Joannostir 8:6 - Библия - Пэ Балтитко Романи чиб (Романэс) 2019

⁶ Ёнэ ракирдэ́ адя́кэ, соб (кай) тэ пропатякирэн Лэс, соб (кай) тэ латхэ́н вари-со тэ бангякирэн Лэс. Нэ Ису́со бандия кэ пхув, чхиндя́ ангуштэса пэ пхув?

Joannostir Svencono lačopheniben 1933 (Latvia)

⁶ Dava rakirde, Les čipindoi, sobi lačen sočimoņi Les ke bang. Ne Iisusos, dobandžija telle, čhindža palcosa pe phu, nariškirindoi pe lenge nisav haļipen.

Biblija - Pe Baltitko Romani čib (Romanes) 2019

⁶ Jone rakirdé adiáke, sob (kaj) te propatiakiren Les, sob (kaj) te lathén vari-so te bangiakiren Les. Ne Isúso bandija ke phuv, čhindiá anguštesa pe phuv?

Joannostir 8:6 Referans Kwoze

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

Luka 10:25

И, ґа́да, екх Законоскиро сыклякирибнари, уштыя́ и ками тэ пропатякирэл Исусо́с, пхэндя́: “Сыклякирибнарискиро! Со ма́нгэ тэ кэра́в, соб (кай) тэ дорэсав ве́чно джиибэ́н?”

Матфеё 19:3

И подгинэ́ кэ Ёв Фарисе́и и пропатякирэнас Лэс и пхучэнас: “Ци пал кажно рэ́ндо (де́ло) сашты́ (можна) манушэ́скэ тэ розлыджалпэ пэ́скирэ ромняся?

Amoso 5:10

Тумэ́ нашты́ тэ дыкхэ́н пэ кодолэстэ, кон сыкавэ́ла банг тумэ́нгэ пашы́л по́рта и тумэ́ дыкхэ́на вучипна́са пэ кодолэстэ, кон ракирэ́ла чачипэ́н.

Ekliesiastos 3:7

часо тэ рискирэ́н, и часо тэ сывэн; часо тэ явэ́н штыл, и часо тэ ракирэ́н;

1 Коринфянэнгэ 10:9

И на ява́са тэ пропатякирас Рас-Дэвлэ́с, сыр вари-савэ́ лэ́ндыр кэрдэ́, и ёнэ хасинэ́ сапэндыр.

Marko 10:2

И явнэ́ кэ Ёв Фарисе́и тэ пропатякирэн Лэс, и пхучнэ́ Лэ́стыр: “Пхэн амэ́нгэ, ци сашты́ (можна) муршэскэ тэ мэкэл пэ́скирэ ромня́?”

Marko 8:11

Одо́й кэ Ису́со подгинэ́ Фарисе́и и лынэ́ тэ допхэнэн Лэ́скэ. Лэ́нгэ трэиндя́ тэ ухтылэ́н Лэс дро лав и ёнэ трэбиндлэ Лэ́стыр ґерты́к (знаме́ниё), соб (кай) тэ спробинэн Лэс.

Матфеё 26:63

Нэ Ису́со сыс штыл. И пэ́рво раша́й пхэндя́ Лэ́скэ: “Засовлахава Тут Дэвлэ́са Джидэса: пхэн амэ́нгэ, ци Ту сан Христо́со, Чхаво́ Дэвлэ́скиро?”

Матфеё 22:35

И екх лэ́ндыр, Законоскиро сыклякирибнари, пхуця́ Лэ́стыр, соб (кай) тэ пропатякирэн Лэс:

Матфеё 22:18

Нэ Ису́со джиндя́ лэ́нгири дуемуиткима и пхэндя́: “Со́скэ тумэ́ Ман камэ́на тэ пропатякирэн, дуемуитка?

Матфеё 16:1

И Фарисе́и и Садукеи подгинэ́, и, соб (кай) тэ пропатякирэн Исусо́с, палдава́ ёнэ мангнэ́ тэ сыкавэ́л лэ́нгэ ґерты́к (знаме́ниё) болыбна́стыр.

Матфеё 15:23

Нэ Ёв нисо́ на отпхэндя́ ла́кэ. И Лэ́скирэ сыкляибны́тка подгинэ́ кэ Ёв и помангнэ Лэс: “Отмэк ла, пал-дова́ со ёй адя́кэ дэ́ла го́дла пал амэ́ндэ.”

Матфеё 10:16

Акэ, Мэ бичхава́ва тумэн сыр бакрэ́н машки́р рувэндэ; явэ́н годьварэ́ сыр сапа, и бибангипнаскирэ сыр голумбы.

Amoso 5:13

Палдава́ барэ́-годя́киро ману́ш явэ́ла штыл дро далэ́ дывэса́, пал-дова́ со дава́ исын бибахтало́ часо.

Дание́лё 5:5

Дрэ кодоя-паць мардо́ (шту́нда) выгинэ́ ангушта (пальцы) манушытконэ́-вастэскирэ и чхиндлэ́ проти лампада пэ звёска пэ парнякирды ва́нта дрэ фэлатин (колов) крали́скири, и о кра́ли дыкхця́ бурнык (кисть) вастытко, сави́ чхинэлас.

Pritčy 26:17

Кон чхувэ́ла пэ́скиро накх дрэ чу́жо чинга́рд, одова́ исын сы́рбы ману́ш, саво́ ухтылэ́ла джуклэс пал кана́.

Čysly 14:22

сарэ́, савэ́ дыкхнэ́ Мири́ сла́ва и Мирэ́ знаме́нии (ґертыка́), савэ́ Мэ кэрдём дро Еги́пто и пэ чхучи́ пхув, и спробинэнас Ман дэш мо́лы, и на шундлэ́ Мири́ зан,

Džiibén 49:9

Тэрно́ шчэр (ле́во) Юда, дорэсыбнастыр, сыр ёв захала, миро чхаво́, ґаздэ́лапэ ёв. Пасия́ ёв, сыр шчэр (ле́во) и сыр шчэриха (львица): кон ґаздэ́ла лэс?

Joannostir 8:2

И пэ зло́ко Ёв явдя́ дрэ Кхангири́, и сарэ́ мануша́ гинэ́ кэ Ёв; и Ёв бэсця́ и сыклякирдя́ лэн.

Luka 11:16

А яви́р мануша́ пропатякирэнас Лэс, трэбинэнас Лэ́стыр, соб (кай) тэ явэ́л ґерты́к (знаме́ниё) болыбна́стыр.

Marko 12:15

Ису́со джиндя́ лэ́нгири фротыма и пхэндя́ лэ́нгэ: “Со́скэ тумэ́ камэ́на тэ пропатякирэн Ман?” – пхуця́ Ёв. “Янэ́н Ма́нгэ динариё тэ дыкха́в.”

Psalmy 39:1

Хоро́скирэ Дирижоро́скэ. Идифимоскэ (Едуцыноскэ). Давидо́скиро Пса́лмо.

Marko 3:2

Дрэ синагога дыкхэнас ракхибны́ткэс пал Лэ́стэ, соб (кай) тэ бангякирэн Исусо́с, ци на састякирэлас Ёв адалэс манушэ́с дро са́вато.