Joannostir 7:31 - Библия - Пэ Балтитко Романи чиб (Романэс) 2019

³¹ Бут манушэ́ндыр упатя́ндынэ дрэ Лэ́стэ и ракирдэ́: “Ке́ли явэ́ла Христо́со, нау́што Ёв кэрэ́ла буты́р ди́вы, сыр Адава́ Ману́ш кэрдя́?

Joannostir Svencono lačopheniben 1933 (Latvia)

³¹ Būt mānušendir pačandīne an Leske, te rakirdle: kedi javela Hristos, hobi butir dživitka znaki kērla, būt Dava kērdža?

Biblija - Pe Baltitko Romani čib (Romanes) 2019

³¹ But manušéndyr upatiándyne dre Léste i rakirdé: “Kiéli javéla Xristóso, naúšto Jov keréla butýr dívy, syr Adavá Manúš kerdiá?

Joannostir 7:31 Referans Kwoze

Joannostir 12:42

Адя́кэ-паць бут барэ́ рандыр упатя́ндынэ дрэ Исусо́стэ, нэ ёнэ дара́ндынэ Фарисеендыр тэ приґалён дава́, соб (кай) кодолэ́ тэ на традэ́н лэн яври́ Кхангирья́тыр;

Матфеё 12:23

И дивиндлэ́пэ сарэ́ мануша́ и ракирдэ́: “Нау́што дава́ исын Давидо́скиро Чхаво́?”

Apostolengiri Butý 8:13

Патяндыя и кокоро́ Си́моно и болдяпэ, ёв никарик на отджалас Филипостыр: ёв дивиндяпэ пэ барэ́ ди́вы и ґертыка́, савэ́ Филипо кэрдя́.

Joannostir 11:45

Бут Юды явнэ́ кэ Мари́я, сыр ёнэ дыкхнэ́, со кэрдя́ Ису́со, патяндынэ́ дрэ Лэ́стэ;

Joannostir 9:16

Тэды вари-савэ́ Фарисеендыр ракирдэ́: “Адава́ ману́ш на могинэ́ла тэ явэ́л Дэвлэ́стыр, пал-дова́ со Ёв на ракхэ́ла са́вато.” Яви́р ракирдэ́: “Сыр могинэ́ла грэхи́тко ману́ш тэ кэрэ́л дасавэ́ ди́вы?” – И яця́ кошыбэ́н машки́р лэ́ндэ.

Jakov 2:26

Пал-дова́ со, сыр джидэ́ маса́ би духоскиро исын мулэ́, адя́кэ-паць и патяибэ́н исын муло́ би рэндоскиро.

Joannostir 12:11

Пал-дова́ со пал лэ́стэ бут Юды явэ́нас кэ Ису́со и патяндынэ́.

Joannostir 6:2

И бут мануша́ гинэ́ пал Лэ́стэ, пал-дова́ со ёнэ дыкхнэ́ ди́вы, савэ́ Ёв кэрдя́, ке́ли састякирдя насвалэн.

Joannostir 4:39

Бут ж мануша́ Самариятыр патяндынэ́ дрэ Исусо́стэ пир джувля́киро лав, сави́ роспхэнэлас, со Ёв пхэндя́ ла́кэ саро́, со ёй кэрдя́.

Joannostir 3:2

саво́ явдя́ раты́ кэ Ису́со и пхэндя́ Лэ́скэ: “Равви! Амэ джина́са, со Ту сан бичхадо́ Дэвлэ́стыр сыр Сыклякирибна́скиро, пал-дова́ со дасавэ́ ди́вы, савэ́ Ту кэрэ́са, нико́н на могинэ́ла тэ кэрэ́л, ко́ли тэ на явэ́л лэ́са Дэвэ́л.”

Joannostir 2:11

Адя́кэ Ису́со сыкадя́ пэ́рво ди́во пэ бьяв дрэ Кана́. Ёв сыкадя́ Пэ́скири зор и сла́ва далэ́са, и Лэ́скирэ сыкляибны́тка (учэники) патяндынэ́ дрэ Лэ́стэ.

Luka 8:13

а зя́рки, савэ́ пынэ́ пэ баруно штэ́то, исын сы́рбы мануша́, савэ́ шунэ́на лав и прилэ́на лэс радыма́са; нэ лэ́ндэ лав на заджа́ла хор дро ило́, ёнэ патя́на наґара (длу́гэс), ке́ли явэ́ла пропатякирибэн пал лав, ёнэ мэкэ́на тэ патя́н;

Joannostir 4:29

“Джа́н, дыкхэ́н Манушэ́с, Саво́ пхэндя́ ма́нгэ саро́, со мэ кэрдём, ци на Ёв исын Христо́со?”

Joannostir 7:26

Ѓа́да, Ёв ракирэ́ла муршканэ́с, и нико́н на ракирэ́ла Лэ́скэ ничы́. Ци на уґалынэ барыдыра́, со Ёв исын чачуно́ Христо́со?