Joannostir 8:12 - Библия - Пэ Балтитко Романи чиб (Романэс) 2019

¹² Нэвэ́стыр Ису́со ракирдя́ манушэ́нца и пхэндя́ лэ́нгэ: “Мэ сом дуд дро дава́ свэ́то: одова́, кон джа́ла пал Ма́ндэ, на явэ́ла тэ псирэ́л дро калыпэ́н, а явэ́ла лэ́стэ джиибна́скиро дуд.”

Joannostir Svencono lačopheniben 1933 (Latvia)

¹² Noko rakirdža Iisusos ko mānuša, te phendža lenge: Me švatluma svetoskīro: kon jāvela pal mange, doleske najāla džal ano čemņuma, ne jāla leske džībnasko švatluma.

Biblija - Pe Baltitko Romani čib (Romanes) 2019

¹² Nevéstyr Isúso rakirdiá manušénca i phendiá lénge: “Me som dud dro davá svéto: odová, kon džála pal Mánde, na javéla te psirél dro kalypén, a javéla léste džiibnáskiro dud.”

Joannostir 8:12 Referans Kwoze

Joannostir 12:46

Мэ явдём сыр дуд дро свэ́то, соб (кай) кажно, кон патя́ла дрэ Ма́ндэ, тэ на ячэ́лпэ дро калыпэ́н (цёмныма).

Joannostir 9:5

Дро дава́ часо, сыр Мэ сом дро свэ́то, Мэ сом дуд (свэ́то) далэ́ свэтоскэ”

Joannostir 12:35

Тэды Ису́со пхэндя́ лэ́нгэ: “Сарэ́са пэ на́бут часо дуд (свэ́то) исын тумэ́нца. Псирэ́н, пака исын дуд, соб (кай) тэ на чхакирэл тумэн калыпэ́н (цёмныма). Нэ одова́, кон псирэ́ла дро калыпэ́н, одова́ на джинэ́ла, карик ёв джа́ла.

Матфеё 5:14

Тумэ́ исын сыр яг ваш сарэ́ манушэ́нгэ. Фо́ро, со исын пэ бэ́рга пэ вучипэ́н, на могинэ́ла тэ ґарадёл.

Ióvo 33:28

Дэвэ́л выракхця миро ди мулытконэ ґанбинатыр, и миро джиибэ́н удыкхэ́ла дуд!”

Joannostir 3:19

Сэ́ндо исын дрэ дова́, со дуд явдя́ дро свэ́то, а манушэ́нгэ буты́р пир ило́ яця́ калыпэ́н (цёмныма), сыр дуд, пал-дова́ со лэ́нгирэ рэ́нды (де́лы) сыс налачхэ́.

Psalmy 18:28

пал-дова́ со Ту зракхэ́са одолэ́н, кон страдынэла. Нэ Ту бандякирэса одолэ́н, кон ґаздэ́ла накх.

Isajos 9:2

Народо, саво́ псирэ́ла дро калыпэ́н, явэ́ла тэ дыкхэ́л дуд; кэ одолэ́, кон дживэлас дрэ калыпэ́н (цёмныма) сыр мэрибэ́н, захачола дуд.

2 Petr 2:4

Пал-дова́ со ко́ли Дэвэ́л на потангиндя Янголэн, савэ́ кэрдэ́ грэ́хи, а отдыя́ лэн дро лю́но (адо), и бэшлякирдя лэн састырэнца дро цямлыпэ́н, кай ёнэ ужакирэ́на сэндоскиро дывэ́с;

Isajos 50:10

Кон тумэндэр дарэ́ла Ра́стыр-Дэвлэ́стыр, кандэ́ла Лэ́скирэ-Писхарискири (Рабоскири) зан? Кон псирэ́ла дро калыпэ́н (мрако) би дудэскиро (би свэтоскиро), мэк ёв тэ рикирэлпэ Ра́скирэ-Дэвлэ́скирэ лавэ́са, мэк ёв тэ чхувэ́л пэ́скиро ило́ дрэ пэ́скирэ Дэвлэ́стэ.

Isajos 49:6

И Ёв пхэндя́: “Дава́ исын набаро́ рэ́ндо ваш Ту́кэ, со ту явэ́са Миро писха́ри, соб (кай) тэ дживэ́л ро́дыцо Яково́скиро, соб (кай) тэ рисёл ячаибэ́н Израилёскиро; нэ дава́ ишчо (инкэ́) нанэ саро́. Нэ кэра́ва Мэ Тут дудэса (свэтоса) ваш манушэ́нгэ, соб (кай) тэ джинэ́н Миро зракхибэ́н сарэ́ яго́ры (концы) пэ пхув.”

Apostolengiri Butý 13:47

палдава́, со адя́кэ амэ́нгэ ракирдя́ Рай Дэвэ́л, сыр Ёв пхэндя́: “Мэ кэра́ва Тут, соб (кай) ту тэ явэс дуд Наюдэ́нгэ, соб (кай) пир Ту́тэ мануша́ тэ явэ́н зракхнэ́ пир сари́ пхув.”

Psalmy 97:11

Дуд джа́ла тэлэ́ пэ чачипнаскирэндэ, и ра́дыма пэ одолэ́ндэ, конэ́стэ исын чачуно́ ило́.

Apostolengiri Butý 26:23

со Христосо́скэ трэиндя́ тэ пирилыджал сарэ́ мэ́ньки и англатунэскэ тэ отджидёл мулэ́ндыр, и со Ёв джа́ла пир свэ́то и роспхэнэ́ла пал дуд ваш зракхибэ́н Пэ́скирэ манушэ́нгэ и Наюдэ́нгэ.”

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Малахия 4:2

Нэ ваш тумэ́нгэ, кон дарэ́ла Мирэ́ лавэ́стыр, ґаздэ́лапэ Кхам чачипна́скиро, со явэ́ла тэ састякирэл лучэнца, и тумэ́ джа́на яври́ и тумэ́ явэ́на тэ ухтэн, кхэлындой, сы́рбы тхулэ целянты.

Sykadyipén 21:24

И манушы́тка народы явэ́на тэ псирэ́н форо́скирэ дудэ́стыр, а кра́лья пэ пхув янэ́на пэ́скиро миштыпэ́н.

Luka 2:32

Ёв явэ́ла сыр Дуд (Свэ́то) тэ откэрэл Тыри́ во́ля ваш Наюдэ́нгэ. Ёв янэ́ла сла́ва Тырэ́ манушэ́нгэ, Израилёскэ.”

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Juda 1:13

ёнэ исын сы́рбы морёскирэ (дэрьявэ́скирэ) холямэ́ валны (вэлны), учхакирдэ пенаса пэ́скирэ ладжаипнытконэ рэндэ́ндыр (делэндыр); ёнэ исын сы́рбы чэргэня́, савэ́ на джинэ́на дром, савэ́нгэ исын ракхно калыпэ́н (цямлыпэ́н) пэ ве́ки.

2 Petr 2:17

Кадалэ́ мануша́ исын сы́рбы ґанынга́ бипанескирэ и сы́рбы миглы и о́блоки, савэ́ традэ́ла балва́л, Дэвэ́л ракхэ́ла штэ́то ваш лэ́нгэ дро кало́ цямлыпэ́н.

Juda 1:6

И Янголэн, савэ́ на зракхнэ́ пэ́скиро англатуно́ право дрэ паты́в, а ячкирдэ́ пэ́скиро штэ́то тэ дживэ́н, Ёв ракхэ́ла лэн дро калыпэ́н дрэ вечна састыра́ пэ баро́ Дывэ́с, ке́ли лэн явэ́ла Ёв пхарэ́с тэ сэндякирэ́л;

Psalmy 49:19

мэк ёнэ шардэ лэс, со ёв кэрдя́ миштэ́с пэ́скэ,

Joannostir 12:36

Нэ пака дуд свэнцынэла тумэ́нгэ, патя́н дрэ дуд, и тумэ́ явэ́на дудэскирэ чхавэ́.” Далэ́ лавэ́нца Ису́со гия́ и нико́н на джиндя́, кай Ёв сыс.

1 Ian 1:6

Ко́ли амэ ракираса, со амэ́ндэ исын кхэтаныпэн Лэ́са, а кокорэ́ псираса дро калыпэ́н, тэды амэ хохаваса и на псираса пир чачипэ́н.