Joannostir 5:23 - Библия - Пэ Балтитко Романи чиб (Романэс) 2019

²³ соб (кай) сарэ́ тэ кутякирэн Чхавэ́с, сыр кутякирэна Дадэ́с. Кон на кутякирэла Чхавэ́с, одова́ на кутякирэла и Дадэ́с, Саво́ бичхадя́ Лэс.

Joannostir Svencono lačopheniben 1933 (Latvia)

²³ Sāre merožinen Čhāves, sir rožinena Dādes. Kon narožini Čhāves, dova narožini Dādes nin, kon Les bičadža.

Biblija - Pe Baltitko Romani čib (Romanes) 2019

²³ sob (kaj) saré te kutiakiren Čhavés, syr kutiakirena Dadés. Kon na kutiakirela Čhavés, odová na kutiakirela i Dadés, Savó bičhadiá Les.

Joannostir 5:23 Referans Kwoze

1 Ian 2:23

Кажно ману́ш, кон на приґалёла Чхавэ́с, лэ́стэ нанэ и Дадэ́с, а кон приґалёла Чхавэ́с, одолэ́ манушэ́стэ исын и Дад.

Luka 10:16

Кон шунэ́ла тумэн, одова́ шунэ́ла Ман, и кон на прилэ́ла тумэн, одова́ на прилэ́ла Ман; а кон на прилэ́ла Ман, одова́ на прилэ́ла Одолэ́с, Кон бичхадя́ Ман.”

2 Ian 1:9

Кажно ману́ш, кон пириджала Христосо́скиро сыклякирибэ́н и на ячэ́лапэ дро дава́ сыклякирибэ́н, кадасавэ́ манушэ́стэ нанэ Дэвэ́л. Кон ячэ́лапэ дро Христосо́скиро сыклякирибэ́н, кадасавэ́ манушэ́стэ исын и Дад и Чхаво́.

Матфеё 11:27

Саро́ джиныбэ́н пал Пэ́стэ Дад Миро дыя́ Ма́нгэ, и нико́н сарэ́са на джинэ́ла Чхавэ́с апри́ч Дадэ́стэ и нико́н на джинэ́ла Дадэ́с апри́ч Чхавэ́стэ, и Ёв выкэдэ́ла одолэ́с, конэ́скэ Чхаво́ камэ́ла тэ откэрэл Дадэ́с.

Юдэ́нгэ 1:6

адя́кэ-паць, ке́ли Ёв нэвэ́стыр (нэвэ́с) янэлас Пэ́скирэ Пэрвонэ́ Чхавэ́с, со латхяпэ пэ свэ́то, Дэвэ́л ракирэ́лас: “И мэк сарэ́ Дэвлэ́скирэ Янго́лы тэ клонинэнпэ (тэ кэрэн шэрэ́са) патыва́са Лэ́скэ.”

Эфесянэнгэ 6:24

Мэк тэ явэ́л бахталыпэ́н сарэ́нгэ, кон сарэ́ илэ́стыр рикирэ́ла сыр Дро́гима амарэ́ Рас-Дэвлэ́с, Исусо́с Христосо́с дро пэ́скиро ило́. Ами́нь.

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

Римлянэнгэ 8:9

Нэ ко́ли тумэ́ дживэ́на на пир лоча́кирэ-грэхо́скиро тырдыпэ́н, тэды, чачэс, Дэвлэ́скиро Ду́хо (Фа́но) дживэ́ла дрэ тумэ́ндэ; а, ко́ли вари-конэ́стэ нанэ Христосо́скиро Ду́хо (Фа́но), одова́ исын на Лэ́скиро:

1 Коринфянэнгэ 10:31

Палдава́, ко́ли тумэ́ вари-со ха́на, ци пьена, ци кэрэ́на вари-со, саро́ дава́ кэрэ́н адя́кэ, соб (кай) тэ барьякирэ́н кэ вучипэ́н Дэвлэ́с.

Римлянэнгэ 6:22

Нэ какана́, ке́ли тумэ́ сан вольна грэхостыр и ячнэ́ Дэвлэ́скирэ писхарье́нца, тумэ́ндэ исын свэ́нто отдыибэ́н Лэ́стыр и тумэ́ндэ исын ко́нцо (яго́ро) пэ дава́, саво́ исын ве́чно джиибэ́н.

Joannostir 16:14

Ёв славинэла Ман, пал-дова́ со саро́, со Ёв пхэнэ́ла, Ёв уджинэла Ма́ндыр и роспхэнэ́ла тумэ́нгэ.

1 Коринфянэнгэ 6:19

Ци тумэ́ на джинэ́на, со тумарэ́ маса́ исын сы́рбы кхангири́ ваш Свэ́нто Ду́хо (Фа́но), Саво́ дживэ́ла дрэ тумэ́ндэ и исын Дэвлэ́стыр; и со ж тумэ́ на сан хулая́ пэ́скирэ масэнгэ?

Матфеё 12:21

И Лэ́скирэ лавэ́скэ сарэ́ на́цыи явэ́на тэ патя́н.”

2 Ximaske 1:12

Пал дава́ мэ и мэнчынавапэ какана́ адя́кэ; нэ мэ на ладжава далэ́стыр, пал-дова́ со мэ джино́м дрэ Конэ́стэ мэ упатяндыём и мэ зоралэ́с (твардэс) джино́м, со Ёв могинэ́ла тэ зракхэ́л дова́, со ёв ма́нгэ допатяндыя анги́л дова́ Дывэ́с, ке́ли Ёв явэ́ла.

2 Коринфянэнгэ 13:14

Мэк бахталыпэ́н амарэ́ Ра́скирэ-Дэвлэ́скиро, Исусо́скирэ-Христосо́скиро, Дэвлэ́скири ла́ска и паты́в и Свэнтонэ́ Духо́скиро кхэтаныпэ́н тэ явэ́н тумэ́нца. Ами́нь.

2 Коринфянэнгэ 5:19

пал-дова́ со Дэвэ́л пир Христосо́стэ примириндя свэ́то Пэ́са и примангдя лэ́нгирэ грэ́хи, и Ёв чхудя́ дро амаро́ ило́ лав, соб (кай) амэ тэ ячас Лэ́скэ рахманонэ манушэ́нца.

2 Коринфянэнгэ 1:9

А амэ чуиндям пэс сы́рбы амэ сам приракирдэ кэ мэрибэ́н, соб (кай) амэ тэ на розгинас пэ кокорэндэ, а пэ Дэвлэ́стэ, Саво́ отджидякирэла мулэн,

1 Коринфянэнгэ 1:3

Мэк Дэвэ́л Дад амаро́ и Рай Дэвэ́л, Ису́со Христо́со, тэ дэн тумэ́нгэ бахталыпэ́н и рама́нё (миро).

Joannostir 14:1

“Мэк ило́ тумаро́ тэ на страхадёл; патя́н дрэ Дэвлэ́стэ и патя́н дрэ Ма́ндэ.

Матфеё 10:37

Конэ́скэ исын дро́го лэ́скиро дад ци буты́р, сыр Мэ, кодова́ исын на́лачхо Ма́нгэ, и кодова́, савэ́скэ исын дро́го чхаво́ ци чхай буты́р, сыр Мэ, кодова́ исын на́лачхо Ма́нгэ,

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Psalmy 2:12

Кутякирэн Чхавэ́с, соб (кай) тумэ́ тэ на хасён дромэ́са, а Лэ́скири холы́ сашты́ тэ росхачол сы́гэс. Бахталэ́ исын одолэ́, савэ́ патя́на дрэ Лэ́стэ.

2 Коринфянэнгэ 5:14

Пал-дова́ со Христососкири ла́ска пропатякирэла амэн, савэ́ приджинэна дава́, со; ко́ли Екх мыя́ пал сарэ́ндэ, тэды сарэ́ мынэ́ ваш пхурано́ джиибэ́н;

1 Коринфянэнгэ 16:22

Ко́ли вари-кон на рикирэ́ла сыр Дро́гима Рас-Дэвлэ́с дро пэ́скиро ило́, Исусо́с Христосо́с, тэ явэ́л лэ́скэ Анафема (Мара-Тафа).

Римлянэнгэ 15:12

И нэвэ́стыр Исаё ракирэ́ла: “Ёв явэ́ла Есеёскиро родо́стыр и Ёв явэ́ла тэ хулаинэ́л манушэ́нца: пэ Лэ́стэ На́юды явэ́на тэ розгинэн.”

Римлянэнгэ 1:7

сарэ́нгэ, кон дживэ́ла кэ Римо, савэ́ ячнэ́ дро́га Дэвлэ́скэ и савэ́ исын кхардэ́ тэ явэ́н Лэ́скирэ свэнтонэнца: бахталыпэ́н и рама́нё (миро) тумэ́нгэ Дэвлэ́стыр Дадэ́стыр амарэстыр, и Ра́стыр-Дэвлэ́стыр, Исусо́стыр Христосостыр.

Joannostir 17:10

Пал-дова́ со саро́, со исын Ма́ндэ-Тыро́, и Миро саро́, со исын Ту́тэ, и дрэ лэ́ндэ Мэ прославиндёмпэ.

Матфеё 28:19

Палдава́ джа́н, сыклякирэ́н сарэ́ на́цыи, болэн лэн дро лав Дадэ́скиро, Чхавэ́скиро и Свэнтонэ́ Духоскиро (Фаноскиро);

Isajos 44:6

Адя́кэ ракирэ́ла Рай Дэвэ́л, Кра́ли Израилёскиро, Саво́ выкиндя лэс. Рай Дэвэ́л, болыбна́скирэ-янголэ́нгиро: “Мэ сом пэ́рво и Мэ сом палатуно́ (последнё), нанэ явирэ Дэвлэ́с, апри́ч (кроме) Ма́ндэ.

Isajos 42:8

Мэ сом Рай Дэвэ́л, дава́ исын Миро лав, и Мэ на дава́ паты́в Мирэ́ явирэ манушэ́нгэ, и барипэ́н Миро Мэ на дава́ идолэ́нгэ.

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

Isajos 45:15

Чачо́, Ту сан, Дэвэ́л гарадо́? Дэвэ́л Израилёскиро, Зракхибнари.

Матфеё 15:8

‘Кадалэ́ мануша́ кутякирэна Ман уштэ́нца пэскирэнца, нэ ило́ лэ́нгиро исын дур Ма́ндыр;