Jona 1:2 - Библия - Пэ Балтитко Романи чиб (Романэс) 2019

² “Ушты́, джа́ кэ Ниневия, дава́ баро́ фо́ро, и ра́кир зоралэ́с проти лэ́стэ: пал-дова́ со далэ́ форо́скирэ-манушэ́нгирэ злыднитка рэ́нды (фуй де́лы) явнэ́ анги́л Ма́ндэ.”

Biblija - Pe Baltitko Romani čib (Romanes) 2019

² “Uštý, džá ke Ninievija, davá baró fóro, i rákir zoralés proti léste: pal-dová so dalé foróskire-manušéngire zlydnitka réndy (fuj diély) javné angíl Mánde.”

Jona 1:2 Referans Kwoze

Džiibén 10:11

Далэ́ пхувья́тыр выгия́ Асуро (Ассуро), и ёв чхудя́ Ниневия, Рэховоф-иро, Калахо,

Naumo 1:1

Ангилпхэныбэ́н проти Ниневия. Лылвари́ пал Наумоскиро дыкхибэ́н, саво́ сыс Елкосостыр.

Jona 4:11

И сыр дава́ ма́нгэ трэиндя́ тэ на тангинав Ниневия, кадасаво́ баро́ фо́ро, дрэ саво́ буты́р сыр шэл тэ биш тысёнцы мануша́, савэ́ нашты́ тэ пхэнэ́н, кай исын лэ́ндэ чачо́, и лэ́нгиро зэ́рво (ле́во) васт, и адя́кэ-паць бутыпэн (множэство) кхэритконэ́-мурдалэнгиро (скотэнгиро).”

Jona 3:2

‘Ушты́, джа́ кэ Ниневия, древа́н (збит) баро́ фо́ро, и пхэн зоралэ́с Дэвлэ́скиро лав адя́кэ, сыр Мэ припхэнава ту́кэ.”

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Sykadyipén 18:5

пал-дова́ со скэдынэ́пэ кхэтанэ́ ла́кирэ грэ́хи кэ болыбэ́н и Дэвэ́л рипирэла ла́кири банг.

4 Kralip 19:36

И скэдыяпэ, и гия́, и рисия́ Сенахиримо, Асирияскиро кра́ли, и дживдя́ кэ Нине́вия.

Mihiejo 3:8

Нэ ма́ндэ, Михаёстэ, исын пхэрды́ зор, сави́ дыя́ Рай Дэвэ́л пир Свэ́нто Ду́хо, чачипэ́н и зоралыпэ́н, соб (кай) ма́нгэ тэ припхэнав (тэ сыкавав) Яково́скэ лэ́скиро чорипэ́н, и Израилёскэ лэ́скиро грэ́хо.

Езэкилё 2:7

Ра́кир лэ́нгэ Мирэ́ лава́, явэ́на ёнэ тэ шунэ́н, ци на явэ́на, пал-дова́, со ёнэ исын кхэр, кай никонэ́с на кандэ́на.

Е́здра 9:6

и пхэндём мэ: “О миро Дэ́вла! Мэ ладжава и ма́нгэ нанэ муршкипэн тэ ґаздав миро муй кэ Ту, миро Дэ́вла; пал-дова́ со амаро́ чорипэ́н ґаздыя́пэ вучэды́р амарэ́ шэрэндыр, и амари́ банг бария кэ болыбэ́н.

Jakov 5:4

Ѓа́да, исын мазу́ри (награда), сави́ тумэ́ на доплэскирдэ бутярнэнгэ, савэ́ укэдэнас маро́ тумарэ́ фэлдатыр, далэ́ ловэ́ дэ́на ґодла ясвэ́нца и лэ́нгири го́дла догия́ кэ болыбна́скирэ-янголэ́нгиро Рай Дэвэ́л.

Матфеё 10:18

и тырдэна тумэн кэ тхэмэ́скирэ барыдыра́ и кэ кра́лья пал Миро лав, соб (кай) тэ допхэнэн пал Ма́ндэ лэ́нгэ и Наюдэ́нгэ.

Матфеё 12:41

Мануша́ Ниневиятыр ґаздэ́напэ пэ сэ́ндо кадалэ́ манушэ́нца и допхэнэна пэ лэ́ндэ, пал-дова́ со ёнэ рисинэ́ пэ́скирэ грэхэ́ндыр кэ Дэвэ́л, ке́ли о Иона пхэнэлас, и, акэ, ада́й исын Екх, Саво́ исын буты́р Ионастыр.

Isajos 37:37

И отгия́, и гия́, и рисия́ Сенахиримо, Асирия́киро кра́ли и дживдя́ кэ Ниневия.

Ереме́ё 20:9

тэ́ньци пхэндём [подуминдём-р.с.] мэ: ‘Мэ на ява́ва буты́р тэ рипирав Лэ́скиро лав, ци тэ ракира́в буты́р Лэ́скирэ лавэ́стыр, нэ Лэ́скиро лав исын сыр хачибнаскири яг, сави́ исын пхандлы дрэ мирэ́ кокалы́; и Мэ кхиныём тэ рикирав лэс, и мэ на могиндём.

Osija 7:2

Ёнэ на думинэ́на дрэ пэ́скирэ илэ, со Мэ рипирава саро́ лэ́нгиро фуипэ́н; аканэ лэ́нгирэ рэ́нды исын трусця́л (вокруг) лэ́ндэ; ёнэ исын сарэ́ анги́л Ма́ндэ.

Jona 3:3

И уштыя́ Ёна, и гия́ кэ Ниневия пир лав Ра́скирэ-Дэвлэ́скиро. Джинэ́н, со Ниневия сыс коптарам баро́ фо́ро Дэвлэ́стэ, трэиндя́ трин дывэса́ тэ обджас лэс.

2 Паралипоменоно 28:9

Одо́й сыс Ра́скирэ-Дэвлэ́скиро проро́ко; лав лэ́скиро сыс Оде́до. Ёв выгия́ анги́л халадэ́нгиро муй, савэ́ гинэ́ дрэ Сама́рия, и пхэндя́ лэ́нгэ: “Акэ, Рай Дэвэ́л, Дэвэ́л тумарэ́-дадэ́нгиро, дрэ холы́ пэ Юдэ́ндэ, отдыя́ лэн дро тумаро́ васт, и тумэ́ домардэ́ лэн дасавэ́ холя́са, сави́ догия́ кэ болыбэ́н.

Naumo 3:19

Тыро́ фра́нсо (рана) нашты́ тэ састякирэс, тырэ́-масэнгирэ фуя́ (язвы) исын хор. Сарэ́, кон шунэ́ла дая́ звесь пал ту́тэ, явэ́на тэ марэ́н дрэ васта́ радыма́тыр; пал-дова́ со нанэ ние́кх ману́ш, конэ́с тыро́ фуипэ́н тэ обджал ригаса.