Левито 1:13 - Библия - Пэ Балтитко Романи чиб (Романэс) 2019

¹³ а паша́ андрыпнастыр (букорэ) и ґэра́ выморэла пане́са, и саро́ янэ́ла раша́й, и пэ алта́рё схачкирэ́ла, дава́ исын цэ́ло схачкирибэ́н, свэ́нто дыибэ́н (жэ́ртва), гудло́ тхув, Ра́скэ-Дэвлэ́скэ.

Biblija - Pe Baltitko Romani čib (Romanes) 2019

¹³ a pašá andrypnastyr (bukore) i ĥerá vymorela paniésa, i saró janéla rašái, i pe altárjo shačkiréla, davá isyn célo shačkiribén, svénto dyibén (žértva), gudló thuv, Ráske-Devléske.

Левито 1:13 Referans Kwoze

Левито 1:9

а свэнтонэ́ дыибнаскирэ паша́ андрыпнастыр (букорэ) и ла́кирэ ґэра́ выморэла ёв пане́са, и схачкирэ́ла раша́й саро́ пэ алта́рё: дава́ исын цэ́ло схачкирибэ́н, свэ́нто дыибэ́н, гудло́ тхув Ра́скэ-Дэвлэ́скэ.

Левито 2:11

Ни саво́ маруно́ яныбэ́н, саво́ янэ́на Ра́скэ-Дэвлэ́скэ, на кэрэ́н квашэно пэ дрожджы, пал-дова́ со ни квашэно, ни авги́н нашты́ тумэ́ тэ хачкирэ́н дро свэ́нто дыибэ́н Ра́скэ-Дэвлэ́скэ;

Левито 4:31

и саро́ ла́киро чэкэ́н откэдэла, адя́кэ-паць сыр откэдэла чэкэ́н раманёнэ (мирнонэ) свэнтонэ́ дыибна́стыр (жэртватыр), и схачкирэ́ла лэс раша́й пэ алта́рё дро гудло́ тхув, Ра́скэ-Дэвлэ́скэ; и адя́кэ выжужакирэ́ла лэс раша́й, и отмэкно лэ́скэ явэ́ла.

Čysly 15:4

тэды, кон янэ́ла пэ́скиро свэ́нто дыибэ́н Ра́скэ-Дэвлэ́скэ, то одова́ ману́ш исын банго́ тэ янэл дро яныбэ́н марэстыр дэ́што паш ефатыр пшэничнонэ яржэстыр, перемешындло штартонэ пашэ́са гино елеё;

Čysly 28:11

И дро нэво́ чхон тумаро́, янэ́н цэ́ло схачкирибэ́н Ра́скэ-Дэвлэ́скэ: барэ́ кхэритконэ́ мурдалэстыр (ското́стыр) дуе́н тэрнэн гуруворэ́н, екхэ́с бакрэ́с и эфта́ екхэ-бэршытконэн бакрэ́н би дошакиро,

Яви́р Зако́но 12:27

И ян цэ́ло схачкирибэ́н тыро́, мас и рат, пэ Ра́скирэ-Дэвлэ́скиро, тыро́ Дэвлэ́скиро алта́рё; нэ рат явирэ тырэ́ свэнтонэ́ яныбнастыр Ра́скэ-Дэвлэ́скэ трэй, соб (кай) тэ явэ́л прочхудо пашы́л Ра́скирэ-Дэвлэ́скиро, тырэ́ Дэвлэ́скиро алта́рё, а мас ха.

Džiibén 8:21

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.

Левито 2:2

и янэ́ла лэс кэ Аароно́скирэ чхавэ́, кэ рашая́, и лэ́ла пхэрды́ бурнык (жменя) яржо́ елеёса и сарэ́ ливаноса, и схачкирэ́ла раша́й дава́ сыр рипирибэ́н пэ алта́рё; дава́ исын свэ́нто дыибэ́н, гудло́ тхув, Ра́скэ-Дэвлэ́скэ;

Левито 3:5

и Аароно́скирэ чхавэ́ схачкирэна дава́ пэ алта́рё кхэтанэ́ цэлонэ́ схачкирибнаса, саво́ исын пэ кашта́ пэ яг: дова́ исын свэ́нто дыибэ́н, гудло́ тхув, Ра́скэ-Дэвлэ́скэ.

Левито 6:14

Ѓа́да, исын Зако́но пал маруно́ яныбэ́н: Аароно́скирэ чхавэ́нгэ трэй тэ янэ́н лэс анги́л Растэ-Дэвлэ́стэ кэ алта́рё;

Левито 8:21

а андратунэ́ маса́ и ґэра́ вымордя пане́са, и схачкирдя́ Мо́йза сарэ́ бакрэ́с пэ алта́рё: дава́ исын цэ́ло схачкирибэ́н дрэ гудло́ тхув, акэ, исын свэ́нто дыибэ́н Ра́скэ-Дэвлэ́скэ, сыр пхэндя́ Рай Дэвэ́л Мойза́скэ.

Čysly 15:3

и явэ́на тэ янэ́н свэ́нто дыибэ́н Ра́скэ-Дэвлэ́скэ, цэ́ло схачкирибэ́н, ци тэ явэ́л свэ́нто дыибэ́н зачхиндлэ́ гурувэндыр и бакрэ́ндыр, соб (кай) тэ кэрэ́л пир совла́х, ци пир паты́в, ци дрэ тумарэ́ свэ́нки, соб (кай) тэ кэрэ́н гудло́ тхув, лачхо́ Ра́скэ-Дэвлэ́скэ,

Čysly 28:8

Явирэ́с бакрэ́с бэльвэле́, дасавэ́ марунэ яныбнаса, сыр злокостыр (ранкостыр), и дасавэ́ вычхуибнаса пашы́л лэ́стэ ян лэс дрэ свэ́нто яныбэ́н, дро гудло́ тхув, лачхо́ Ра́скэ-Дэвлэ́скэ.

2 Паралипоменоно 4:6

И кэрдя́ ёв дэш москирэ чарэ́, и чхудя́ пандж пир чачи́ риг и пандж пир зэ́рво риг, соб (кай) дова́, со сыс приладиндло кэ цэ́ло схачкирибэ́н тэ морэн дрэ лэ́ндэ; мо́рё (дэрья́в) – ваш рашангэ, соб (кай) ёнэ тэ морэнпэ дрэ лэ́стэ.

Езэкилё 40:38

Сыс адя́кэ-паць шту́ба загиибнаса пашы́л портакирэ сты́лбы: одо́й выморэна схачкирибнытка свэ́нта дыибэна́ (жэртвы).