Jona 3:5 - Библия - Пэ Балтитко Романи чиб (Романэс) 2019

⁵ И э мануша́ Ниневиятыр патяндынэ́ Дэвлэ́скэ, и ёнэ пхэндлэ́ сарэ́нгэ (обзанякирдэ) пал посто, и чхудэ́ пэ пэ́стэ жалобна балытка гонэ́, най барэдырэстыр кэ най тыкнэды́р ману́ш лэ́ндыр.

Biblija - Pe Baltitko Romani čib (Romanes) 2019

⁵ I e manušá Ninievijatyr patiandyné Devléske, i jone phendlé sarénge (obzaniakirde) pal posto, i čhudé pe péste žalobna balytka goné, naj baredyrestyr ke naj tyknedýr manúš léndyr.

Jona 3:5 Referans Kwoze

Luka 11:32

Ниневиякирэ мануша́ ґаздэ́напэ тэ сэндинэнпэ далэ́ родоса и ёнэ допхэнэна пэ лэ́ндэ, пал-дова́ со ёнэ на рисинэ́ грэхэ́ндыр кэ Дэвэ́л, ке́ли Иона пхэндя́ лав; и ада́й исын Екх, Саво́ исын барэды́р Ионастыр.

Матфеё 12:41

Мануша́ Ниневиятыр ґаздэ́напэ пэ сэ́ндо кадалэ́ манушэ́нца и допхэнэна пэ лэ́ндэ, пал-дова́ со ёнэ рисинэ́ пэ́скирэ грэхэ́ндыр кэ Дэвэ́л, ке́ли о Иона пхэнэлас, и, акэ, ада́й исын Екх, Саво́ исын буты́р Ионастыр.

Дание́лё 9:3

И рискирдём мэ муй миро Ра́скэ-Дэвлэ́скэ патерьяса и мангипнаса дро посто и дро балытко гоно́ праскаса.

Ioil 1:14

Подэн звесь (зан) пал свэ́нто посто, кхарэ́н тэ явэ́н пэ свэ́нто скэдыибэ́н, кэдэн пхурыдырэн (годэпхурэн) и сарэ́ манушэ́н далэ́ пхувья́тыр дрэ Кхангири́ Ра́скирэ-Дэвлэ́скири, тумарэ́ Дэвлэ́скири и прикхарэн зоралэ́с Рас-Дэвлэ́с.

2 Паралипоменоно 20:3

И страхадыя Иосафа́то, и рискирдя́ пэ́скиро муй тэ родэ́л Рас-Дэвлэ́с, и дыя́ тэ джинэ́л пир сари́ Юдэ́я, пал посто.

Юдэ́нгэ 11:1

Патяибэ́н – дава́ исын зорало́ (твардо) джиныбэ́н дро дова́, пэ со амэ́ндэ исын наде́я, со одова́ кэрэ́лапэ пхэрдэ́с, и зорало́ патяибэ́н дро дова́, со исын вари-савэ́ чачипэна́ пэ свэ́то, мэк амэ на дыкхаса лэн,

Юдэ́нгэ 11:7

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Apostolengiri Butý 27:25

Палдава́ на дарэ́н, пал-дова́ со мэ патя́ва Дэвлэ́скэ, со саро́ явэ́ла адя́кэ, сыр Ёв пхэндя́ ма́нгэ.

Apostolengiri Butý 8:10

И сарэ́ пэ лэ́стэ дивиндлэ́пэ, тыкнэстыр кэ баро́ и ракирдэ́: “Адалэ́ манушэ́стэ исын бари зор Дэвлэ́стыр.”

Ереме́ё 42:8

И ёв кхардя́ кэ пэ Иоананос, чхавэ́с Кареёскирэс, и сарэ́ ран халадэнгирэн, кон сыс лэ́са и сарэ́ манушэ́н най тыкнэстыр кэ най барэды́р (са́мо баро́),

Ереме́ё 42:1

И сарэ́ рая халадэ́нгирэ, и Иоханано, чхаво́ Кареяскиро, и Иезания (Езания), чхаво́ Гошаияскиро, и сарэ́ мануша́ тыкнэстыр кэ са́мо барэды́р гинэ́ пашы́л,

Ереме́ё 36:9

И сыс адя́кэ, со дро па́нджто бэрш Иоакимоскиро (чхаво́ Иосия́скиро), кон сыс кра́ли пэ Юдэ́я, дро еня́то (биекхэ́скиро дэ́што) чхон, со посто исын пхэндло́ тэ рикирэ́н сарэ́нгэ манушэ́нгэ Ерусалимо́стыр и сарэ́ манушэ́нгэ, савэ́ явнэ́ форье́ндыр дрэ Юдэ́я кэ Ерусалимо,

Ереме́ё 31:34

И ёнэ буты́р на явэ́на тэ сыклякирэ́н, кажно ману́ш лэ́скирэ суседос (котарис), и кажно ману́ш лэ́скирэ пшалэ́с, ракири́: ‘Джинэ́н Рас-Дэвлэ́с’, – пал-дова́ со ёнэ джинэ́на Ман: най тыкнэстыр кэ най баро́’, – ракирэ́ла Рай Дэвэ́л. ‘Пал-дова́ со Мэ отмэка́ва лэ́нгиро чорипэ́н, и Мэ буты́р на ява́ва тэ рипирав лэ́нгиро грэ́хо.’

Е́здра 8:21

И пхэндём мэ зоралэ́с анги́л манушэ́ндэ, соб (кай) тэ постинас пашы́л рэка (лэнь) Агава, соб (кай) тэ тыкнякирас пэс дрэ амарэ́ илэ анги́л амарэ́ Дэвлэ́стэ, тэ вымангас Лэ́стыр бахтало́ дром амэ́нгэ и амарэ́ тыкнэнгэ, и ваш саро́ амаро́ миштыпэ́н.

Sykadyipén 11:3

И мэ да́ва зор мирэ́ дуе Якхитконэнгэ и ёнэ явэ́на тэ ангилпхэнэн тысёнцо дуй шэла́ шовдэша́ дывэса́, савэ́ явэ́на уридэ́ дрэ гонэ́ балэндыр.”

Ester 4:1

Ке́ли Мардохе́ё уджиндя́ саро́, со кэрдя́пэ, ёв роскустя пэ́скирэ и́ди, и чхудя́ пэ пэ́стэ балытко гоно́ (вре́тишчо) и пра́ска; и ёв выгия́ пэ машкира́л фо́ро барэ́ и кирконэ ясвэ́нца, и задыя го́дла.

Jona 3:7

И о кра́ли кэрдя́ адя́кэ, со дая́ звесь (зан) пхэндлэ́ анги́л сарэ́ндэ и о кра́ли и лэ́скирэ барэ́ рая́ выдынэ припхэныбнытко стату́то, пхэни́: “Мэк ние́кх ни ману́ш, ни мурда́л, ни ґурто, ни стада, тэ на хан ничы́; на домэкэн, соб (кай) ёнэ тэ хан, тэ пьен пани́.

Vygiiben 33:6

Израилёскирэ чхавэ́ злынэ пэ́стыр шукарьякирибэна пэ́скирэ пашы́л Хоривоскири бэ́рга.

4 Kralip 19:1

Ке́ли шундя́ кра́ли Езэки́я дава́, то тэды роскустя пэ́скирэ и́ди, и учхакирдяпэ гонэса дрэ пра́ска (пепло), и гия́ дро Ра́скирэ-Дэвлэ́скиро Кхэр.