Joannostir 7:17 - Библия - Пэ Балтитко Романи чиб (Романэс) 2019

¹⁷ Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Joannostir Svencono lačopheniben 1933 (Latvia)

¹⁷ Kon kamela kērel voļa Leskīri, dova dodžinela da sikļakirbnastir, Davlestir jov, vai Me Kokoro Mandir rakirava.

Biblija - Pe Baltitko Romani čib (Romanes) 2019

¹⁷ Kon kaméla te kerél Léskiri vólia, odová javéla te džinél pal davá sykliakiribén, ci jov isyn Devléstyr, ci Me rakiráva Kokoró Péstyr.

Joannostir 7:17 Referans Kwoze

Joannostir 8:43

Со́скэ тумэ́ на ґалёна Миро ракирибэ́н? Пал-дова́ со тумэ́ на могинэ́на тэ шунэ́н Миро лав.

Joannostir 8:47

Одова́, кон исын Дэвлэ́стыр, одова́ шунэ́ла Дэвлэ́скирэ лава́; тумэ́ палдава́ на шунэ́на, пал-дова́ со тумэ́ сан на Дэвлэ́стыр.”

Apostolengiri Butý 17:11

Адалэ́ мануша́ сыс патывалэдыр Фесалоникийцэндыр, ёнэ барэ́ якхэ́нца шундлэ́ пхэныбнытко лав, кажно дывэ́с ёнэ роскэдэнас Свэ́нто Чхиныбэ́н, соб (кай) тэ джинэ́н, ци чачипэ́н Па́вли ракирдя́.

Дание́лё 12:10

Бутджинэ жужакирэнапэ (чыстинэнапэ), парнякирэнапэ и явэ́на пирибиладэ ваш пропатякирибэн; э фуй мануша́ явэ́на тэ кэрэ́н бипатывалэс, и на ґалёла нико́н адалэстыр лав бипатывалэндыр (фуе́ манушэ́ндыр), нэ э годьварэ́ ґалёна.

Luka 8:15

а зя́рки, савэ́ пынэ́ пэ лачхи́ пхув, исын сы́рбы мануша́, савэ́ шунэ́на лав и рикирэ́на лэс дро лачхо́ и кандуно ило́ и ёнэ вырикирэна, пака дава́ лав дэ́ла барьякирдо́ (пло́до).” Сыр пхэндя́ Ёв дава́, то ракирдя́: “Конэ́стэ исын кана́, мэк ёв тэ шунэ́л!”

Psalmy 25:12

Саво́ исын ману́ш, кон дарэ́ла Ра́стыр-Дэвлэ́стыр! Лэ́стыр ёв высыклёла дром, со лэ́скэ трэй тэ выкэдэл.

Mihiejo 4:2

Бут на́цыи явэ́на и пхэнэ́на: “Явэ́н, и, ґаздасапэ пэ Ра́скирэ-Дэвлэ́скири бэ́рга, дро кхэр Яково́скирэ-Дэвлэ́скиро, соб (кай) Ёв тэ сыклякирэ́л амэн, сыр тэ джива́с пир Лэ́скиро, и соб (кай) амэ тэ псирас пир Лэ́скирэ шпэры (сцежки).’ Пал-дова́ со Сионо́стыр выджа́ла Зако́но, и Ерусалимо́стыр лав Ра́скирэ-Дэвлэ́скиро.”

Isajos 35:8

И явэ́ла одо́й баро́ дром, ёв явэ́ла тэ кхарэлпэ свэнтонэ́ дромэ́са. Нажужо одо́й на явэ́ла тэ псирэ́л, явэ́ла дава́ дром фэ́ни (то́ка) ваш одолэ́нгэ, кон патя́ла, и кон на джинэ́ла нисо́; нико́н лэ́ндыр далэ́ дромэ́стыр на змарлапэ.

Малахия 4:2

Нэ ваш тумэ́нгэ, кон дарэ́ла Мирэ́ лавэ́стыр, ґаздэ́лапэ Кхам чачипна́скиро, со явэ́ла тэ састякирэл лучэнца, и тумэ́ джа́на яври́ и тумэ́ явэ́на тэ ухтэн, кхэлындой, сы́рбы тхулэ целянты.

Psalmy 25:14

Рай Дэвэ́л Пэ́скири сыкавэ́ла гарады ла́ска одолэ́нгэ, савэ́ дарэ́на Лэ́стыр. Ёв сыклякирэ́ла лэн пал Пэ́скиро Зако́но.

Psalmy 119:10

Мэ родыём Тут сарэ́ мирэ́ илэ́са: на домэк, соб (кай) мэ тэ псирав кригал Тырэ́ припхэныбнэндыр.

Матфеё 6:22

Якха́ исын сыр момолы́тко (свети́льнико) ваш маса́. Палдава́, ко́ли якх тыри́ явэ́ла жужы (чысто), тэды тырэ́ маса́ явэ́на жужэ́.

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Pritčy 3:32

Пал-дова́ со ману́ш, кон джал криг чачунэ́ дромэ́стыр, явэ́ла джунгало́ (брыдинэла) Ра́скэ-Дэвлэ́скэ, а лэ́скиро гарадо́ кхэтаныпэн исын чачунэ́ манушэ́нца.

Pritčy 28:5

Бибахталэ́ мануша́ на ґалёна чачипэ́н; нэ одолэ́, савэ́ родэ́на Рас-Дэвлэ́с, ґалёна саро́.

Joannostir 3:21

Нэ одова́, кон дживэ́ла пир чачипэ́н, джа́ла кэ дуд, соб (кай) тэ явэ́н бицялэ лэ́скирэ рэ́нды, савэ́ ёв кэрэ́ла пир Дэвлэ́скиро лав.”

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.