Joannostir 9:4 - Библия - Пэ Балтитко Романи чиб (Романэс) 2019

⁴ Пака на прогия́ дывэ́с, Ма́нгэ трэй тэ кэра́в Одолэскирэ рэ́нды, Кон бичхадя́ Ман; сыг явэ́ла рат, ке́ли нико́н нашты́ нисо́ тэ кэрэ́л.

Joannostir Svencono lačopheniben 1933 (Latvia)

⁴ Mange čhebi kērav butča Doleskīre Kon Man bičadža, poskil oščo isi dīves; javela rat, kedi nikon našti kērel.

Biblija - Pe Baltitko Romani čib (Romanes) 2019

⁴ Paka na progijá dyvés, Mánge trej te keráv Odoleskire réndy, Kon bičhadiá Man; syg javéla rat, kiéli nikón naštý nisó te kerél.

Joannostir 9:4 Referans Kwoze

Joannostir 12:35

Тэды Ису́со пхэндя́ лэ́нгэ: “Сарэ́са пэ на́бут часо дуд (свэ́то) исын тумэ́нца. Псирэ́н, пака исын дуд, соб (кай) тэ на чхакирэл тумэн калыпэ́н (цёмныма). Нэ одова́, кон псирэ́ла дро калыпэ́н, одова́ на джинэ́ла, карик ёв джа́ла.

Эфесянэнгэ 5:16

Ракхэ́н часо (цы́ро), пал-дава́ со далэ́ дывэса́ исын хоханэ́.

Joannostir 4:34

Ису́со ракирэ́ла лэ́нгэ: “Миро хабэ́н исын тэ кэра́в во́ля Одолэскири, Кон бичхадя́ Ман, и тэ кэра́в Лэ́скиро рэ́ндо.

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Galatenge 6:10

Палдава́, ко́ли исын часо/саштыпэн, то ява́са тэ кэра́с лачхипэ́н сарэ́нгэ, и древа́н фэды́р кодолэ́нгэ, савэ́ исын пша́ла пир патяибэ́н.

Joannostir 17:4

Мэ славиндём Тут пэ пхув, кэрдём буты́, сави́ Ту допатяндыян Ма́нгэ тэ кэра́в.

Колосянэнгэ 4:5

Дживэ́н и лыджа́н пэс годьварэс напатяибнаскирэнца, причхувэ́н ило́ кэ кажно ваканцыя (случаё).

Joannostir 5:36

А Ма́ндэ исын допхэныбэ́н барэды́р Ианоскирэстыр; одолэ́ рэ́нды, савэ́ Дад дыя́ Ма́нгэ тэ кэра́в, и савэ́ Мэ кэра́ва, дава́ исын допхэныбэ́н, со бичхадя́ Ман Миро Дад.

Joannostir 10:32

Ису́со отпхэндя́ лэ́нгэ: “Бут лачхэ́ рэ́нды сыкадём Мэ тумэ́нгэ Мирэ́ Дадэ́стыр; пал саво́ ж рэ́ндо лэ́ндыр тумэ́ камэ́на тэ марэ́н Ман барэ́нца?”

Joannostir 10:37

Ко́ли Мэ на кэра́ва Мирэ́ Дадэ́скирэ рэ́нды, тэды на патя́н Ма́нгэ;

Apostolengiri Butý 4:20

Амэ́нгэ нашты́ тэ на ракирас пал дова́, со амэ кокорэ́ дыкхцям и шундя́м.”

Joannostir 5:19

Нэ Ису́со пхэндя́ лэ́нгэ: “Чачэс, чачэс, Мэ ракира́ва тумэ́нгэ: Чхаво́ нисо́ нашты́ тэ кэрэ́л Кокоро́ Пэ́стыр, ко́ли Ёв тэ на дыкхэ́л, со кэрэ́ла Дад, пал-дова́ со дова́, со Дад кэрэ́ла, дова́-паць кэрэ́ла и Чхаво́.

Joannostir 7:33

Нэ Ису́со: “Ишчо нагара яця́пэ Ма́нгэ тэ явав тумэ́нца, и Мэ джа́ва кэ Одова́ пхэндя́, Кон бичхадя́ Ман.

Матфеё 20:7

Ёнэ ракирна лэ́скэ: ‘Пал-дова́ со нико́н амэн на лыя́ пэ буты́.’ Ёв раки́рла лэ́нгэ: ‘Джа́н и тумэ́ дро миро винагра́днико, и со, чачэс, явэ́ла мол, мэ плэскирава тумэ́нгэ.’

Marko 3:3

И Ёв ракирэ́ла манушэ́скэ шукэ́ вастэ́са: “Ушты́ и тэрдёв машкира́л.”