Joannostir 6:22 - Библия - Пэ Балтитко Романи чиб (Романэс) 2019

²² Пэ яви́р дывэ́с мануша́, савэ́ сыс тэрдэ́ пэ доя́ морёскири риг, дыкхнэ́, со одо́й апри́ч екх ба́рка, дрэ сави́ Лэ́скирэ сыкляибны́тка бэшнэ́, яви́р на сыс, и со Ису́со на традыя́ дрэ доя́ ба́рка Лэ́скирэ сыкляибнытконэ́нца, и со Лэ́скирэ сыкляибны́тка традынэ екхджинэ.

Joannostir Svencono lačopheniben 1933 (Latvia)

²² Ano vār dīves mānuša, saje isis tarde pe dorīg moros, dikhle, so doi, butir jek laivatir, an saji zagīne Leskīre sikļaibnangīre, vār naisis, te so Iisusos nazagija ane laiva Peskīre sikļaibnangīrensa, ne otmukhlepen jedžene Leskīre sikļaibnangīre.

Biblija - Pe Baltitko Romani čib (Romanes) 2019

²² Pe javír dyvés manušá, savé sys terdé pe doiá morjoskiri rig, dykhné, so odój apríč jekh bárka, dre saví Léskire sykliaibnýtka bešné, javír na sys, i so Isúso na tradyjá dre doiá bárka Léskire sykliaibnytkonénca, i so Léskire sykliaibnýtka tradyne jekhdžine.

Joannostir 6:22 Referans Kwoze

Marko 6:45

Екха́тыр (сра́зу) пало́ дава́ Ису́со припхэндя́ Пэ́скирэ сыкляибнытконэ́нгэ тэ бэшэ́н дрэ ба́рка тэ пириплывинэн (дэ́нас пли́ма пирдал) пэ яви́р риг кэ Вифсаида, пака Ёв отмэкэ́ла манушэ́н.

Joannostir 6:2

И бут мануша́ гинэ́ пал Лэ́стэ, пал-дова́ со ёнэ дыкхнэ́ ди́вы, савэ́ Ёв кэрдя́, ке́ли састякирдя насвалэн.

Матфеё 14:22

И екха́тыр Ису́со зачхудя сыкляибнытконэ́н тэ бэшэ́н дрэ ба́рка тэ плывинэн (тэ дэн плима) анги́л Лэ́стэ пэ дова́ брэ́го, анги́л сыр Ёв отмэкэ́ла манушэ́н.