Joannostir 6:57 - Библия - Пэ Балтитко Романи чиб (Романэс) 2019

⁵⁷ Адя́кэ-паць, сыр Джидо́ Дэвэ́л Дад бичхадя́ Ман, и Мэ джива́ва пал Дадэ́стэ, адя́кэ-паць и одова́, кон ха́ла Мири́ лоч, явэ́ла тэ дживэ́л пал Ма́ндэ.

Joannostir Svencono lačopheniben 1933 (Latvia)

⁵⁷ Sir Man bičadža džīdo Dād, te Me džīva druh Dādeske, te jake kon Man hala džīdo jāla druh Mange.

Biblija - Pe Baltitko Romani čib (Romanes) 2019

⁵⁷ Adiáke-pac', syr Džidó Devél Dad bičhadiá Man, i Me dživáva pal Dadéste, adiáke-pac' i odová, kon xála Mirí loč, javéla te dživél pal Mánde.

Joannostir 6:57 Referans Kwoze

Galatenge 2:20

Мэ со́мас примардо пэ трушу́л Христосо́са, и мэ буты́р сы́рбы на джива́ва, нэ дава́ Христо́со дживэ́ла дрэ ма́ндэ; нэ дова́, со мэ джива́ва дрэ лоч (плоть), мэ джива́ва пир патяибэ́н дрэ Дэвлэ́скирэ Чхавэ́стэ, Савэ́скэ яцём дро́го мэ, и Саво́ отдыя́ Пэс пал ма́ндэ.

Joannostir 5:26

Пал-дова́ со, сыр Дад рикирэ́ла джиибэ́н Кокоро́ дрэ Пэ́стэ, пал-дова́ со Ёв сыс Кокоро́ джиибна́скири ґаны́нг, адя́кэ-паць и Чхавэ́скэ Ёв дыя́ зор тэ рикирэ́л джиибэ́н дрэ Кокорэстэ Пэ́стэ;

Joannostir 17:21

соб (кай) ёнэ тэ явэ́н сарэ́ сыр екх, сыр Ту, Да́до, сан дрэ Ма́ндэ, и Мэ сом дрэ Ту́тэ, адя́кэ-паць Мэ и ёнэ тэ явэ́н дрэ Амэ́ндэ, мэк тэ упатял свэ́то, со Ту бичхадян Ман.

1 Ian 4:9

Дэвлэ́скири ла́ска кэ амэ сыс сыкады дро дова́, со Дэвэ́л бичхадя́ дро свэ́то Лэ́скирэ Екхорэ Чхавэ́с, соб (кай) амэ тэ дорэсас (тэ долас) ве́чно джиибэ́н пир Лэ́стэ.

Joannostir 3:17

Дэвэ́л на бичхадя́ Пэ́скирэ Чхавэ́с дро свэ́то, соб (кай) тэ сэндякирэ́л свэ́то, а соб (кай) пир Лэ́стэ свэ́то тэ явэ́л зракхно.

1 Фесалоникийцэнгэ 1:9

пал-дова́ со ёнэ кокорэ́ роспхэндлэ́ пал амэ́ндэ, сыр тумэ́ прилынэ́ амэн, ке́ли амэ явдя́м кэ тумэ́: и сыр тумэ́ рисинэ́ кэ Дэвэ́л идолэндыр, соб (кай) тэ кэрэ́н свэ́нто буты́ джидэ́ и чачунэ́ Дэвлэ́скэ,

2 Коринфянэнгэ 13:4

пал-дова́ со Ёв сыс примардо пэ трушу́л Пэ́скирэ бизоралыпнаса, нэ Ёв исын джидо́ Дэвлэ́скирэ зорья́тыр; пал-дова́ со амэ, чачэс, сам бизорья́кирэ дро екхипэ́н Лэ́са; нэ амэ ява́са тэ джива́с Лэ́са пир Дэвлэ́скири зор, сави́ исын дыны́ тумэ́нгэ;

1 Коринфянэнгэ 15:22

Палдава́, сыр сарэ́ мануша́ мэрэ́на пал дова́, со ёнэ исын дро екхипэ́н Адамоса, адя́кэ-паць сарэ́ отджидёна пал дова́, со ёнэ исын дро екхипэ́н Христосо́са.

Joannostir 14:19

Сарэ́са на́бут, и свэ́то Ман на явэ́ла тэ дыкхэ́л, нэ тумэ́ дыкхэ́на Ман, пал-дова́ со Мэ джива́ва, и тумэ́ явэ́на тэ дживэ́н.

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Матфеё 16:16

И Си́моно Пэ́три отпхэндя́ и пхэндя́: “Ту сан Христо́со, Чхаво́ Джидэ́ Дэвлэ́скиро, Саво́ дживэ́ла ве́чнэс”

Ереме́ё 10:10

Нэ Рай Дэвэ́л исын чачуно́ Дэвэ́л: Ёв исын джидо́ Дэвэ́л и Кра́ли пэ сарэ́ ве́ки. Лэ́скирэ холя́тыр издрала пхув и манушы́тка на́цыи на дэ́на ра́да тэ вырикирэн, сыр Ёв холясо́ла зоралэ́с.

Psalmy 18:46

Чужонэ-манушэ́нгирэ чхавэ́ ячэ́на зломка и ёнэ выджа́на пэ́скирэ барунэ́ рикирибнэндыр, издраиндой.

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Joannostir 6:29

Ису́со пхэндя́ лэ́нгэ дро отпхэныбэ́н: “Ѓа́да, исын тумаро́ рэ́ндо ваш Дэвлэ́скэ, соб (кай) тумэ́ тэ патя́н дрэ Одолэ́стэ, Конэ́с Ёв бичхадя́.”

Joannostir 6:38

Пал-дова́ со Мэ явдём болыбна́стыр на ваш дава́, соб (кай) тэ кэра́в дова́, со Мэ кокоро́ кама́м, нэ, соб (кай) тэ кэра́в пир Мирэ́-Дадэ́скири во́ля, Саво́ бичхадя́ Ман.

1 Коринфянэнгэ 15:45

Адя́кэ, сыр исын чхиндло́: “Пэ́рво ману́ш Адамо сыс создыно́ сыр джидо́ ди, палатуно́ Адамо яця́ отджидякирибнытконэ духо́са.”