Jona 1:9 - Библия - Пэ Балтитко Романи чиб (Романэс) 2019

⁹ И отпхэндя́ ёв лэ́нгэ: “Мэ сом Юдо; и мэ дарава Ра́стыр-Дэвлэ́стыр; Дэвлэ́стыр болыбнаскирэстыр, Кон создыя́ мо́рё (дэрья́в) и пхув шуки́.”

Biblija - Pe Baltitko Romani čib (Romanes) 2019

⁹ I otphendiá jov lénge: “Me som Judo; i me darava Rástyr-Devléstyr; Devléstyr bolybnaskirestyr, Kon sozdyjá mórjo (derjáv) i phuv šukí.”

Jona 1:9 Referans Kwoze

Ниеми́я 9:6

Ту, Раё Дэ́вла, сан Екх, Ту создыян болыбэ́н, болыбэ́н пэ болыбэ́н и халадэ́н лэнгирэн, пхув и саро́, со исын пэ ла́тэ, мо́рё (дэрья́в) и саро́, со исын дрэ лэ́стэ, и Ту дэ́са джиибэ́н далэскэ сарэскэ и болыбны́тка халадыбэна дэ́на паты́в Ту́кэ.

Psalmy 136:26

Парикирэ́н болыбна́скирэ Дэвлэ́скэ, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки.

Ниеми́я 1:4

Сыр мэ шундём, мэ бэсцём и зарондём, и со́мас мэ дрэ ту́га ада́кицы дывэса́, рикирдём мэ бокхало посто и мангдёмпэ анги́л болыбна́скирэ Дэвлэ́стэ,

Е́здра 1:2

“Адя́кэ ракирэ́ла Кира, кра́ли Персиякиро: ‘О Рай Дэвэ́л, Дэвэ́л болыбна́скиро, дыя́ ма́нгэ сарэ́ кралипэна́ пэ пхув. И Ёв припхэндя́ ма́нгэ тэ чхував Кхэр (Кхангири́) Лэ́скэ дро Ерусалимо, пэ Юдэ́я.

4 Kralip 17:28

И явдя́ екх ману́ш рашандыр, савэ́н вычхудэ́ Самариятыр, и дживдя́ кэ Вефи́лё, и сыклякирдя́ лэн, сыр тэ дэн паты́в Ра́скэ-Дэвлэ́скэ.

4 Kralip 17:25

И сыр дрэ англатуно́ пэ́скиро джиибэ́н ёнэ одо́й на дынэ́ паты́в Ра́скэ-Дэвлэ́скэ, тэды Рай Дэвэ́л бичхадя́ пэ лэ́ндэ шчэрэ́н (левэн), савэ́ мулякирдэ́ лэн.

Džiibén 14:13

И екх ману́ш, саво́ яця́пэ джидо́, явдя́, и роспхэндя́ Юдоскэ Аврамоскэ, саво́ тэды дживдя́ пашы́л дэмбитко вэшоро Мамре́, Амореянинос, Эшколоскирэ пшалэ́с и Анероскирэ пшалэ́с, савэ́ сыс дро доракирибэ́н Аврамоса.

Sykadyipén 16:11

и ёнэ калякирэнас Болыбна́скирэ Дэвлэ́с пал пэ́скирэ дукха́ и фра́нсы. Нэ ёнэ на рискирдэ́ пэ́скиро джиибэ́н грэхэ́ндыр кэ Дэвэ́л долэ́стыр, со ёнэ кэрдэ́.

Sykadyipén 15:4

Кон исын одова́, саво на дарэ́ла Ту́тыр, Раё Дэ́вла, И кон на славинэла Тыро́ Лав? Пал-дова́ со Ту сан Екх Свэ́нто, пал-дова́ со сарэ́ мануша́ явэ́на, и ёнэ поклонинэнапэ патыва́са анги́л Ту́тэ пал-дова́, со Ту чачунэ́с приджинэса манушэ́н анги́л бангипэн!”

Sykadyipén 11:13

И дро дова-паць мардо́ (шту́нда) кэрдя́пэ древа́н баро́ пхувья́киро тринскирибэн и дэ́што форо́скири паш пыя́, и эфта́ тысёнцы манушэ́н сыс замардэ́. И одолэ́, савэ́ ячнэ́пэ, страха́дынэ и славиндлэ Дэвлэ́с, Саво́ исын дро Болыбна́скиро Раё.

Filipiicenge 3:5

мэ со́мас обчхиндло пэ охто́то (бидуе́нгиро дэ́што) дывэ́с, сыр бияндыём, мэ сом Израилёскирэ родо́стыр, и мэ сом Вениамино́скирэ родыцо́стыр, Юдо Юдэндыр, и мэ сом Фарисеё пир сыклякирибэ́н;

Apostolengiri Butý 27:23

Палдова́ со дрэ дая́-паць рат Дэвлэ́скиро Янго́ло явдя́ кэ мэ, Конэ́скиро мэ сом и Конэ́скэ мэ дынаринава,

Apostolengiri Butý 14:15

ракири́: “Мануша́лэ! Со тумэ́ кэрэ́на? Амэ сам дасавэ́-паць мануша́, сыр и тумэ́, и роспхэнаса бахталы́ зан тумэ́нгэ, и амэ камаса, соб (кай) тумэ́ тэ мэкэ́н кадалэ́ хоханэ́ и́долы и тэ прилэ́н джидэ́ Дэвлэ́с, Саво́ создыя́ болыбэ́н и пхув и пани́, и саро́, со исын дрэ лэ́ндэ;

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

Ióvo 1:9

И на́лачхо отпхэндя́ Ра́скэ-Дэвлэ́скэ и пхэндя́: “Ци простэс Ио́во дарэ́ла Дэвлэ́стыр?

Ниеми́я 2:4

И пхэндя́ ма́нгэ о кра́ли: “Со жэ ту камэсас?” Мэ помангдёмпэ э Дэвлэ́скэ болыбнаскирэскэ,

Е́здра 5:11

Акэ, со ёнэ пхэндлэ́ дро отпхэныбэ́н: “Амэ сам писха́рья Дэвлэ́скирэ, Саво́ исын пэ болыбэ́н и пэ пхув, и амэ кэра́са нэвэ́с кхэр, саво́ чхудэ́ бут бэрша́ палэ, саво́ чхудя́ баро́ кра́ли Израилёскиро и ёв докончындя лэс.

Džiibén 39:14

кхардя́ пэ́скирэ кхэритконэн, и пхэндя́ лэ́нгэ адя́кэ: “Дыкхэ́н, ёв яндя́ кэ амэ адалэ́ Юдос тэ салпэ амэ́ндыр. Ёв явдя́ кэ мэ, соб (кай) тэ пасёл ма́нца, нэ мэ задыём го́дла,

Vygiiben 1:15

Египто́скиро кра́ли припхэндя́ пхурьенгэ, савэ́ бабинэнас тыкнэмасэн (биятэ́н) Юдыцэндэ, лэ́ндыр екхакиро лав сыс Шыфра, а явирьякиро Фуа,

Vygiiben 2:13

И выгия́ ёв пэ яви́р дывэ́с, и ґа́да, дуй Юды кошэнапэ; и пхэндя́ ёв одолэ́скэ, саво́ марэлас: “Палсо́ ту марэ́са тырэ́ пашатунэс?”

Džiibén 1:10

И дыя́ лав Дэвэ́л шукэ́ пхувьякэ, Пхув, а пане́нгэ, савэ́ сыс скэдынэ́, Мо́ри (Дэрьява́). И дыкхця́ Дэвэ́л, со дава́ сыс шука́р.

Džiibén 24:7

Болыбна́скиро Рай Дэвэ́л, Дэвэ́л, Саво́ лыя́ ман мирэ́ дадэ́скирэ кхэрэ́стыр и мирэ́ пхувья́тыр, кай мэ бияндыём, Саво́ ракирдя́ ма́нгэ, и Саво́ ма́нгэ совлахадя́, ракири́: ‘Родоскэ тырэ́скэ Мэ да́ва дая́ пхув, – Ёв бичхавэ́ла Пэ́скирэ Янголо́с анги́л ту́тэ, и ту лэ́са мирэ́ чхавэ́скэ ромня́ одотхы́р’;