Jona 4:2 - Библия - Пэ Балтитко Романи чиб (Романэс) 2019

² И ёв мангдя́пэ Ра́скэ-Дэвлэ́скэ и пхэндя́ ёв: “О Раё Дэ́вла! Саро́ дава́ на пир мирэ́ лава́, со мэ пхэндём, ке́ли мэ ишчо (инкэ́) со́мас пэ пэ́скири пхув? Палдава́ мэ и насцём вагэдыр (ґарэдыр) кэ Фарсисо: пал-дова́ со мэ на джиндём, со Ту сан лачхэ́-дескиро Дэвэ́л, Саво́ сыкавэ́ла ла́ска, Саво́ ле́нтэс холясо́ла и кэрэ́ла бут-бут лачхипэ́н, Кон жалинэла тэ кэрэ́л бэдыпэн.

Biblija - Pe Baltitko Romani čib (Romanes) 2019

² I jov mangdiápe Ráske-Devléske i phendiá jov: “O Rajo Dévla! Saró davá na pir miré lavá, so me phendjom, kiéli me iščo (inké) sómas pe péskiri phuv? Paldavá me i nascjom vagedyr (ĥaredyr) ke Farsiso: pal-dová so me na džindjom, so Tu san lačhé-dieskiro Devél, Savó sykavéla láska, Savó liéntes xoliasóla i keréla but-but lačhipén, Kon žalinela te kerél bedypen.

Jona 4:2 Referans Kwoze

Psalmy 86:15

Нэ Ту, о Раё Дэ́вла, сан лачхэ́-илэ́скиро Дэвэ́л, тангипнаскирэ и вырикирибнытко, Ту сан барвало́ пэ лачхэ́-илы́ткима и патяибэ́н.

Psalmy 145:8

Рай Дэвэ́л исын лачхэдескиро (милосно) и тангипнаскиро и, Ёв насыг холясо́ла, и исын древа́н лачхэ́-илэ́скиро.

Psalmy 86:5

Пал-дова́ со Ту, Раё Дэ́вла, сан лачхо́ и Ту камэ́са тэ примангэс: Ту сан барвало́ лачхэ́-илыткимаса сарэ́нгэ, кон прикхарэла Тут.

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Ереме́ё 18:8

нэ ко́ли дая́ манушы́тко нацыя рисёла пэ́скирэ чорипна́стыр, тэды Мэ отчхувава биба́хт, сави́ Мэ думиндём тэ янав пэ лэ́ндэ.

Vygiiben 32:14

И отрискирдя Рай Дэвэ́л холы́, пал сави́ пхэндя́, со янэ́ла ла пэ Пэ́скирэ манушэ́ндэ.

Psalmy 78:38

Нэ Ёв исын лачхэ́-илэ́скиро: Ёв отмэкця́ чорипэ́н и на пхагирдя́ лэн. Бут мо́лы Ёв рискирэлас криг Пэ́скири холы́, и Ёв на джангавэлас Пэ́скири бари холын.

Amoso 7:3

Рай Дэвэ́л тангиндя пал дова́, со Ёв кэрдя́. “Тэ на явэ́л дава́”, – пхэндя́ Рай Дэвэ́л.

Jona 3:10

Тэ́ньци Дэвэ́л дыкхця́ лэ́нгирэ бутя́, со ёнэ рисинэ́ криг лэ́нгирэ бибахталэ́ дромэндыр, и Дэвэ́л потангиндя (пожалиндя) пал бари биба́хт, со Ёв пхэндя́ тэ янэл пэ лэ́ндэ, и ёв на яндя́ пэ лэ́ндэ.

Jona 1:3

И Ёна уштыя́, соб (кай) тэ нашэ́л кэ Фарсисо Ра́стыр-Дэвлэ́стыр (сыр Лэ́скиро проро́ко). Ёна гия́ тэлэ́ кэ Иопия, плэскирдя ловэ́ пал па́рма (кораблё), бэсця́ пэ ла́тэ, и традыя́ лэ́нца кэ Фарсисо, соб (кай) тэ нашэ́л Ра́скирэ-Дэвлэ́скирэ якхэ́ндыр.

3 Kralip 19:4

И гия́ ёв пэ чхучи́ пхув пэ цэ́ло дывэ́с, и явдя́, и бэсця́ тэл вэрэсытко хру́сто. И ёв мангдя́пэ Ра́скэ-Дэвлэ́скэ, соб (кай) ёв, тэ мэрэ́л, и пхэндя́: “Ухты́лла (до́си) ужэ ма́нгэ, Раё Дэ́вла, лэ миро джиибэ́н, пал-дова́ со мэ на сом фэды́р мирэ́ дадэндыр.”

Amoso 7:6

Палдава́ Рай Дэвэ́л пожалиндя пал дова́, со Ёв кэрдя́. “Тэ на явэ́л дава́”, – пхэндя́ Рай Дэвэ́л.

Psalmy 90:13

Рисёв, о Раё Дэ́вла: кицы́ сашты́ тэ холясос? Яв лачхэ́-илэ́скиро кэ Тырэ́ писха́рья.

Luka 10:29

Нэ Законоскиро сыклякирибнари, ками тэ сыкавэ́л пэс чачунэса, пхуця́ Исусо́стыр: “Кон исын миро пашатуно ману́ш?”

Ереме́ё 20:7

О, Раё Дэ́вла! Ту притырдыян ман, и мэ сом притырдыно; Ту сан зоралэды́р ма́ндыр, и Ту лыян упралыпэ́н пэ ма́ндэ. Ма́ндыр лынэ́ тэ санпэ яври́; кажно (сва́ко) ману́ш просала ман.

Яви́р Зако́но 4:31

Пал-дова́ со Рай Дэвэ́л, тыро́ Дэвэ́л, исын Рай Дэвэ́л тангипнаскиро; Ёв на ячкирэ́ла тут и на хасякирэ́ла тут, и на забистрэла завето тырэ́ дадэ́нца, саво́ Ёв совлахаса дыя́ лэ́нгэ.

Psalmy 103:8

Рай Дэвэ́л исын лачхэ́-илэ́скиро и тангинэла сарэ́н, Ёв насыгэс холясо́ла и исын барвало́ тэ сыкавэ́л Лэ́скири лачхэ́-илы́ткима.

Ереме́ё 26:13

Акэ, палдава́ парувэн кэ фэды́р тумарэ́ дрома́, и дова́, со тумэ́ кэрэ́на, и кандэ́н зан Раскири-Дэвлэ́скири, тумарэ́ Дэвлэ́скири, тэды Рай Дэвэ́л потангинэла (пожалинэла) пал доя́ биба́хт, со Ёв выпхэндя пэ тумэ́ндэ.

Ереме́ё 42:10

Ко́ли тумэ́ ячэ́напэ пэ дая́ пхув, тэды Мэ ґазда́ва пэ пхув тумэн и обчхувава тумаро́ джиибэ́н и Мэ на вырискирава [мулякирава-р.с.] тумэн: пал-дава́ со Мэ пиридживава пал доя́ би́да, сави́ Мэ кэрдём тумэ́нгэ.

Jona 3:9

Кон сашты́ тэ пхэнэ́л, ци рисёла кэ Дэвэ́л, и ци пожалинэла (тангинэла), и ци, мо (хай), рискирэ́ла дрэ риг Лэ́скири бари холы́ адя́кэ, соб (кай) амэ́нгэ тэ на хасёвас.”