Jona 1:6 - Библия - Пэ Балтитко Романи чиб (Романэс) 2019

⁶ И о барыдыро́ подги́я кэ ёв, и пхэндя́ лэ́скэ: “Со дава́ значынэ́ла, соибнаскиро? Ушты́, кхар тырэ́ Дэвлэ́с; хай Тыро́ Дэвэ́л пририпирэла пал амэ́ндэ, соб (кай) амэ́нгэ тэ на хасёвас.”

Biblija - Pe Baltitko Romani čib (Romanes) 2019

⁶ I o barydyró podgíia ke jov, i phendiá léske: “So davá značynéla, soibnaskiro? Uštý, khar tyré Devlés; xaj Tyró Devél priripirela pal aménde, sob (kaj) aménge te na xasjovas.”

Jona 1:6 Referans Kwoze

Jona 3:9

Кон сашты́ тэ пхэнэ́л, ци рисёла кэ Дэвэ́л, и ци пожалинэла (тангинэла), и ци, мо (хай), рискирэ́ла дрэ риг Лэ́скири бари холы́ адя́кэ, соб (кай) амэ́нгэ тэ на хасёвас.”

2 Kralip 12:22

И пхэндя́ Дави́до: “Пака тыкномас сыс джидо́, мэ постиндёмпэ и рондём, пал-дова́ со думиндём: кон джинэ́ла, ци на потангинэла (пожалинэла) ман Рай Дэвэ́л, и тыкномас ячэ́лапэ джидо́?

Эфесянэнгэ 5:14

Палдава́ исын пхэндло́: “Ушты́, кон исын суто́, и отджидёв, и явэ́ла тэ свэнцынэл ту́кэ Христо́со.”

Amoso 5:15

Бидыкхэн тумэ́ чорипэ́н (биба́хт), нэ выкэдэн лачхипэ́н, и тумэ́ кэрэ́н адя́кэ, соб (кай) тэ явэ́л чачипэ́н пашы́л по́рта (вра́ты) форо́скири, сашты́ тэ явэ́л, со Рай Дэвэ́л, янголэ́нгирэ-болыбна́скиро Дэвэ́л, явэ́ла тэ тангинэ́л одолэ́н, кон ячэ́лапэ манушэ́ндыр Езаскирэндыр (Иосифостыр).”

Apostolengiri Butý 21:13

Нэ Па́вли отпхэндя́: “Со тумэ́ кэрэ́на? Со́скэ тумэ́ ровэна и кушэна миро ило́? Мэ кама́м тэ явав на со пхандло, нэ и тэ мэрав дро Ерусалимо пал Дэвлэ́скирэ-Исусо́скиро лав.

Ioil 2:11

И пхэнэ́ла зоралэ́с Рай Дэвэ́л Пэ́скирэ заня́са (глосаса) сы́рбы грумо анги́л Лэ́скиро халадыбэ́н: пал-дова́ со исын зоралыпнаскирэ Лэ́скирэ марибнаскирэ мурша́. Дывэ́с Ра́скирэ-Дэвлэ́скиро исын баро́ и древа́н трашано, и кон дэ́ла ра́да тэ вырикирэл лэс?

Езэкилё 18:2

“Со́скэ тумэ́ ракирэ́на дасави́ притча (приме́ро) пэ Израилёскири пхув: ‘Дада́ ханас шутло винаградо (дракх), а пэ чхаворэнгирэ данда́ яця́ аскома?’

Isajos 3:15

Со тумэ́ облэна Миро народо, тасавэна чорорэн?” – ракирэ́ла Рай Дэвэ́л, Рай Дэвэ́л болыбаскиро-янголэ́нгиро.

Psalmy 107:6

ёнэ рондлэ́ годла́са анги́л Растэ-Дэвлэ́стэ дро пхарипэ́н и Ёв выракхця лэн барэ́ дара́тыр,

Psalmy 78:34

Ке́ли Ёв замарэлас лэн, тэды ёнэ родэнас Лэс, и ёнэ рискирэнас пэ́скиро ило́ и зоралэ́с родэнас Дэвлэ́с,

Ester 4:16

“Джа́, скэ́дэ сарэ́ Юдэ́н, савэ́ исын дрэ Сузы, и постинэн ваш ма́нгэ, и на хан и на пьен трин дывэса́, ни дывэсэ́, ни раты́, и мэ пэ́скирэ бутярнэнца адя́кэ-паць ява́ва тэ постинав, и коригэды́р (позжэ) мэ джа́ва кэ кра́ли, хоць дава́ исын проти зако́но, и ко́ли трэй явэ́ла тэ хасёвав, то хасёвава.”

Римлянэнгэ 13:11

Кэрэ́н адя́кэ, сыр тумэ́ тэ джинэ́н часо, со какана́ явдя́ мардо́ (шту́нда) тумэ́нгэ тэ уштэ́н соибнастыр; пал-дова́ со какана́ исын пашэдыр амаро́ зракхибэ́н, сыр тэды, ке́ли амэ лыям тэ патяс.

Jona 3:8

Нэ мэк мануша́ и мурдала́ тэ учхакирэн пэс жалобнонэ балытконэ гонэса, и тэ прикхарэн зоралэ́с Дэвлэ́с; адя́кэ, соб (кай) кажно лэ́ндыр тэ рисёл пэ́скирэ бибахталэ́ дромэ́стыр и нахратыматыр (насилиёстыр), со кэрдэ́ лэ́скирэ васта́.