Jona 4:5 - Библия - Пэ Балтитко Романи чиб (Романэс) 2019

⁵ И гия́ криг Ёна форо́стыр и бэсця́ пэ вастокитко риг пэ фо́ро, и одо́й ёв кэрдя́ пэ́скэ буда (кушча) и бэсця́ тэл лэ́стэ дрэ зэр (засенка), соб (кай) тэ дыкхэ́л, со явэ́ла фороса.

Biblija - Pe Baltitko Romani čib (Romanes) 2019

⁵ I gijá krig Jona foróstyr i besciá pe vastokitko rig pe fóro, i odój jov kerdiá péske buda (kušča) i besciá tel léste dre zer (zasienka), sob (kaj) te dykhél, so javéla forosa.

Jona 4:5 Referans Kwoze

3 Kralip 19:13

И сыс адя́кэ: ке́ли Или́я шундя́, то ёв учхакирдя́ пэ́скиро муй лэ́скирэ плашчоса, и выгия́, и тэрдия́ пашы́л загиибэ́н дрэ ґеба́р (пешчэра). И сыс сы́рбы занори (глосори) лэ́скэ, и пхэндя́ лэ́скэ: “Со кэрэ́са ту ада́й, Или́я?”

3 Kralip 19:9

И гия́ ёв дрэ ґеба́р (пешчэра) одо́й, и ратькирдя одо́й. И, акэ, сыс лав Рэстыр-Дэвлэ́стыр лэ́скэ, и пхэндя́ лэ́скэ Рай Дэвэ́л: “Со кэрэ́са ту ада́й, Или́я?”

Isajos 57:17

Палдова́, со ёв думинэ́ла пал миштыпэ́н ваш пэ́скэ кокорэскэ, Мэ холясовавас и дукхававас лэс, гарававас муй и Мэ со́мас холямо́, нэ ёв отрисия и гия́ пир дром, савэ́са лыджия́ лэ́скиро ило́.

Jona 1:5

И матросы дара́ндынэ, и кажно (сва́ко) ману́ш дыя́ го́дла кэ пэ́скиро дэвлоро. И ёнэ чхурдынэ́ гпхарипэ́н (грузо), со сыс пэ па́рма, дро мо́рё (дэрья́в), соб (кай) тэ явэ́л локхэды́р па́рма. Нэ о Ёна (Иона) гия́ тэлэ́ дро тэлатуно штэ́то пэ па́рма, пасия́ и сыг сыс суто́.

Ереме́ё 20:9

тэ́ньци пхэндём [подуминдём-р.с.] мэ: ‘Мэ на ява́ва буты́р тэ рипирав Лэ́скиро лав, ци тэ ракира́в буты́р Лэ́скирэ лавэ́стыр, нэ Лэ́скиро лав исын сыр хачибнаскири яг, сави́ исын пхандлы дрэ мирэ́ кокалы́; и Мэ кхиныём тэ рикирав лэс, и мэ на могиндём.

Jona 4:4

Тэды Рай Дэвэ́л пхэндя́: “Нау́што дава́ исын мишто́ ваш ту́кэ тэ холясос?”

Jona 4:6

И Рай Дэвэ́л барьякирдя хру́сто и кэрдя́ адя́кэ, со ёв ґаздыя́пэ упрэдыр Ёнастыр адя́кэ, соб (кай) ёв тэ могинэл (тэ саштынэлас) тэ дэл зэр (засенка) пэ лэ́скиро шэро́ тэ ракхэ́л лэс лэ́скирэ пхарипнастыр.” И Ёна древа́н яця́ радо далэ́ хрустостыр.