр ци бузнэндыр,

Эфесянэнгэ 5:27

соб (кай) Лэ́скэ тэ чхувэ́л анги́л Пэ́стэ Кхангири́ дро славно гожыма, дрэ сави́ нанэ ни саво́ макхипэн, ни сави́ дош, а соб (кай) ёй тэ явэ́л свэ́нто и бидошэнгири.

Яви́р Зако́но 17:1

На ян дрэ свэ́нто дыибэ́н Ра́скэ-Дэвлэ́скэ, Дэвлэ́скэ тырэ́скэ, гурувэ́с, ци бакрэ́с, пэ савэ́ндэ явэ́ла дош, ци вари-саво́ фуипэ́н, пал-дова́ со дава́ исын магирипэ́н ваш Ра́скэ-Дэвлэ́скэ, Дэвлэ́скэ тырэстэ.

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

Эфесянэнгэ 2:18

пал-дова́ со пир Лэ́стэ амэ Юды и На́юды сам домэкнэ дро екх Ду́хо (Фа́но) кэ Дад.

Džiibén 22:8

И пхэндя́ Авраа́мо: “Дэвэ́л латхэ́ла Пэ́скэ ваш цэ́ло схачкирибэ́н бакрэ́с, мро чхаво́.” И гинэ́ дурэды́р кхэтанэ́.

Joannostir 1:36

Дыкхи́ Исусо́с, Саво́ джа́лас пашы́л, ёв пхэндя́: “Ѓа́да, исын Свэ́нто Бакроро́ Дэвлэ́скиро.”

2 Коринфянэнгэ 9:7

мэк кажно ману́ш тэ дэл ада́кицы, кицы́ исын лэ́скэ пир ило́, а на пир зор; пал-дова́ со Дэвлэ́скэ исын дро́го кодова́ ману́ш, кон дэ́ла радыма́са.

Малахия 1:14

“Тэ хасёл хохано́ ману́ш, конэ́стэ исын лачхо́ бакро дрэ стада, и саво́ совлахала, нэ саво́ янэ́ла дошвалэ бакрэ́с Ра́скэ-Дэвлэ́скэ, – пал-дова́ со Мэ сом баро́ Кра́ли”, – ракирэ́ла янголэ́нгирэ-болыбна́скиро Рай Дэвэ́л, – и “Миро лав трашавэла Наюды́тка на́цыи.”

Езэкилё 20:40

Пал-дова́, со пэ Мири́ свэ́нто бэ́рга, пэ вучи́ Израилёскири бэ́рга, – ракирэ́ла Рай Дэвэ́л, Дэвэ́л, – одо́й явэ́ла тэ дынаринэ́л Ма́нгэ саро́ Израилёскири кхэр, сарэ́ мануша́ лэ́стыр, кицы́ исын лэн пэ пхув, одо́й Мэ прилава лэн радыма́са, одо́й пхэна́ва Мэ, соб (кай) тэ янэ́н тумэ́ тумарэ́ дыибэна́ пэрвонэ́ пхабэндыр, сарэ́ тумарэ́ свэнтонэ́ дыибнэнца.

Psalmy 110:3

Тырэ́ мануша́ янэ́на пэс дро Тырэ́-зоралыпнаскиро дывэ́с свэнтонэ́ райканэ слава́са: Тырэ́ тэрнэ́ бияндёна сыр пахлын (роса), сави́ сыс пэ зло́ко (пэ ра́нко).

Psalmy 40:8

Тэ́ньци мэ пхэндём: “Акэ, мэ джа́ва, дрэ лылварьякиро (книгакиро) сви́тко, кай исын чхиндло́ пал ма́ндэ:

Čysly 29:13

и янэ́н цэ́ло схачкирибэ́н, свэ́нто яныбэ́н, гудло́ тхув, лачхо́ Ра́скэ-Дэвлэ́скэ: дэшутрин гуруворэ́н, дуе́н бакрэ́н, дэшуштар екхэ-бэршытконэн бакрэ́н; би дошакирэн, мэк тэ явэ́н ёнэ;

Левито 3:1

Ко́ли вари-конэ́скиро свэ́нто дыибэ́н исын ми́рно (раманёно), и, ко́ли ёв янэ́ла барэ́ кхэритконэ́ мурдалэ́ндыр (ското́стыр), муршканэ́с ци джувликанэс, мэк тэ янэл лэс Ра́скэ-Дэвлэ́скэ, тэ явэ́л ёв бидошэ́нгиро,

Vygiiben 24:5

и бичхадя́ Израилёскирэ чхавэ́ндыр тэрнэн, и ёнэ яндлэ́ цэ́ла схачкирибэна, и замардэ́ гуруворэ́н (тельцэн) ваш ми́рно свэ́нто дыибэ́н (жэ́ртва) Ра́скэ-Дэвлэ́скэ.

Džiibén 22:13

И откэрдя Авраа́мо пэ́скирэ якха́, и дыкхця́: и, ґа́да, сыс пала́л бакро, саво́ запэнтындяпэ пэ́скирэ шэнгэнца (рогэ́нца) дрэ хру́сты (кусты). Авраа́мо гия́, лыя́ бакрэ́с, и яндя́ лэс пэ цэ́ло схачкирибэ́н заме́ст пэ́скирэ чхавэ́стэ.

Joannostir 10:9

Мэ сом дасаво вуда́р: кон заджа́ла пир Ма́ндэ, одова́ явэ́ла зракхно, ёв заджа́ла пир вуда́р и выджа́ла, и латхэ́ла лачхо́ чараибэн.

Luka 1:35

И отпхэндя́ ла́кэ Янго́ло, пхэны: “Свэ́нто Ду́хо (Фа́но) зджа́ла пэ Ту́тэ, и зор Сарэвучэдырэскири учхакирэ́ла Тут; пал-дова́ со Свэ́нто Чхаво́, Саво́ бияндёла, явэ́ла тэ кхарэлпэ Дэвлэ́скиро Чхаво́.

Isajos 1:11

“Пэ со трэй Ма́нгэ бут тумарэ́ свэ́нта дыибэна́? – ракирэ́ла Рай Дэвэ́л, – Мэ чалыём бакрэ́нгирэ хачкирибнаса, чалыём тхулыпнастыр, Мэ на кама́м буты́р гуруворэнгиро, бакрорэнгиро и бузнэнгиро рат.

Vygiiben 32:6

Пэ яви́р дывэ́с ёнэ уштынэ́ тася́рлэс (ра́нэс), и яндлэ́ цэ́ла схачкирибэна, и яндлэ́ мирна свэ́нта дыибэна́: и бэшнэ́ мануша́ тэ хан и тэ пьен, а коригэды́р (позжэды́р) уштынэ́ тэ кхэлэн.

Vygiiben 29:42

Дава́ явэ́ла сыр цэ́ло схачкирибэ́н саро́ часо дрэ тумарэ́ стрэ́чы (поколении) анги́л вудара́ дрэ ша́тра ваш скэдыибэ́н анги́л Растэ-Дэвлэ́стэ, кай Мэ ява́ва тэ сыкадёвав тумэ́нгэ, соб (кай) тэ ракира́в ту́са;

Vygiiben 29:18

и схачкир сарэ́ бакрэ́с пэ алта́рё. Дава́ исын цэ́ло схачкирибэ́н Ра́скэ-Дэвлэ́скэ, гудло́ тхув, свэ́нто дыибэ́н, Ра́скэ-Дэвлэ́скэ.

Džiibén 22:2

О Дэвэ́л пхэндя́: “Лэ пэ́скирэс чхавэ́с, саво́ ту́тэ екх, и саво́ исын дро́го ту́кэ, Исаакос; и джа́ пэ Мориаскири пхув, и схачкир лэс сыр свэ́нто дыибэ́н одо́й пэ екх бэргэндыр, пал сави́ Мэ пхэна́ва ту́кэ.”

Džiibén 8:20

И кэрдя́ Ноё алта́рё (жэртвенико) Ра́скэ-Дэвлэ́скэ; и лыя́ кажнонэ́ жужэ́ кхэритконэ́ мурдалэстыр (ското́стыр) и кажнонэ́ жужэ́ чириклятыр, и яндя́ цэ́ла хачкирибнаскирэ свэ́нта дыибэна́ пэ алта́рё.

Заха́рия 13:7

О, Курта́ля! Ѓаздэпэ пэ пастырёстэ Мирэстэ и пэ сэмэнцатэ Мирьятэ, ракирэ́ла янголэ́нгирэ-болыбна́скиро Рай Дэвэ́л. Замар пастырёс, и роспрастанапэ бакрэ́! И Мэ протырдава васт Миро кэ тыкнэ́.

Čysly 23:3

И пхэндя́ Валаа́мо Валакоскэ: “Тэрдёв пашы́л цэ́ло схачкирибэ́н тыро́, а мэ джа́ва; сашты́ (могинэ́ла) тэ явэ́л, со Рай Дэвэ́л выджа́ла ма́нгэ тэ дыкхэлпэ гил (пэ стреч), и со Ёв отчхакирла ма́нгэ, дова́ мэ пхэна́ва ту́кэ.” И гия́ ёв пэ вучо́ штэ́то.

2 Коринфянэнгэ 8:12

Ко́ли исын дасави́ мы́сля пэ годы́ тэ дэл, Дэвэ́л прилэ́ла тумаро́ да́ро пир дова́, со исын тумэ́нгэ, а на пир дова́, со нанэ тумэ́ндэ.

Joannostir 10:7

И Ису́со нэвэ́стыр пхэндя́ лэ́нгэ: “Чачэс, чачэс Мэ ракира́ва тумэ́нгэ, со Мэ сом вуда́р ваш бакрэнгэ.

Čysly 23:19

Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

Левито 17:9

и на лыджа́ла кэ загиибэ́н дрэ ша́тра скэдыибна́скири, соб (кай) тэ янэс лэс Ра́скэ-Дэвлэ́скэ, тэды одова́ ману́ш хасёла пэ́скирэ манушэ́ндыр.

Левито 4:23

то тэды, ке́ли уджиндло явэ́ла грэ́хо, саво́ ёв кэрдя́, мэк тэ янэл ёв дро свэ́нто дыибэ́н бузнэ́с (козлос) бидошэнгирэс,

Vygiiben 35:5

Скэдэ́н пэ́стыр яныбэ́н Ра́скэ-Дэвлэ́скэ: кажно пэ́скирэ илэ́стыр, со ёв сашты́ тэ янэл Ра́скэ-Дэвлэ́скэ сыр свэ́нто яныбэ́н, сувнака́й, руп, харко́ма (медь),

Vygiiben 29:4

Аароно́с и лэ́скирэ чхавэ́н ян кэ загиибэ́н дрэ ша́тра ваш скэдыибэ́н, и обмор лэн пане́са.

Левито 17:4

и на янэ́ла кэ загиибэ́н дрэ скэдыибна́скири ша́тра (ски́ния), соб (кай) тэ отдэ́л дро свэ́нто дыибэ́н Ра́скэ-Дэвлэ́скэ анги́л Ра́скирэ-Дэвлэ́скиро Кхэр, тэды одолэ́скэ манушэ́стэ явэ́ла зачхиндло́ ратэскиро прочхувибэн: ёв прочхудя рат, и хасёла одова́ ману́ш пэ́скирэ манушэ́ндыр;

Левито 16:7

И лэ́ла дуе́н бузнэн, и чхувэ́ла лэн анги́л Растэ-Дэвлэ́стэ пашы́л загиибэ́н дрэ ша́тра скэдыибна́скири;

Левито 8:21

а андратунэ́ маса́ и ґэра́ вымордя пане́са, и схачкирдя́ Мо́йза сарэ́ бакрэ́с пэ алта́рё: дава́ исын цэ́ло схачкирибэ́н дрэ гудло́ тхув, акэ, исын свэ́нто дыибэ́н Ра́скэ-Дэвлэ́скэ, сыр пхэндя́ Рай Дэвэ́л Мойза́скэ.

Левито 8:18

И яндя́ бакрэ́с (овнос) ваш цэ́ло схачкирибэ́н, и чхудя́ Ааро́но и лэ́скирэ чхавэ́ пэ́скирэ васта́ пэ бакрэскиро шэро́;

Левито 7:16

Ко́ли вари-кон янэ́ла свэ́нто дыибэ́н пир совла́х ци илэ́стыр, тэды лэ́скиро свэ́нто дыибэ́н трэй тэ хан дро яныбнытко дывэ́с, и пэ яви́р дывэ́с, со ячэ́лапэ лэ́стыр, лэс сашты́ тэ хан,

Vygiiben 38:1

И кэрдя́ ёв алта́рё ваш цэ́ло схачкирибэ́н ситимоскирэ вэшэ́стыр длэнгипна́са дрэ пандж куня́ и буґлыпнаса дрэ пандж куня́ (локти), штарэ́-вэнглытко, вучипна́са дрэ трин куня́;

Vygiiben 36:3

И лынэ́ ёнэ Мойзастыр саро́ яныбэ́н, савэ́ яндлэ́ Израилёскирэ чхавэ́, пэ трэ́бима ваш свэ́нто штэ́то, соб (кай) тэ кэрэ́н буты́. Нэ усае́кх на пириячнэ тэ лыджа́н кэ ёв пир пэ́скиро ило́ яныбэ́н кажно зло́ко (ра́нко).

Vygiiben 35:29

и сарэ́ мурша́ и джувля́ Израилёскирэ чхавэ́ндыр, савэ́н тырдыя ило́ тэ янэ́н пэ кажно рэ́ндо, саво́ Рай Дэвэ́л пир Мойзастэ припхэндя́ тэ кэрэ́н, янэ́нас пир пэ́скиро ило́ да́ро Ра́скэ-Дэвлэ́скэ.

Vygiiben 35:21

И явэ́нас сарэ́, савэ́н лыджия́ кэ дова́ ило́, и сарэ́, савэ́н джингадя ду́хо, и лыджинэ́ яныбэ́н Ра́скэ-Дэвлэ́скэ тэ кэрэ́н скэдыибна́скири ша́тра и ваш саро́, со трэй ваш ла́кэ и ваш свэ́нта урибэна́;

Čysly 23:30

И кэрдя́ о Вала́ко, сыр пхэндя́ Валаа́мо, и яндя́ свэ́нто отдыибэ́н (жэ́ртва) Ра́скэ-Дэвлэ́скэ пир гуруворэстэ и бакрэстэ пэ кажно алта́рё.

Яви́р Зако́но 12:27

И ян цэ́ло схачкирибэ́н тыро́, мас и рат, пэ Ра́скирэ-Дэвлэ́скиро, тыро́ Дэвлэ́скиро алта́рё; нэ рат явирэ тырэ́ свэнтонэ́ яныбнастыр Ра́скэ-Дэвлэ́скэ трэй, соб (кай) тэ явэ́л прочхудо пашы́л Ра́скирэ-Дэвлэ́скиро, тырэ́ Дэвлэ́скиро алта́рё, а мас ха.

Čysly 23:27

И пхэндя́ Вала́ко Валаамоскэ: “Джа́, мэ ла́ва тут пэ яви́р штэ́то; сашты́ (могинэ́ла) тэ явэ́л, со явэ́ла лачхо́ Дэвлэ́скэ, и одотхы́р прокошэса ма́нгэ лэс.”

Левито 1:10

Ко́ли лэ́скиро цэлонэ́-хачкирибнаскиро свэ́нто дыибэ́н тыкнэ́ кхэритконэ́ мурдалэстыр, бакрэ́ндыр ци бузнендыр, мэк тэ янэл ёв муршканэ́ родо́стыр, тэ явэ́л ёв бидошэ́нгиро,

Левито 4:15

и чхувэ́на скэдыибнаскирэ пхурыдыра́ пэ́скирэ васта́ пэ гуруворэскиро шэро́ анги́л Растэ-Дэвлэ́стэ, и зачхинэна гуруво́рэс анги́л Растэ-Дэвлэ́стэ.

Левито 6:8

И пхэндя́ Рай Дэвэ́л Мойза́скэ, ракири́:

Левито 17:8

Ишчо пхэн лэ́нгэ: ‘Ко́ли вари-кон Израилёскирэ кхэрэ́стыр и манушэ́ндыр, савэ́ явнэ́ явирэ ригэ́ндыр, савэ́ дживэ́на машки́р тумэ́ндэ, янэ́на цэ́ло схачкирибэ́н ци свэ́нто дыибэ́н,

Čysly 15:3

и явэ́на тэ янэ́н свэ́нто дыибэ́н Ра́скэ-Дэвлэ́скэ, цэ́ло схачкирибэ́н, ци тэ явэ́л свэ́нто дыибэ́н зачхиндлэ́ гурувэндыр и бакрэ́ндыр, соб (кай) тэ кэрэ́л пир совла́х, ци пир паты́в, ци дрэ тумарэ́ свэ́нки, соб (кай) тэ кэрэ́н гудло́ тхув, лачхо́ Ра́скэ-Дэвлэ́скэ,

Čysly 15:8

Ко́ли тэрнэ́ гурувэ́с янэса ваш цэ́ло схачкирибэ́н, ци сыр свэ́нто яныбэ́н зачхинэса пир совла́х, соб (кай) тэ кэрэ́лпэ, ци дро ми́рно свэ́нто дыибэ́н Ра́скэ-Дэвлэ́скэ,

Езэкилё 40:39

А дро трэ́мо, саво́ сыс пашы́л по́рта, сыс дуй скаминда: екхэ рига́тыр и дуй скаминда явирэ рига́тыр, соб (кай) тэ зачхинэс пэ лэ́ндэ схачкирибнытка свэ́нта дыибэна́, свэ́нто дыибэ́н пало́ грэ́хо, свэ́нто дыибэ́н пало́ чорипэ́н.

Левито 4:3

ко́ли помакхно раша́й кэрэ́ла грэ́хо и кэрэ́ла манушэ́н бангэнца, то тэды пал пэ́скиро грэ́хо, саво́ кэрдя́ ёв, мэк тэ янэл барэ́ кхэритконэ́ мурдалэстыр гуруво́рэс, бидошэнгирэс, Ра́скэ-Дэвлэ́скэ дро свэ́нто дыибэ́н пал грэ́хо,

Левито 4:32

А ко́ли ёв закамэ́ла тэ янэл свэ́нто дыибэ́н пал грэ́хо бакрэ́н стадатыр, мэк тэ янэл джувликанэ родо́стыр, бидошэнгирья,

Левито 5:15

“Ко́ли вари-кон кэрэ́ла чорипэ́н и пир наджиныбэн кэрэ́ла грэ́хо проти дова́ предмето, со сыс обсвэнцындло Ра́скэ-Дэвлэ́скэ, мэк пал пэ́скири банг ёв тэ янэл Ра́скэ-Дэвлэ́скэ бакрэ́нгирэ стадатыр бакрэ́с бидошэнгирэс, пир тыри́ тими́н, рупувэ́ шэкеленца пир шэ́келё свэнтонэскиро, дро свэ́нто дыибэ́н (жэ́ртва) пал чорипэ́н;

Левито 5:18

мэк тэ янэл кэ раша́й дро свэ́нто дыибэ́н пал чорипэ́н бакрэ́с бидошэнгирэс, пир тыри́ тими́н и выжужакирэ́ла раша́й тырэ́ чорипна́стыр, со ёв кэрдя́ пир наджиныбэн, и отмэкно лэ́скэ явэ́ла.

Левито 6:2

“Ко́ли вари-кон кэрэ́ла грэ́хо и кэрэ́ла чорипэ́н анги́л Растэ-Дэвлэ́стэ, и явэ́ла тэ хохавэ́л анги́л пэ́скирэ пашатунэстэ дрэ дова́, со лэ́скэ сыс дыно́ тэ гаравэл, ци лэ́стэ чхудо, ци дро дова́, дро со ёв чордя, ци дро дова́, со ёв хохавэла пэ́скирэ пашатунэс,

Левито 9:2

и пхэндя́ Аароно́скэ: “Лэ пэ́скэ гурувэндыр гуруво́рэс (тельцос) дро свэ́нто дыибэ́н (жэ́ртва) пал грэ́хо и бакрэ́с дро цэ́ло схачкирибэ́н, дуе́н бидошэнгирэн, и ян лэн анги́л Растэ-Дэвлэ́стэ;

Левито 14:10

И пэ эфта́то дывэ́с ёв лэ́ла бидошэнгирэ дуе́н бакрэ́н, и екха бакря́ екхэ-бэршыткона бидошэнгирья, и трин дэшэнгирэ паша́ ефатыр, пшэничнонэ яржэскиро, змешындло елеёса (дзэтэса), дро яныбэ́н маруно́, и елеёскиро екх лого (0.3 литро);

Левито 23:12

и дро дывэ́с, ке́ли ґаздэ́на ґарбо, янэ́н Ра́скэ-Дэвлэ́скэ дрэ цэ́ло схачкирибэ́н екхэ-бэршытконэ бидошэнгирэ бакрорэс,

Левито 23:18

янэ́н кхэтанэ́ марэ́са эфта́ бакрорэ́н бидошакирэн, екхэ-бэршытконэн, и барэ́ кхэритконэ́ мурдалэ́ндыр (ското́стыр) екхэ гуруво́рэс и дуе́н бакрэ́н; мэк тэ явэ́л дава́ дро цэ́ло схачкирибэ́н Ра́скэ-Дэвлэ́скэ, и маруно́ яныбэ́н кхэтанэ́ свэнтонэ́ дыибнаса тэ почхувэн, дро свэ́нто дыибэ́н, дро гудло́ тхув, лачхо́ Ра́скэ-Дэвлэ́скэ.

Čysly 19:2

“Ѓа́да, исын упхэныбэ́н (стату́то) пал Зако́но, саво́ припхэндя́ Рай Дэвэ́л: ‘Пхэн Израилёскирэ чхавэ́нгэ, мэк тэ янэ́н ту́кэ тэрня рыжона рэца (тёлка) би дошэнгирья, савьятэ нанэ наухтылыбэн, и пэ савьятэ на сыс ґа́мо;

Čysly 28:11

И дро нэво́ чхон тумаро́, янэ́н цэ́ло схачкирибэ́н Ра́скэ-Дэвлэ́скэ: барэ́ кхэритконэ́ мурдалэстыр (ското́стыр) дуе́н тэрнэн гуруворэ́н, екхэ́с бакрэ́с и эфта́ екхэ-бэршытконэн бакрэ́н би дошакиро,

Čysly 28:19

и янэ́н свэ́нто яныбэ́н, цэ́ло схачкирибэ́н Ра́скэ-Дэвлэ́скэ: барэ́ кхэритконэ́ мурдалэстыр (ското́стыр) дуе гурувэ́н, екхэ бакрэ́с и эфта́ екхэ-бэршытконэ бакрэ́н; би дошакиро бангэ́ ёнэ тэ явэ́н тумэ́ндэ.

Čysly 28:31

Апри́ч кажнонэ́-дывэсытконэскиро цэ́ло схачкирибэ́н и маруно́ яныбэ́н ваш лэ́нгэ, янэ́н дава́ Ма́нгэ лэ́нгирэ вычхуибнаса: би дошакиро ёнэ исын бангэ́ тэ явэ́н ёнэ тумэ́ндэ.

Čysly 29:2

И янэ́н цэ́ло схачкирибэ́н дрэ гудло́ тхув, лачхо́ Ра́скэ-Дэвлэ́скэ: екхэ гуруво́рэс, екхэ бакрэ́с, эфта́ екхэ-бэршытконэ бакрэ́н, би дошакирэн,

2 Паралипоменоно 29:32

И сыс цэ́ло схачкирибэ́н, саво́ яндлэ́ мануша́, савэ́ скэдынэ́: эфтадэша́ гурувэ́н, шэл бакрэ́н, дуйшэла́ бакрорэ́н; саро́ дава́ сыс ваш цэ́ло схачкирибэ́н Ра́скэ-Дэвлэ́скэ.

2 Паралипоменоно 35:12

И росчхудэ ёнэ дова́, со сыс припхэндло ваш саро́ схачкирибэ́н, соб (кай) тэ роздэн дова́ пир отде́лы дрэ стрэ́чы манушэ́нгирэ чхавэ́ндэ, тэ янэ́н Ра́скэ-Дэвлэ́скэ, сыр исын зачхиндло́ дрэ Мойзаскири лылвари́. Дова́-паць кэрдэ́ и гурувэнца.