Joannostir 8:44 - Библия - Пэ Балтитко Романи чиб (Романэс) 2019

⁴⁴ Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Joannostir Svencono lačopheniben 1933 (Latvia)

⁴⁴ Tumāro dād beng; te tume kamena phečkiren tumāre dādesko kamiben, Jov isis mānušego domāribnaskīro pšeršumastir, te nanotardija ano lašņuma; hai an leske nāni lašņuma. Kedi rakirla jov frotaruma, rakirla peskīro; hai jov frotaris te frotarumasko dād.

Biblija - Pe Baltitko Romani čib (Romanes) 2019

⁴⁴ Tumaro dad isyn nálačho i tumé kaména te kerén pir tumaré-dadéskiri láska. Ne jov saró džiibén sys manušéngiro zamaribnari, i jov na dživdiá dro čačipén, pal-dová so nane čačipén dre léste; kiéli jov rakiréla xohaibén, rakiréla péskiro, pal-dová so jov isyn xohaibnari i xohaibnaskiro dad.

Joannostir 8:44 Referans Kwoze

Apostolengiri Butý 13:10

и пхэндя́: “Ту, сан налачхэскиро чхаво́ и вэ́рго сарэ́ чачипнаскэ: ту сан пхэрдо́ хохаибнаса и калэ́ рэндэ́нца; ци пириячэса ту тэ злыджас манушэ́н чачунэ́ Ра́скирэ-Дэвлэ́скирэ дромэ́стыр?

1 Ian 3:12

нэ на адя́кэ, сыр Каино, саво́ сыс налачхэстыр и саво́ замардя́ (мулякирдя́) пэ́скирэ пшалэ́с. Пал со ж ёв замардя́ лэс? Пал-дова́ со лэ́скирэ рэ́нды сыс фуй, а лэ́скирэ-пшалэ́скирэ рэ́нды сыс чачунэ́.

2 Коринфянэнгэ 11:3

Нэ мэ дарава, со, сыр сап хохадя Ева пэ́скирэ фротыма́са, адя́кэ-паць, соб (кай) и тумари́ годы́ тэ на пошкодинэлпэ и, соб (кай) тумэ́ тэ на отрисён простонэ патяибнастыр дрэ Христосо́стэ.

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

Joannostir 8:38

Мэ ракира́ва тумэ́нгэ дова́, со Мэ дыкхцём Мирэ́ Дадэ́стэ: нэ тумэ́ кэрэ́на дова́, со тумэ́ дыкхнэ́ пэ́скирэ дадэ́стэ.”

Joannostir 8:41

Тумэ́ кэрэ́на дова́, со кэрдя́ тумаро́ дад.” Ёнэ пхэндлэ́ Лэ́скэ: “Амэ на бияндыям блэндостыр; амэ́ндэ исын екх Дад: Дэвэ́л.”

1 Ian 3:15

Кажно (сва́ко) ману́ш, кон на дэ́ла паты́в пэ́скирэ пшалэ́скэ, исын замарибнари (умарибнари), а тумэ́ джинэ́на, со ни екхэ замарибнарискэ на явэ́ла ве́чно джиибэ́н.

Матфеё 13:38

фэ́лда исын свэ́то; лачхи́ зя́рка-дава́ исын чхавэ́ Кралипнаскирэ, кай хулаинэла Дэвэ́л; дылыны чар-дава́ исын чхавэ́ налачхэскирэ,

Juda 1:6

И Янголэн, савэ́ на зракхнэ́ пэ́скиро англатуно́ право дрэ паты́в, а ячкирдэ́ пэ́скиро штэ́то тэ дживэ́н, Ёв ракхэ́ла лэн дро калыпэ́н дрэ вечна састыра́ пэ баро́ Дывэ́с, ке́ли лэн явэ́ла Ёв пхарэ́с тэ сэндякирэ́л;

1 Ian 2:4

Кон ракирэ́ла: “Мэ уджиндём Лэс” и на ракхэ́ла Лэ́скирэ припхэныбэна́, одова́ ману́ш исын хохаибнари, и нанэ нисаво́ чачипэ́н дрэ лэ́стэ;

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

1 Petr 5:8

Явэ́н трезва (ны́рна), ракхэ́нпэ. Тумаро вэ́рго, на́лачхо, псирэ́ла сыр шчэр (ле́во), саво́ рыкинэла и родэ́ла, конэ́с тэ хал.

Sykadyipén 9:11

Люноскиро (Адоскиро) Янго́ло сыс кра́ли пэ лэ́ндэ. Лэ́скиро лав пир Юды́тко чиб сыс “Абаддон”, а грэки́ткэс (балами́ткэс) “Апполион.”

Apostolengiri Butý 5:3

Нэ Пэ́три пхэндя́: “Анание! Ваш со ту домэкцян налачхэ́с тэ хулаинэ́л, со ту хохадян Свэнтонэ́ Духоскэ и ґарадян пэ́скэ паш ловэ́, савэ́ ту дорэсцян пал бикиндлы пхув?

1 Паралипоменоно 21:1

И ґаздыя́пэ на́лачхо (бэнг) пэ Израилё, и зачхудя Давидо́с тэ пиригинэл манушэ́н Израильтянэндыр.

Joannostir 6:70

Ису́со отпхэндя́ лэ́нгэ: “Ци на Мэ выкэдыём дэшудуен тумэн, нэ екх тумэ́ндыр исын на́лачхо.”

Sykadyipén 2:10

На дар нисостыр, пал со ту́кэ приявэлапэ тэ мэнчынэспэ. Ѓа́да, на́лачхо явэ́ла тэ чхурдэл вари-савэ́н тумэ́ндыр дро штарибэ́н (бэшыбэн); соб (кай) тумэн тэ пропатякирэн и тумэ́ндэ явэ́ла пхарипэ́н дэш дывэса́. Яв патяибны́тко кэ мэрибэ́н, и Мэ да́ва ту́кэ джиибна́скири вя́нка (коро́на).

2 Petr 2:4

Пал-дова́ со ко́ли Дэвэ́л на потангиндя Янголэн, савэ́ кэрдэ́ грэ́хи, а отдыя́ лэн дро лю́но (адо), и бэшлякирдя лэн састырэнца дро цямлыпэ́н, кай ёнэ ужакирэ́на сэндоскиро дывэ́с;

Sykadyipén 13:14

И ёв хохавэлас одолэ́н, савэ́ дживэ́на пэ пхув кодолэнца ґертыкэ́нца, со лэ́скэ сыс дыно́ тэ кэрэ́л анги́л пэрвонэ́-рискирибна́скирэ мурдалэ́стэ, ракири́ сарэ́нгэ, кон дживэ́ла пэ пхув, тэ кэрэ́н дая́ парти́н (о́бразо) адалэ́ мурдалэскири, савэ́стэ сыс фра́нсо куртала́тыр и саво́ дживдя́.

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

Ióvo 1:11

Нэ Ту, ґа́да, фэ́ни (то́ка) лэ Пэ́скирэ вастэ́са и закэдэ саро́, со исын лэ́стэ, и ёв, чачэс, на явэ́ла тэ бахтякирэ́л Тут!”

3 Kralip 22:22

Ёв отпхэндя́: “Мэ выджава и ячавапэ хоханэ́ духо́са пэ ушта́ сарэ́ пророкэ́ндэ.” О Рай Дэвэ́л пхэндя́: “Ту уракирэса лэс и лэ́са упралыпэ́н пэ дава́; джа́ и кэр адя́кэ.”

Матфеё 12:34

Тумэ́ сан сапитко ро́до! Сыр тумэ́ могинэ́на тэ ракирэ́н лачхипэ́н, ко́ли тумэ́ сан налачхэ́? Пал-дова́ со, со исын дро ило́ пхэрдо́, дова́ ушта́ ракирэ́на.

Матфеё 13:15

пал-дова́ со адалэ́ манушэ́нгиро ило́ кашталыя, и ёнэ шунэ́на фуес пэ́скирэ канэнца и якха́ пэ́скирэ закэрдэ, соб (кай) тэ на дыкхэ́н якхэ́нца, и тэ на шунэ́н канэнца, и тэ на ґалён илэ́са, и тэ на рисён кэ Мэ, соб (кай) Мэ тэ высастякирав лэн.’

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Joannostir 8:55

Тумэ́ на джиндлэ́ Лэс, нэ Мэ джино́м (джина́в) Лэс; и ко́ли Мэ пхэна́ва, со на джино́м Лэс, тэды Мэ ява́ва адасаво́-паць хохаибнари, сыр и тумэ́ сан. Нэ Мэ джино́м Лэс и Мэ ракхава Лэ́скиро лав.

1 Ian 1:8

Ко́ли амэ ракираса, со амэ́ндэ нанэ грэ́хо, тэды амэ хохаваса кокорэ́ пэс, и нанэ амэ́ндэ чачипэ́н.

1 Ian 2:21

Мэ чхиндём тумэ́нгэ на палдова́ со тумэ́ на джинэ́на чачипэ́н, нэ пал-дова́ со тумэ́ джинэ́на лэс, адя́кэ-паць сыр и дова́, со кажно хохаибэ́н нанэ чачипнастыр.

Apostolengiri Butý 24:9

И Юды подрикирдэ лэ́нгиро допхэныбэ́н, ракири́, со саро́ дава́, со ёнэ ракирдэ́ пэ лэ́стэ, сыс чачипэ́н.