Jona 3:4 - Библия - Пэ Балтитко Романи чиб (Романэс) 2019

⁴ И лыя́ Ёна тэ псирэ́л пир фо́ро пэ пэ́рво дывэ́с, и ёв миштопхэнэлас. Ёв дыя́ го́дла и пхэндя́ зоралэ́с: “Ишчо штардэша́ дывэса́, и Ниневия пхагирэна кэ руи́ны!”

Biblija - Pe Baltitko Romani čib (Romanes) 2019

⁴ I lyjá Jona te psirél pir fóro pe pérvo dyvés, i jov mištophenelas. Jov dyjá gódla i phendiá zoralés: “Iščo štardešá dyvesá, i Ninievija phagirena ke ruíny!”

Jona 3:4 Referans Kwoze

Яви́р Зако́но 18:22

Ко́ли проро́ко пхэнэ́ла Ра́скирэ-Дэвлэ́скирэ лавэ́са, нэ лав дова́ на явэ́ла дро чачипэ́н, и на кэрэ́лапэ, тэды на Рай Дэвэ́л ракирдя́ дава́ лав, нэ ракирдя́ дава́ проро́ко пир пэ́скири нахратыма, на дар лэ́стыр.

Jona 3:10

Тэ́ньци Дэвэ́л дыкхця́ лэ́нгирэ бутя́, со ёнэ рисинэ́ криг лэ́нгирэ бибахталэ́ дромэндыр, и Дэвэ́л потангиндя (пожалиндя) пал бари биба́хт, со Ёв пхэндя́ тэ янэл пэ лэ́ндэ, и ёв на яндя́ пэ лэ́ндэ.

4 Kralip 20:6

И дочхувава Мэ кэ тырэ́ дывэса́ дэшупандж бэрш, и вастэ́стыр Асирия́кирэ-кралискирэстыр Мэ зракха́ва тут и дава́ фо́ро, и зракха́ва дава́ фо́ро ваш Пэ́скэ и ваш Давидо́скэ, Мирэ́ писхари́скэ.’”

4 Kralip 20:1

Дрэ долэ́ дывэса́ занасвалыя о Езэки́я кэ мэрибэ́н; и явдя́ кэ ёв Исаё, Амососкиро чхаво́, проро́ко, и пхэндя́ лэ́скэ: “Адя́кэ ракирэ́ла Рай Дэвэ́л: ‘Припхэн со тэ кэрэ́с тырэ́ кхэрэса, пал-дова́ со мэрэ́са ту, и на высастёса.’”

Матфеё 12:41

Мануша́ Ниневиятыр ґаздэ́напэ пэ сэ́ндо кадалэ́ манушэ́нца и допхэнэна пэ лэ́ндэ, пал-дова́ со ёнэ рисинэ́ пэ́скирэ грэхэ́ндыр кэ Дэвэ́л, ке́ли о Иона пхэнэлас, и, акэ, ада́й исын Екх, Саво́ исын буты́р Ионастыр.

Luka 11:30

Адя́кэ, сыр Иона сыс ґерты́к ваш манушэ́нгэ Ниневиятыр, адя́кэ-паць Чхаво́ Манушэ́скиро явэ́ла ваш дава́ ро́до.

Luka 11:32

Ниневиякирэ мануша́ ґаздэ́напэ тэ сэндинэнпэ далэ́ родоса и ёнэ допхэнэна пэ лэ́ндэ, пал-дова́ со ёнэ на рисинэ́ грэхэ́ндыр кэ Дэвэ́л, ке́ли Иона пхэндя́ лав; и ада́й исын Екх, Саво́ исын барэды́р Ионастыр.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Ереме́ё 42:10

Ко́ли тумэ́ ячэ́напэ пэ дая́ пхув, тэды Мэ ґазда́ва пэ пхув тумэн и обчхувава тумаро́ джиибэ́н и Мэ на вырискирава [мулякирава-р.с.] тумэн: пал-дава́ со Мэ пиридживава пал доя́ би́да, сави́ Мэ кэрдём тумэ́нгэ.