Jona 2:4 - Библия - Пэ Балтитко Романи чиб (Романэс) 2019

⁴ Пал-дова́ со Ту чхурдыян ман дро хорипэ́н пэ са́мо морёскиро (дэрьявэ́скиро) ило́. И панинга́ обчхудэ ман трусця́л; и тырэ́ барэ́ панинга́, со кунинэнапэ, и валны прогинэ́ пирда́л ма́ндэ.”

Biblija - Pe Baltitko Romani čib (Romanes) 2019

⁴ Pal-dová so Tu čhurdyjan man dro xoripén pe sámo morjoskiro (derjavéskiro) iló. I paningá občhude man trusciál; i tyré baré paningá, so kuninenape, i valny proginé pirdál mánde.”

Jona 2:4 Referans Kwoze

Psalmy 31:22

Тэ явэ́л бахтякирдо́ Рай Дэвэ́л, Саво́ сыкадя́ Пэ́скири дивно лачхэ́-илы́ткима дро фо́ро, саво со халадэ́ облынэ трусця́л!

Psalmy 5:7

Ту хасякирэса одолэ́н, кон ракирэ́ла хоханэ́ лава́: Рай Дэвэ́л древа́н на камэ́ла манушэ́н, савэ́ исын нахрата кэ рат и хоханэ́.

Isajos 38:17

Акэ, сыклыём мирэ́ бидатыр, Ту зракхця́н миро ило́ хасибнастыр, Ту чхурдыян пал Пэ́скиро думо мирэ́ грэ́хи.

2 Паралипоменоно 6:38

и рисёна кэ Ту сарэ́ пэ́скирэ илэ́са и сарэ́ пэ́скирэ де́са, пэ пхув, пэ сави́ ёнэ явэ́на дро пле́но, карик отлыджана лэн дро пле́но, и явэ́на тэ мангэ́нпэ, рисии кэ пэ́скири пхув, сави́ Ту дыя́н лэ́нгирэ дадэ́нгэ, и кэ фо́ро, саво́ Ту выкэдыян, и кэ Кхангири́, сави́ мэ кэрдём Тырэ́ лавэ́скэ, –

Дание́лё 6:10

О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

Ереме́ё 7:15

И Мэ традава криг тумэн Мирэ́ якхэ́ндыр, сыр Мэ традыём криг сарэ́н тумарэ́ пшалэ́н, – саро́ Ефремоскиро (Ефраимоскирэ) явибнаскиро ро́до.

Езэкилё 37:11

И пхэндя́ Ёв ма́нгэ: “Манушэ́скиро чхава! Кадалэ́ кокалы́ исын саро́ Израилёскиро кхэр. Акэ, ёнэ ракирэ́на: “Вышутинэ амарэ́ кокалы́, хасия́ амаро́ патяибэ́н (наде́я), амэ сам отрискирдэ каштэ́стыр.”

Ереме́ё 15:1

И пхэндя́ Рай Дэвэ́л ма́нгэ: “Мэк Мо́йза и Самуи́ло тэ тэрдён анги́л Ма́ндэ, нэ Миро ди на рисёла кэ адалэ́ мануша́. Бичха́в лэн криг Мирэ́ якхэ́ндыр, и мэк ёнэ тэ джа́н пэ́скэ.

Isajos 49:14

А Сио́но ракирэ́ла: “Ячкирдя́ ман Рай Дэвэ́л; бистырдя ман Дэвэ́л миро!”

3 Kralip 9:7

то тэды Мэ традава криг Израилё пхувья́тыр, сави́ Мэ дыём лэ́скэ, и Кхангири́, сави́ Мэ обсвэнциндём лавэ́са Мирэса, отрискирава мо́стыр Мирэстыр, и явэ́ла Израилё притчаса и сабнаса сарэ́ манушэ́ндэ.

3 Kralip 8:48

и, ко́ли рисёна кэ Ту сарэ́ пэ́скирэ илэ́са и сарэ́ деса пэскирэса пэ вэргэнгири пхув, пэ сави́ лынэ́ лэн дро пле́но, и явэ́на тэ мангэ́нпэ Ту́кэ, рисии кэ пхув пэ́скири, сави́ Ту дыя́н лэ́нгирэ дадэ́нгэ, кэ фо́ро, саво́ Ту выкэдыян, и кэ Кхангири́, сави́ мэ чхудём лавэ́скэ Тырэ́скэ,

3 Kralip 8:42

пал-дова́ со и ёнэ шунэ́на пал Тыро́ баро́ лав, и пал Тыро́ васт ґаздыно́, – и явэ́на ёнэ и помангэнапэ пашы́л дая́ Кхангири́.

Jona 2:7

Мэ догиём кэ бэргэнгиро дугно (дно): пхув пэ́скирэ штабэнца закэрдяпэ пал ма́ндэ; нэ Ту, Раё Дэ́вла, миро Дэ́вла, лыджиян джидэс миро ди яври́ люностыр (адостыр).

Psalmy 42:8

Хорипэ́н прикхарэла хорипэ́н лопотымаса, сыр паня́ пэрэ́на, сарэ́ Тырэ́ валны (вэлны) и панинга́, со кунякирэнапэ, гинэ́ упрэ́ вучэды́р ма́ндыр.

Psalmy 88:6

Саво́ исын мэкно́ машки́р мулэндэ, сы́рбы одолэ́, со исын замардэ́ и паштэ́ дрэ ґанби́н, конэ́с Ту буты́р на рипирэса, и савэ́ исын чхурдынэ́ тэ хасён Тырэ́ вастэ́са.

Psalmy 88:7

Ту чхудя́н ман дрэ са́мо тэлатуны ґанби́н дрэ калэ́ (цямлэ) штэ́ты, дро са́мо хорипэ́н.

Roiben 3:54

паня́ ґаздынэ́пэ вучэды́р мирэ́ шэрэстыр, тэ́ньчи мэ пхэндём: “Мэ хасиём.”