Jona 1:4 - Библия - Пэ Балтитко Романи чиб (Романэс) 2019

⁴ Нэ о Рай Дэвэ́л бичхадя́ бари балва́л пэ мо́рё (дэрья́в), и одо́й яця́ зорало́ штормо пир мо́рё (дэрья́в) адя́кэ, со сыс бицяло́, со па́рма пхадёла.

Biblija - Pe Baltitko Romani čib (Romanes) 2019

⁴ Ne o Raj Devél bičhadiá bari balvál pe mórjo (derjáv), i odój jaciá zoraló štormo pir mórjo (derjáv) adiáke, so sys bicialó, so párma phadjola.

Jona 1:4 Referans Kwoze

Amoso 4:13

Палдава́, акэ, Ёв, Кон выкэрдя бэ́рги, Кон создыя́ балва́л, Кон дэ́ла звесь (зан) манушэ́скэ, пал со ёв думинэ́ла, Кон кэрэ́ла адя́кэ, со зло́ко (ра́нко) парудёла пэ калыпэ́н яври́, и Кон штавэла (стэмпинэла) пир вучэ́ штэ́ты пэ пхув, – Рай Дэвэ́л, янголэ́нгирэ-болыбна́скиро Дэвэ́л, исын Лэ́скиро лав.’

Psalmy 135:7

Ёв кэрэ́ла адя́кэ, со о́блоки ґаздэ́напэ пхувья́кирэ ягорэндыр; Ёв кэрэ́ла адя́кэ со джа́на блискави́цы брышындэса, Ёв янэ́ла балваля Пэ́скирэ складэндыр.

Vygiiben 10:19

И ґаздыя́ Рай Дэвэ́л явирэ рига́тыр западостыр древа́н зоралы́ балва́л, и ёв лыджия́ саранча и чхурдыя́ ла дро Лоло́ мо́рё (дэрья́в): на яця́пэ ни екх пхакитко скочко пэ сари́ Египто́скири пхув.

Čysly 11:31

И ґаздыя́пэ балва́л Ра́стыр-Дэвлэ́стыр, и яндя́ морёстыр (дэрьявэстыр) перепёлэн, и росчхурдыя лэн пашы́л ста́но (таборо (лод)), пэ екхэ-дывэсэскиро дром пир екх риг и пэ екхэ-дывэсэскиро дром пир яви́р риг пашы́л ста́но, пэ дуй куня́ (локти) вучэды́р пхувья́тыр.

Vygiiben 15:10

Ту пхурдыян Тырэ́ духо́са, и зачхакирдя лэн мо́рё (дэрья́в): ёнэ тасадынэ, сыр молови (свинцо), дрэ барэ́ паня́.

Vygiiben 14:21

И чхудя́ Мо́йза пэ́скиро васт пэ мо́рё (дэрья́в), и традыя́ Рай Дэвэ́л мо́рё (дэрья́в) зоралэ́ васточнонэ балваляса сари́ рат, и кэрдя́пэ мо́рё (дэрья́в) шукэ́ пхувья́са, и отгинэ́ паня́.

Vygiiben 10:13

И ґаздыя́ Мо́йза пэ́скиро дэсто́ пэ Египто́скири пхув, и Рай Дэвэ́л яндя́ пэ дая́ пхув вастоко́стыр балва́л, сави́ сыс саро́ дова́ дывэ́с и рат. Яця́ зло́ко (ра́нко), и вастоко́стыр балва́л лыджия́ пхакитконэ скочкэн (саранча).

Psalmy 135:6

Рай Дэвэ́л кэрэ́ла саро́, со Лэ́скэ закамэлапэ, ци пэ болыбэ́н, ци пэ пхув, ци дрэ мо́ри (дэрьява́), ци дрэ сарэ́ хор штэ́ты.

Ереме́ё 51:16

Ке́ли Ёв пхэнэ́ла пэ́скирэ заня́са, тэды паня́ пэ болыбэ́н ґаздэ́на ґлумо, Ёв кэрэ́ла адя́кэ, со о́блоки ґаздэ́напэ пхувья́кирэ ягорэндыр (краендыр); Ёв кэрэ́ла адя́кэ, со явэ́на блискави́цы брышындэса, Ёв янэ́ла балва́л Лэ́скирэ пиралендыр.

Psalmy 148:8

яг и ґрадо, ив и тхув, зоралы́ балва́л, савэ́ кэрэ́на пир лэ́скиро лав;