Joannostir 6:9 - Библия - Пэ Балтитко Романи чиб (Романэс) 2019

⁹ “Ада́й екхэ раклорэстэ исын пандж ґэрстытка (ячменитка) марэ́ и дуй мачхорэ; нэ со дава́ ваш ада́кицы манушэ́нгэ?”

Joannostir Svencono lačopheniben 1933 (Latvia)

⁹ Dai isi jeke rakloreske pandž ačmeņitka māre te dui māčore; ne so dava vaš jake būtenge?

Biblija - Pe Baltitko Romani čib (Romanes) 2019

⁹ “Adáj iekhe rakloreste isyn pandž ĥerstytka (jačmienitka) maré i duj mačhore; ne so davá vaš adákicy manušénge?”

Joannostir 6:9 Referans Kwoze

Luka 9:13

Нэ Ису́со пхэндя́ лэ́нгэ: “Дэн тумэ́ тэ хан лэ́нгэ.” И ёнэ пхэндлэ́: “Амэ́ндэ буты́р нанэ, сыр пандж марэ́ и дуй мачхэ́, ци амэ́нгэ тэ джас тэ кинас хабэ́н ваш сарэ́ адалэ́ манушэ́ндэ?”

Marko 6:38

“Кицы́ тумэ́ндэ исын лабы маро́?, – пхучэла Ису́со, джа́н, дыкхэ́н.” Ёнэ гинэ́, уґалынэ, и ракирэ́на: “Пандж марэ́ и дуй мачхэ́.”

Матфеё 14:17

Нэ ёнэ пхэндлэ́ Лэ́скэ: “Ада́й амэ́ндэ исын екх пандж марэ́ и дуй мачхэ́.”

Psalmy 78:19

и ёнэ ракирдэ́ пэ Дэвлэ́стэ, пхэни́: “Ци дэ́ла ра́да Дэвэ́л тэ кэрэ́л сками́нд пэ чхучи́ пхув?”

Матфеё 16:9

Нау́што тумэ́ ишчо (инкэ́) на ґалёна и на рипирэна пал пандж лабы маро́ ваш пандж тысёнцы, и кицы́ кхудэ́ тумэ́ скэдынэ́?

Marko 8:19

Ко́ли Мэ пхагирдём пандж марэ́ пэ пандж тысёнцы манушэ́ндэ, кицы́ пхэрдэ́ корзи́ны (кхудэ́) котэрэнца тумэ́ скэдынэ́?” “Дэшуду́й”, – ракирэ́на Лэ́скэ.

2 Коринфянэнгэ 8:9

Тумэ́ джинэ́на бахталыпэ́н амарэ́ Ра́стыр-Дэвлэ́стыр, саво́ исын Исусо́скиро Христосо́скиро, Саво́ сыс барвало́, нэ яця́ чороро́, соб (кай) тумэ́ тэ явэ́н барвалэ́ Лэ́скирэ чорорипнастыр.

Psalmy 147:14

[3] Ёв дэ́ла рама́нё (миро) пэ тырэ́ кустыка (границы), Ёв дэ́ла чалэ́с ту́кэ най фэды́р парно́ гив.

Psalmy 81:16

Одолэ́, савэ́ бидыкхэна Рас-Дэвлэ́с, бандякирэнас шэрэ́ анги́л Лэ́стэ, а лэ́нгири ка́ра явэ́лас усады (сак).”

Яви́р Зако́но 8:8

пэ пхув, парно́ гив (пшэница), гив, винаграды́тка (дракхитка) лозы, инжыро и гранатытка кашторэ пэ пхув, маслинытка вэша́ и авги́н (мэда),

Sykadyipén 6:6

И мэ шундём зан штарэ́ джидалэндыр, со пхэндя́: “Литра парно́ гив пал дынариё и трин литры ґэрсто (ячменё) пал динариё. И на хасякир оливи́тко дзэт (елеё) и мол.

Joannostir 11:32

Нэ Мари́я, сыр явдя́ одори́к, кай сыс Ису́со, и дыкхця́ Лэс, пыя́ кэ Лэ́скирэ ґэра́ и пхэндя́ Лэ́скэ: “Раё Дэ́вла! Ко́ли Ту явэсас ада́й, на мэрэлас миро пшал.”

Joannostir 11:21

Тэды Марфа пхэндя́ Исусо́скэ: “Раё Дэ́вла! Ко́ли Ту тэ явэс ада́й, тэды на мэрэлас бы миро пшал;

Joannostir 6:7

Филипо отпхэндя́ Лэ́скэ: “Дуй шэла́ динарья на ухты́лла (на́доси) лэ́нгэ пэ маро́, соб (кай) кажнонэ́скэ лэ́ндыр тэ дас пир котэ́р (куско).”

Езэкилё 27:17

Юдея и Израилёскири пхув тимисякирэнас ту́са. Палдова́, со ту бикнэсас, плэскирэнас Минифоскирэ парнэ́ гивэса, гудлыпнаса, ягвинэса, каштунэ ксилэса и бальзамоса.

Psalmy 78:41

И ёнэ нэвэ́стыр и нэвэ́стыр рисёнас палэ, пропатякирэнас Дэвлэ́с и дукхавэнас Свэнтонэ́ Дэвлэ́с Израилёстыр.

4 Kralip 7:1

И отпхэндя́ Елисе́ё: “Шунэ́н Ра́скирэ-Дэвлэ́скиро лав: “Адя́кэ ракирэ́ла Рай Дэвэ́л: атася́ дрэ дава́ часо ме́ра фэдыршонэ яржэскири явэ́ла пир шэ́келё, и дуй меры ґэрсто (ячменё) пир шэкеле, пашы́л по́рта Самариякири.”

3 Kralip 4:28

И ґэрсто (ячменё), и пхус ваш грэнгэ и ваш мулэнгэ янэ́нас кажно (сва́ко) дрэ пэ́скири стэчка (рядо) пэ штэ́то, кай сыс кра́ли.

Яви́р Зако́но 32:14

гурумнитконэ ксилэса, и бакранэ тхудэса, и масэса тэрнэ́ бакрэнгирэса и Васаноскирэ бакрэнца и бузнэнца, и выкэдымэ пшэницаса (парнэ́ тивэса), и ту, Израилё, пиян мол (вино), рат винаградоскирэ мурьенгиро.

Joannostir 6:11

Ису́со лыя́ маро́ и парикирдя дрэ мангипэ́н Дэвлэ́скэ, роздыя сыкляибнытконэ́нгэ и сыкляибны́тка дынэ́ манушэ́нгэ, савэ́ сыс бэштэ́, и дова́-паць Ёв кэрдя́ и мачхэнца и дыя́ кажнонэ́скэ, ци бут, кон камдя́.

Joannostir 21:9

Ке́ли ёнэ выгинэ́ пэ брэ́го, ёнэ дыкхнэ́ хачкирдэ́ вангара, и пэ лэ́ндэ сыс паштэ́ мачхэ́ и маро́.

Joannostir 21:10

Ису́со ракирэ́ла лэ́нгэ: “Янэ́н мачхэ́, савэ́ тумэ́ какана́ стардэ.”

Joannostir 21:13

Ису́со явэ́лас пашэдыр, лэлас маро́ и дэ́лас сыкляибнытконэ́нгэ, адя́кэ-паць и мачхэ́.