Jona 1:3 - Библия - Пэ Балтитко Романи чиб (Романэс) 2019

³ И Ёна уштыя́, соб (кай) тэ нашэ́л кэ Фарсисо Ра́стыр-Дэвлэ́стыр (сыр Лэ́скиро проро́ко). Ёна гия́ тэлэ́ кэ Иопия, плэскирдя ловэ́ пал па́рма (кораблё), бэсця́ пэ ла́тэ, и традыя́ лэ́нца кэ Фарсисо, соб (кай) тэ нашэ́л Ра́скирэ-Дэвлэ́скирэ якхэ́ндыр.

Biblija - Pe Baltitko Romani čib (Romanes) 2019

³ I Jona uštyjá, sob (kaj) te našél ke Farsiso Rástyr-Devléstyr (syr Léskiro proróko). Jona gijá telé ke Iopija, pleskirdia lové pal párma (korabljo), besciá pe láte, i tradyjá lénca ke Farsiso, sob (kaj) te našél Ráskire-Devléskire jakhéndyr.

Jona 1:3 Referans Kwoze

Isúso 19:46

Ме-Иарконо и Раконо межаса на́дур Иопиятыр. И выгия́ Дано́скирэ чхавэнгири риг тыкны ваш лэ́нгэ.

Džiibén 4:16

И гия́ криг Каино Ра́стыр-Дэвлэ́стыр; и лыя́ тэ дживэ́л пэ Нодоскири пхув, пэ васто́ко Эдэмостыр.

Apostolengiri Butý 9:36

Дрэ Иопия (Ёпия) сыс екх сыкляибны́тко джувлы́, савья́ кхардэ́ “Тавифа”, со значынэ́ла: “Серна.” Ёй усады (сак) кэрэ́лас лачхипэ́н и помогинэлас (дэ́лас васт) чорорэ́ манушэ́нгэ.

Apostolengiri Butý 9:43

И сыс адя́кэ: Пэ́три бут дывэса́ сыс дрэ Иопия кэ Си́моно, саво́ выкэрэлас цы́пи.

Jona 4:2

И ёв мангдя́пэ Ра́скэ-Дэвлэ́скэ и пхэндя́ ёв: “О Раё Дэ́вла! Саро́ дава́ на пир мирэ́ лава́, со мэ пхэндём, ке́ли мэ ишчо (инкэ́) со́мас пэ пэ́скири пхув? Палдава́ мэ и насцём вагэдыр (ґарэдыр) кэ Фарсисо: пал-дова́ со мэ на джиндём, со Ту сан лачхэ́-дескиро Дэвэ́л, Саво́ сыкавэ́ла ла́ска, Саво́ ле́нтэс холясо́ла и кэрэ́ла бут-бут лачхипэ́н, Кон жалинэла тэ кэрэ́л бэдыпэн.

Isajos 23:6

Пиритрадэн дро Фарсисо, ровэ́н, мануша́лэ, савэ́ дживэ́на пэ островы!

Isajos 23:1

Ангилпхэныбэ́н пал Ти́ро. – Ровэ́н, па́рмы (корабли) Фарсисостыр, пал-дова́, со ёв исын роспхагирдо; нанэ кхэра́, нико́н дрэ кхэра́ на заджа́ла. Адя́кэ пхэндло́ лэ́нгэ Китимоскирэ пхувья́тыр.

3 Kralip 19:3

Ке́ли Или́я дыкхця́ дава́, то ёв уштыя́ и гия́, соб (кай) тэ ракхэ́л пэ́скиро джиибэ́н, и ёв явдя́ дрэ Вирса́вия, сави́ исын дрэ Юдэ́я, и мэкця́ лэ́скирэ тэрнэ́ дынари́с одо́й.

2 Фесалоникийцэнгэ 1:9

пэ лэ́ндэ явэ́ла ка́ра Дэвлэ́стыр вечнонэ хасибнаса и угиибнаса Ра́стыр-Дэвлэ́стыр и Лэ́скирэ славакирэ зорья́тыр:

1 Коринфянэнгэ 9:16

Палдава́, ко́ли мэ роспхэнава бахталы́ зан (звесь), ма́ндэ нанэ со́са тэ шаравпэ; пал-дова́ со дава́ исын мири́ трэ́бима; дава́ явэ́лас пхарипэ́н ма́нгэ, ке́ли мэ тэ на роспхэнав бахталы́ зан (звесь).

Apostolengiri Butý 26:19

Палдава́, кра́лё Агри́па, мэ на могиндём тэ на кандав дова́, со мэ дыкхцём болыбна́стыр;

Езэкилё 27:12

Фарсисо, Тыро́ тимисяри (торговцо), конэ́стэ сыс баро́ барвалыпэ́н, плэскирэлас пал дова́, со ту бикнэсас, рупэ́са, састырэса, моловиса (свинцоса), волывоса (оловоса).

Isajos 23:10

Псир пир тыри́ пхув, чхай Фарсисоскири, псир, сыр рэка (лэнь): нико́н буты́р пэ тыро́ дром на тэрдёла.

Ióvo 1:12

И пхэндя́ Рай Дэвэ́л налачхэскэ: “Акэ, саро́ лэ́скиро исын дро тыро́ васт, фэ́ни на чилав Иовос кокорэс.” Тэ́ньци на́лачхо гия́ криг одотхы́р, кай сыс Рай Дэвэ́л.

2 Паралипоменоно 2:16

Амэ вычингираса вэш Ливаностыр, ци бут трэй ту́кэ, и притрадаса лэн плотэнца пир мо́рё (дэрья́в) дрэ Яфа; а ту отлыджаса лэн дро Ерусалимо.

Apostolengiri Butý 15:38

Нэ Па́вли сыс проти тэ лэл лэс пэ́са, пал-дова́ со ёв мэкця́ лэн дрэ Памфилия и на гия́ лэ́нца пэ рэ́ндо, пэ саво́ ёнэ сыс бичхадэ́.

Luka 9:62

Нэ Ису́со пхэндя́ Лэ́скэ: “Ние́кх, кон чхувэ́ла пэ́скиро васт пэ плуго (пхарады) и обдыкхэлапэ палэ, исын на лачхо́ ваш Дэвлэ́скиро Кралипэ́н дро Болыбна́скиро Раё.”

Езэкилё 3:14

И ґаздыя́ ман Ду́хо (Фа́но), и лыя́ ман. И джавас мэ пхарэ́ илэ́са, холя́са, и Ра́скирэ-Дэвлэ́скиро зорало́ васт сыс пэ ма́ндэ.

Isajos 60:9

Чачо́, Ман островы ужакирэ́на, и анги́л лэ́ндэ исын па́рмы Фарсисоскирэ, соб (кай) тэ пирилыджан дур тырэ́ чхавэ́н, лэ́нгиро руп и сувнака́й ваш тыро́ Ра́скирэ-Дэвлэ́скиро лав, пал-дова́ со Ёв дыя́ ту́кэ бари паты́в.

Isajos 2:16

Пэ сарэ́ па́рмы (корабли) Фарсисососкирэ, пэ сарэ́ лэ́нгирэ укэдыбэна.

Ióvo 2:7

И на́лачхо гия́ криг Ра́стыр-Дэвлэ́стыр, и ёв дукхадя Иовос холямэ́ проказаса (дукханэ франсэнца) ґэрьякирэ подэшватыр кэ лэ́скиро шэро́.

3 Kralip 19:9

И гия́ ёв дрэ ґеба́р (пешчэра) одо́й, и ратькирдя одо́й. И, акэ, сыс лав Рэстыр-Дэвлэ́стыр лэ́скэ, и пхэндя́ лэ́скэ Рай Дэвэ́л: “Со кэрэ́са ту ада́й, Или́я?”

Džiibén 3:8

И шундлэ́ Ра́скирэ-Дэвлэ́скири, Дэвлэ́скири зан (глос), сыр Ёв псирдя́ дрэ у́нта дрэ дова́ дывэ́с пэ васто́ко, сыр спыя хачкирибэ́н; Адамо и лэ́скири ромны́ ґарадынэ Ра́скирэ-Дэвлэ́скирэ, Дэвлэ́скирэ якхэ́ндыр машкира́л кашта́ дрэ у́нта.

Apostolengiri Butý 9:38

Нэ сыр Лида сыс на́дур Иопиятыр, и, ке́ли сыкляибны́тка шундлэ́ пал дова́, со Пэ́три исын дрэ Лида, ёнэ бичхадя́ кэ ёв дуе манушэ́н тэ мангэ́н лэс, соб (кай) ёв сыгэды́р тэ явэ́л кэ ёнэ.

Apostolengiri Butý 9:42

Дава́ кэрдя́пэ джиндло́ пир сари́ Иопия (Ёпия), и бут мануша́ патяндынэ́ дрэ Растэ-Дэвлэ́стэ.

Е́здра 3:7

Тэ́ньци ёнэ адя́кэ-паць дэ́нас ловэ́ барэнгирэ спецэнгэ и кхэра́-кэрибна́скирэнгэ, и хабэ́н, и пибэ́н, и маслинитко дзэт манушэ́нгэ Сидоностыр и Тиростыр, соб (кай) ёнэ тэ янэ́н кедрытко вэш Ливаностыр пир мо́рё (дэрья́в) пашы́л Яфа пир отмэкибнаскири (разрешэниё), сави́ сыс лэ́ндэ Кирастыр, крали́стыр Персиякирэстыр.

Psalmy 107:23

Одолэ́, савэ́ плывинэнас (дэ́нас пли́ма) пир мо́ри (дэрьява́) пэ па́рмы, ци савэ́ кэрэ́на ко́фо (польза) пир барэ́ паня́,

Ереме́ё 10:9

Руп, савэ́стыр исын чикадэ чарэ́, яндлэ́ Таршыностыр, сувнака́й Уфазостыр, сарэ́ ёнэ исын бутя́ мастероскирэ пир сувнака́й: голубово и пурпурно урибэ́н исын пэ кадалэ́ и́долы: ёнэ исын джиндлэ́-манушэ́нгирэ бутя́.

Jona 1:10

Тэ́ньци мануша́ страха́дынэ барэ́ трашаса, и пхэндлэ́ лэ́скэ: “Со́скэ дава́ ту кэрдя́н?” Пал-дова́ со адалэ́ мануша́ джиндлэ́, со ёв насця Ра́скирэ-Дэвлэ́скирэ якхэ́ндыр, сыр ёв ужэ роспхэндя́ лэ́нгэ.

2 Паралипоменоно 2:15

А парно́ гив и гэрсто (ячменё), ксил и мол (вино), пал савэ́ндэ ракирдян ту, миро хула́ё, бичха́в тырэ́ писхарье́нгэ.

2 Паралипоменоно 9:21

Палдава́ со па́рмы крали́скирэ псирдэ́ дрэ Фарсисо Хирамоскирэ дынарье́нца, и дрэ трин бэрш е́кхвар рисёна па́рмы Фарсисостыр, и янэ́нас сувнака́й и руп, слонытко кокало, и порьялэн (обезьянэн), и павлинэн.

Езэкилё 2:8

А ту, Манушэ́скиро чхаво́, шун, со Мэ ява́ва тэ ракира́в ту́кэ: на яв дасаво нарто (упрямо), сыр дава́ Кхэр, кай никонэ́с на кандэ́на, откэр пэ́скрэ ушта́, и ха, со Мэ да́ва ту́кэ.”