Joannostir 6:14 - Библия - Пэ Балтитко Романи чиб (Романэс) 2019

¹⁴ Мануша́ дыкхнэ́, саво́ ди́во Ёв кэрдя́ и ёнэ пхэндлэ́: “Дава́ исын кодова́ чачуно́ Проро́ко, Савэ́скэ Трэй банго́ тэ явэ́л дро свэ́то.”

Joannostir Svencono lačopheniben 1933 (Latvia)

¹⁴ Togi mānuša, saje dikhle dživos, kerdo Iisusosa, phendle: dava lašņes do prorokos, sajeske čhebi javel ano svetos.

Biblija - Pe Baltitko Romani čib (Romanes) 2019

¹⁴ Manušá dykhné, savó dívo Jov kerdiá i jone phendlé: “Davá isyn kodová čačunó Proróko, Savéske Trej bangó te javél dro svéto.”

Joannostir 6:14 Referans Kwoze

Матфеё 21:11

И ракирдэ́ мануша́: “Дава́ исын проро́ко Ису́со Галилеякирэ Назаретостыр.”

Apostolengiri Butý 7:37

Ѓа́да, одова́-паць Мо́йза, саво́ пхэндя́ Израилёскирэ чхавэ́нгэ: “Дэвэ́л тумаро́ бичхавэ́ла тумэ́нгэ Пророко́с, тумарэ́ пшалэ́ндыр, сыр Ёв бичхадя́ ман; кандэ́н Лэс.”

Матфеё 11:3

тэ пхэнэ́л Лэ́скэ: “Ту сан Кодова́, Савэ́скэ трэй тэ явэ́л, ци явирэ́с амэ́нгэ тэ ужакирас?”

Joannostir 7:40

Бут манушэ́ндыр, савэ́ шундлэ́ Лэ́скирэ лава́, ракирдэ́: “Ёв исын чачуно́ Проро́ко.”

Joannostir 1:21

Ёнэ пхучнэ́ лэ́стыр: “Со ж? Ту со сан Или́я?” Иа́но отпхэндя́: “Над.” “Ци на Проро́ко?” И Ёв пхэндя́: “Над.”

Joannostir 4:19

Джувлы́ ракирэ́ла Лэ́скэ “Раё! Мэ дыкха́ва, со Ту сан проро́ко.

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Joannostir 4:42

Ёнэ пхэндлэ́ одолэ́ джувля́кэ: “Какана́ амэ патя́са на екхэ тырэ́ лавэнгэ, со ту амэ́нгэ роспхэндян. Амэ шундя́м кокорэ́ Лэс и джина́са, со Ёв исын чачуно́ свэтоскиро Зракхибнари.”

Joannostir 4:25

Джувлы́ ракирэ́ла Лэ́скэ: “Мэ джино́м (джина́в), со явэ́ла Месия, ґа́да, исын Христо́со; ке́ли Ёв явэ́ла, тэды Ёв саро́ роспхэнэ́ла амэ́нгэ.”

Luka 24:19

Ёв пхуця́: “Со ж сыс?” И ёнэ пхэндлэ́ Лэ́скэ: “Дова́, со сыс Исусо́са Назаретостыр. Ёв сыс проро́ко, Саво́ кэрдя́ саро́ и ракирдя́ барэ́ зорья́са анги́л Дэвлэ́стэ и манушэ́ндэ;

Luka 7:16

Пэ лэ́ндэ сарэ́ндэ бари дар пыя́ и ёнэ славиндлэ Дэвлэ́с, ракири́: “Баро́ проро́ко явдя́ тэ явэ́л амэ́нца, Дэвэ́л помогинэла Пэ́скирэ манушэ́нгэ.”

Joannostir 2:11

Адя́кэ Ису́со сыкадя́ пэ́рво ди́во пэ бьяв дрэ Кана́. Ёв сыкадя́ Пэ́скири зор и сла́ва далэ́са, и Лэ́скирэ сыкляибны́тка (учэники) патяндынэ́ дрэ Лэ́стэ.

Joannostir 6:2

И бут мануша́ гинэ́ пал Лэ́стэ, пал-дова́ со ёнэ дыкхнэ́ ди́вы, савэ́ Ёв кэрдя́, ке́ли састякирдя насвалэн.

Joannostir 6:26

Ису́со пхэндя́ лэ́нгэ дро отпхэныбэ́н: “Чачэс, Мэ ракира́ва тумэ́нгэ: тумэ́ родэ́на Ман на палдова́, со дыкхнэ́ ди́вы, а пал-дова́, со тумэ́ ханэ́ маро́ и чалынэ.

Joannostir 6:30

Ёнэ пхучнэ́ Лэ́стыр: “Сави́ ґерты́к (знаме́ниё) Ту сыкавэса амэ́нгэ, соб (кай) амэ́нгэ тэ дыкхас ла и тэ патяс Ту́кэ? Со Ту кэрэ́са?

Joannostir 11:27

Ёй ракирэ́ла Лэ́скэ: “Адя́кэ, Раё Дэ́вла! Мэ патя́ва, со Ту сан Христо́со, Чхаво́ Дэвлэ́скиро, саво́ джа́ла дро свэ́то.”