Joannostir 6:54 - Библия - Пэ Балтитко Романи чиб (Романэс) 2019

⁵⁴ Одова́, кон ха́ла Мири́ Лоч и пьела Миро Рат, одолэ́скэ дэ́лапэ ве́чно джиибэ́н, и Мэ отджидякирава лэс дро палатуно́ дывэ́с;

Joannostir Svencono lačopheniben 1933 (Latvia)

⁵⁴ Kon hala Mīro mas te pjela Mīre rata doleske isi džīben sajek; te Me doles džangava opre ano statno dīves.

Biblija - Pe Baltitko Romani čib (Romanes) 2019

⁵⁴ Odová, kon xála Mirí Loč i p'jela Miro Rat, odoléske délape viéčno džiibén, i Me otdžidiakirava les dro palatunó dyvés;

Joannostir 6:54 Referans Kwoze

Galatenge 2:20

Мэ со́мас примардо пэ трушу́л Христосо́са, и мэ буты́р сы́рбы на джива́ва, нэ дава́ Христо́со дживэ́ла дрэ ма́ндэ; нэ дова́, со мэ джива́ва дрэ лоч (плоть), мэ джива́ва пир патяибэ́н дрэ Дэвлэ́скирэ Чхавэ́стэ, Савэ́скэ яцём дро́го мэ, и Саво́ отдыя́ Пэс пал ма́ндэ.

Joannostir 6:47

Чачэс, чачэс Мэ ракира́ва тумэ́нгэ: одова́, кон патя́ла дрэ Ма́ндэ, кодолэ́скэ дэ́лапэ ве́чно джиибэ́н’.

Psalmy 22:26

Мэ ява́ва тэ шара́в Тут пэ баро́ скэдыибэ́н; мэ кэра́ва дова́, пал со мэ совлахадём анги́л одолэ́ндэ, савэ́ дарэ́на Лэ́стыр.

Joannostir 6:63

Ду́хо (Фа́но) дэ́ла джиибэ́н, а дро манушы́тко лоч (плоть) нанэ ни сави́ зор. Лава́, савэ́ Мэ ракира́ва тумэ́нгэ, исын ду́хо (фа́но) и джиибэ́н.

Joannostir 6:27

На кэрэ́н буты́ пал хабэ́н, саво́ пэ екх мо́ло, а родэ́н дова́ хабэ́н, саво́ явэ́ла дрэ ве́чно джиибэ́н; дава́ хабэ́н камэ́ла Манушэ́скиро Чхаво́ тэ дэл тумэ́нгэ, – пал-дова́ со пэ Лэ́стэ чхудя́ Дэвэ́л Дад Пэ́скири чэргэнори́, со Ёв бахтякирэ́ла дава́.”

Joannostir 4:14

Нэ кон явэ́ла тэ пьел пани́, саво́ Мэ да́ва лэ́скэ, одова́ на явэ́ла тэ камэл тэ пьел саро́ ве́ко; а пани́, саво́ Мэ да́ва лэ́скэ, ячэ́ла андра́л манушэ́стэ ґанынгаса ваш дасаво пани́, саво́ лыджа́ла дро ве́чно джиибэ́н.”

Joannostir 6:55

пал-дова́ со Лоч Мири́ исын чачуно́ хабэ́н, и Рат Миро исын чачуно́ пибэ́н;