Jona 1:12 - Библия - Пэ Балтитко Романи чиб (Романэс) 2019

¹² И ёв пхэндя́ лэ́нгэ: “Лэн тэ ґаздэ́н ман упрэ́, и чхурдэ́н ман дро мо́рё (дэрья́в); тэды мо́рё (дэрья́в) явэ́ла штыл ваш тумэ́нгэ. Пал-дова́ со, мэ джино́м, со дава́ штормо яця́ пир ма́ндэ.”

Biblija - Pe Baltitko Romani čib (Romanes) 2019

¹² I jov phendiá lénge: “Len te ĥazdén man upré, i čhurdén man dro mórjo (derjáv); tedy mórjo (derjáv) javéla štyl vaš tuménge. Pal-dová so, me džinóm, so davá štormo jaciá pir mánde.”

Jona 1:12 Referans Kwoze

2 Kralip 24:17

И пхэндя́ Дави́до Ра́скэ-Дэвлэ́скэ, сыр дыкхця́ Янголо́с, саво́ мулякирэ́ла манушэ́н, ракири́: “Ѓа́да, мэ кэрдём грэ́хо, мэ кэрдём грэ́хо; а адалэ́ бакрэ́, со кэрдэ́ ёнэ?

1 Паралипоменоно 21:17

И пхэндя́ Дави́до Дэвлэ́скэ: “Ци на мэ пхэндём тэ пиригинэс манушэ́н? Мэ кэрдём грэ́хо, мэ кэрдём фуипэ́н; а далэ́ бакрэ́ со кэрдэ́? Раё Дэ́вла, Дэ́вла миро! Мэк тэ явэ́л васт Тыро́ пэ ма́ндэ и пэ кхэр мирэ́ дадэ́скиро, а на пэ Тырэ́ манушэ́ндэ, соб (кай) Ту тэ хасякирэс лэн.”

Isúso 7:12

Палдава́ Израилёскирэ чхавэ́ на могиндлэ́ тэ вытэрдён анги́л пэ́скирэ вэргэ́ндэ, и сыкадэ палуй (тыло) пэ́скирэ вэргэ́нгэ, пал-дова́ со ёнэ попынэ тэл совэ́л (прокошыбэ́н); Мэ на ява́ва буты́р тумэ́нца, ко́ли на хасякирэна пэ́стыр засовлахадэс.

Apostolengiri Butý 27:24

и пхэндя́: “На андырша, Павле! Ту явэ́са тэ тэрдёс пэ сэ́ндо анги́л кхенинго́стэ (кесарёстэ); и, ґа́да, Дэвэ́л даринэла джиибэ́н сарэ́нгэ, кон плывинэла (дэла плима) ту́са.”

Joannostir 11:50

Нау́што на ґалёна тумэ́, со ваш амэ́нгэ явэ́ла фэды́р, ко́ли екх ману́ш тэ мэрэ́л пал сарэ́ манушэ́ндэ, а соб (кай) сарэ́ мануша́ тэ на хасён.”

Ekliesiastos 9:18

Годыпэ́н исын фэды́р марибнытконэ́ састырэндыр; нэ екх грэхи́тко ману́ш хасякирэ́ла бут лачхипэ́н.

Jona 1:11

Тэ́ньци ёнэ пхэндлэ́ лэ́скэ: “Со трэй тэ кэра́с амэ́нгэ ту́са, соб (кай) мо́рё (дэрья́в) тэ штылёл ваш амэ́нгэ?”, – пал-дова́ со мо́рё (дэрья́в) уса́ ґаздэласпэ вучэды́р штормостыр.

Jona 1:13

На дыкхи́ пэ дова́, со мануша́ ґребиндлэ зоралэ́с, соб (кай) тэ янэл па́рма кэ пхув, нэ ёнэ на дынэ́ ра́да, пал-дава́ со мо́рё (дэрья́в) дурэды́р ґаздэ́лапэ штормоса пэ лэ́ндэ.

Ióvo 35:8

Тыро́ фуипэ́н кэрэ́ла дош адасавэ́ манушэ́скэ, сыр ту сан кокоро́, и тыро́ чачипэ́н исын дасаво-паць, сыр кажнонэ́ явирэ манушэ́стэ.