Joannostir 8:26 - Библия - Пэ Балтитко Романи чиб (Романэс) 2019

²⁶ Мэ бут могина́ва тэ ракира́в пал тумэ́ндэ и тэ сэндинав тумэн; нэ Одова́, Кон бичхадя́ Ман, исын чачуно́ и дова́, со Мэ шундём Лэ́стыр, Мэ ракира́ва свэтоскэ.”

Joannostir Svencono lačopheniben 1933 (Latvia)

²⁶ Mange būt te rakirav te sendinav tumendir; ne bičaibnaskīro Man isi lašņo, te so Me sundžom Lestir, dova rakirava svetoske.

Biblija - Pe Baltitko Romani čib (Romanes) 2019

²⁶ Me but mogináva te rakiráv pal tuménde i te sendinav tumen; ne Odová, Kon bičhadiá Man, isyn čačunó i dová, so Me šundjom Léstyr, Me rakiráva svetoske.”

Joannostir 8:26 Referans Kwoze

Joannostir 15:15

Мэ какана́ на кхара́ва тумэн дынарье́нца, пал-дова́ со дына́ри на джинэ́ла, со кэрэ́ла лэ́скиро хула́й; нэ Мэ кхара́ва тумэн Пэ́скирэ другэнца (малэнца), пал-дова́ со Мэ пхэндём тумэ́нгэ саро́, со шундём Мирэ́ Дадэ́стыр.

Joannostir 8:40

нэ какана́ тумэ́ родэ́на тэ замарэ́н Ман, Манушэ́с, Саво́ пхэндя́ тумэ́нгэ чачипэ́н, Саво́ Мэ шундём Дэвлэ́стыр; Авраа́мо на кэрдя́ дава́.

Joannostir 17:8

пал-дова́ со лав, саво́ Ту Ма́нгэ дыя́н, Мэ дыём лэ́нгэ, и ёнэ прилынэ́ лэс и чачунэ́с ґалынэ́, со Мэ явдём Ту́тыр, и ёнэ патя́на, со Ту бичхадян Ман.

Joannostir 7:28

Тэды Ису́со, сыклякири дрэ Кхангири́, пхэндя́ зоралэ́ заня́са: “И тумэ́ джинэ́на Ман и тумэ́ джинэ́на, каты́р Мэ сом; и Мэ явдём на Кокоро́ Пэ́стыр. Нэ Одова́, Кон бичхадя́ Ман, исын чачуно́, Савэс тумэ́ на джинэ́на.

2 Коринфянэнгэ 1:18

Нэ Дэвэ́л исын патяибны́тко, амаро́ лав “нэ”, исын на дова́-паць, со лав “над.”

Joannostir 16:12

Какана́ бут со исын тэ пхэна́в тумэ́нгэ, нэ тумэ́ акана́ на могинэ́на тэ ґалён.

Joannostir 7:16

Ису́со пхэндя́ лэ́нгэ: “Миро сыклякирибэ́н исын на Ма́ндыр, нэ исын Одолэ́стыр, Кон бичхадя́ Ман.

Joannostir 3:11

Чачэс, Мэ чачэс ракира́ва ту́кэ: амэ ракираса пал дова́, со амэ джина́са, и допхэнаса пал дова́, со амэ дыкхцям; а тумэ́ мануша́, со на приґалёна амаро́ допхэныбэ́н.

Joannostir 8:25

Тэды пхэндлэ́ Лэ́скэ: “Кон Ту сан? Ису́со пхэндя́ лэ́нгэ: “Одова́, Конэса Мэ ўса́ды (сак) сом, сыр Мэ пхэндём англыпна́стыр;

Joannostir 8:27

Ёнэ на ґалынэ́, со Ёв ракирдя́ лэ́нгэ пал Дадэ́стэ.

Joannostir 18:20

Ису́со отпхэнэ́лас лэ́скэ: “Мэ ракирдём маму́й (прямэс) анги́л сарэ́ндэ; Мэ ўса́ды (сак) сыклякирдём дрэ синагога и дрэ Кхангири́, одо́й, кай сарэ́ Юды скэдэ́напэ, и Мэ чораханэ́с нисо́ на ракирдём;