Joannostir 8:41 - Библия - Пэ Балтитко Романи чиб (Романэс) 2019

⁴¹ Тумэ́ кэрэ́на дова́, со кэрдя́ тумаро́ дад.” Ёнэ пхэндлэ́ Лэ́скэ: “Амэ на бияндыям блэндостыр; амэ́ндэ исын екх Дад: Дэвэ́л.”

Joannostir Svencono lačopheniben 1933 (Latvia)

⁴¹ Tume kērna buča tumāre dādeskīre Pe dava phendle Leske: me nasam ano lubnaruma ločīne; jek Dād menge isi, Dēvel.

Biblija - Pe Baltitko Romani čib (Romanes) 2019

⁴¹ Tumé keréna dová, so kerdiá tumaró dad.” Jone phendlé Léske: “Ame na bijandyjam blendostyr; aménde isyn jekh Dad: Devél.”

Joannostir 8:41 Referans Kwoze

Isajos 64:8

Нэ какана́, Раё Дэ́вла, Ту сан амаро́ Дад; амэ сам ґлэя (бла́та), савья́тыр кэрэ́на кхорэ́, а Ту – Одова́, Кон создыя́ амэн; сарэ́ амэ – Тырэ́-вастэнгири буты́.

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Joannostir 8:38

Мэ ракира́ва тумэ́нгэ дова́, со Мэ дыкхцём Мирэ́ Дадэ́стэ: нэ тумэ́ кэрэ́на дова́, со тумэ́ дыкхнэ́ пэ́скирэ дадэ́стэ.”

Isajos 63:16

Ту сан Екх амаро́ Дад Дэвэ́л; пал-дова́ со Авраа́мо на джинэ́ла амэн, Израилё на приджинэла амэн пал пэ́скирэ манушэ́ндэ. Ту, Раё Дэ́вла, сан амаро́ Дад, Тыро́ лав векостыр исын дасаво: “Одова́, Кон выкиндя амэн.”

Малахия 2:11

Юда кэрдя́ нахратэс (напатяибныткэс), и джунгалэ́ рэ́нды (де́лы) кэрэ́напэ дро Израилё и Ерусалимо: О Юда кэрдя́ бипатыв Ра́скирэ-Дэвлэ́скирэ свэнтонэ́ штэтоскэ, саво́ лэс притырдыя, ке́ли ёв лыя́ джувля́ пэ́скэ родо́стыр, саво́ кэрэ́ла паты́в чужонэ́ дэвлорэскэ.

Малахия 1:6

“О чхаво́ кэрэ́ла паты́в пэ́скирэ дадэ́скэ, и о писха́ри лэ́скирэ ра́скэ: ко́ли Мэ сом Дад, кай жа исын хор паты́в Ма́нгэ? Ко́ли Мэ сом Рай Дэвэ́л, кай жа исын паты́в Ма́нгэ?”, – ракирэ́ла янголэ́нгирэ-болыбна́скиро Рай Дэвэ́л тумэ́нгэ, рашая́, савэ́ндэ нанэ дрэ паты́в Миро лав. Нэ тумэ́ пхэнэ́на: “Дро со амэ на сыкаваса паты́в Тырэ́ лавэ́скэ?”

Ереме́ё 31:20

‘Ци на сан ту, Ефре́мо, дро́го чхаво́ Ма́нгэ? Ци на сан ту Миро камибнытко чхаво́? Пал-дова́ со сыр Мэ ракирдём пал ту́тэ, Мэ ўса́ды (сак) рипирдём тут. Палдава́ Миро андрыпэн ракирэ́ла пэ́скэ пал лэ́стэ: Ма́нгэ сыр тэ на сыкавав тангипэ́н (ла́ска) лэ́скэ’, ракирэ́ла Рай Дэвэ́л.

Ереме́ё 3:19

И пхэндём Мэ, Рай Дэвэ́л: ‘Сыр Мэ прилава тумэн сыр Мирэ́ чхаворэ́н и Мэ да́ва тумэ́нгэ лачхи́ пхув, най шукарэдыр миштыпэ́н сарэ́ манушэ́нгирэ нацые́ндыр!’ – и ишчо (инкэ́) Мэ пхэндём: ‘Тэды тумэ́ явэ́на тэ кхарэ́н Ман ‘Амаро́ Дад’, и тумэ́ на отджана криг Ма́ндыр.

Яви́р Зако́но 32:6

Ци адя́кэ, со тумэ́ отдэна палэ Ра́скэ-Дэвлэ́скэ, мануша́ дылынэ́ и бигодякирэ? Ци на Ёв исын Дад тыро́, Саво́ сыклякирдя́ тут, Саво́ создыя́ тут и чхудя́ тут?

Яви́р Зако́но 14:1

Тумэ́ сан Ра́скирэ-Дэвлэ́скирэ, тумарэ́ Дэвлэ́скирэ чхавэ́; на кэрэ́н чхиныбэна пэ тумарэ́ маса́, и на обчхинэн пэ чикат бала́ машки́р тумарэ́ якха́, пал мулэ́ндэ;

Vygiiben 4:22

И пхэн фараоно́скэ: ‘Адя́кэ ракирэ́ла Рай Дэвэ́л: “Израилё исын Миро чхаво́, англатуно́ Миро;

Osija 1:2

Акэ, сыр Рай Дэвэ́л лыя́ тэ ракирэ́л пир Осия́стэ. И пхэндя́ Рай-Дэвэ́л Осияскэ: “Джа́, лэ пэ́скэ биладжакуня джувля́, и тэ явэ́н тырэ́ чхаворэ́ биладжакунэ́. Пал-дова́ со дая́ пхув древа́н кэрэ́ла биладжаипэ́н (марки), сыр лэ́нгирэ мануша́ дурьёна (отгинэ́) Ра́стыр-Дэвлэ́стыр.”

1 Ian 3:12

нэ на адя́кэ, сыр Каино, саво́ сыс налачхэстыр и саво́ замардя́ (мулякирдя́) пэ́скирэ пшалэ́с. Пал со ж ёв замардя́ лэс? Пал-дова́ со лэ́скирэ рэ́нды сыс фуй, а лэ́скирэ-пшалэ́скирэ рэ́нды сыс чачунэ́.