Joannostir 5:19 - Библия - Пэ Балтитко Романи чиб (Романэс) 2019

¹⁹ Нэ Ису́со пхэндя́ лэ́нгэ: “Чачэс, чачэс, Мэ ракира́ва тумэ́нгэ: Чхаво́ нисо́ нашты́ тэ кэрэ́л Кокоро́ Пэ́стыр, ко́ли Ёв тэ на дыкхэ́л, со кэрэ́ла Дад, пал-дова́ со дова́, со Дад кэрэ́ла, дова́-паць кэрэ́ла и Чхаво́.

Joannostir Svencono lačopheniben 1933 (Latvia)

¹⁹ Pe dava Iisusos phendža: lašņes, lašņes phenava tumenge: Čhāvo niso našti kērel Kokoro Pestir, keļi nadikhela Dād so kerla: hai so kerla Jov, dova Čhāvo nin kerla.

Biblija - Pe Baltitko Romani čib (Romanes) 2019

¹⁹ Ne Isúso phendiá lénge: “Čačes, čačes, Me rakiráva tuménge: Čhavó nisó naštý te kerél Kokoró Péstyr, kóli Jov te na dykhél, so keréla Dad, pal-dová so dová, so Dad keréla, dová-pac' keréla i Čhavó.

Joannostir 5:19 Referans Kwoze

Joannostir 12:49

Пал-дова́ со Мэ на Кокоро́ Пэ́стыр ракирдём, а Миро Дад, Кон бичхадя́ Ман, Ёв дыя́ припхэныбэ́н Ма́нгэ, со тэ ракира́в и сыр;

Joannostir 8:28

Адя́кэ Ису́со пхэндя́ лэ́нгэ: “Ке́ли ґаздэ́на Чхавэ́с Манушэскирэс, тэды тумэ́ уґалёна, со дава́ сом Мэ, и со Мэ нисо́ на кэра́ва Пэ́стыр; нэ, сыр сыклякирдя́ Ман Миро Дад, адя́кэ и Мэ ракира́ва.

Joannostir 14:10

Ци ту на патя́са, со Мэ сом дрэ Дадэ́стэ и Дад исын дрэ Ма́ндэ? Лава́, савэ́ Мэ ракира́ва тумэ́нгэ, Мэ ракира́ва на Пэ́стыр; адава́ Дад, Саво́ исын дрэ Ма́ндэ, Ёв кэрэ́ла Пэ́скирэ рэ́нды.

Joannostir 10:18

Нико́н Миро джиибэ́н на отлэла, нэ Мэ Кокоро́ отда́ва лэс: Ма́ндэ исын зор тэ отдав джиибэ́н и палэ тэ прилав; пал-дова́ со дава́ припхэныбэ́н Мэ дорэсцём Мирэ́ Дадэ́стыр.”

Римлянэнгэ 8:11

А ко́ли Одолэскиро Ду́хо (Фа́но), Кон отджидякирдя́ мулэ́ндыр Исусо́с, дживэ́ла дрэ тумэ́ндэ, тэды Одова́, Кон отджидякирдя́ Христосо́с мулэ́ндыр, отджидякирэла и тумарэ́ маса́, савэ́ исын на вечна, Пэ́скирэ Духо́са, саво́ дживэ́ла дрэ тумэ́ндэ.

Joannostir 9:4

Пака на прогия́ дывэ́с, Ма́нгэ трэй тэ кэра́в Одолэскирэ рэ́нды, Кон бичхадя́ Ман; сыг явэ́ла рат, ке́ли нико́н нашты́ нисо́ тэ кэрэ́л.

Luka 21:15

пал-дова́ со Мэ да́ва тумэ́нгэ лава́ и годы́, со тумарэ́ вэ́рги на змарэна тумэн дро лав, и ёнэ адя́кэ-паць на дэ́на ра́да (на змогинэна) тэ бангякирэн тумэн дро дова́, со тумэ́ отпхэнэна.

Joannostir 5:21

Пал-дова́ со, сыр Болыбна́скиро Дад ґаздэ́ла мулэн и отджидякирэла лэн, адя́кэ-паць и Чхаво́ отджидякирэла одолэ́н, конэ́с исын Лэ́скэ пир ило́.

2 Коринфянэнгэ 5:10

Пал-дова́ со амэ́нгэ сарэ́нгэ трэй тэ сыкавас пэс анги́л Христосо́скиро сэндари́тко штэ́то, соб (кай) амэ могинаса тэ дорэсас (тэ долас) пал дова́, со амэ кэрдя́м пал пэ́скиро джиибэ́н дрэ маса́: лачхипэ́н ци фуипэ́н.

Ереме́ё 17:10

Мэ, Рай Дэвэ́л, розґалёвава кажно ило́, Мэ пропатякирава андра́л манушэ́с, соб (кай) тэ дав кажнонэ́скэ (сваконэскэ) пир лэ́скирэ дрома́, пир дова́, со ёв кэрдя́.

Džiibén 1:26

И пхэндя́ Дэвэ́л: “Создаса манушэ́с, соб (кай) ёв тэ удэлпэ пир Амари́ патри́н (о́бразо), соб (кай) ёв тэ явэ́л кадасаво́-паць сыр Амэ сам; и мэк ёв тэ хулаинэ́л пэ морёскирэ (дэрьявэ́скирэ) мачхэндэ, пэ болыбна́скирэ чириклендэ, и пэ кхэритконэ́ мурдалэ́ндэ и пэ сари́ пхув, и пэ сарэ́ цапнендэ, савэ́ ползынэна пир пхув.”

Joannostir 3:3

Ису́со дро отпхэныбэ́н пхэндя́ лэ́скэ: “Чачэс, чачэс Мэ ракира́ва ту́кэ: кон на бияндёла нэвэ́стыр, на дыкхэ́ла Кралипэ́н дро Дэвлэ́скиро Раё.”

Pritčy 2:6

Пал-дова́ со Рай Дэвэ́л дэ́ла джиныбэ́н, Лэ́скирэ лавэ́стыр явэ́ла джиныбэ́н и ґалыибэ́н.

Psalmy 138:3

Ту отпхэндян ма́нгэ дро дывэ́с, ке́ли мэ дыём го́дла ясвэ́нца: Ту кэрдя́н муршканэдыр ман, ке́ли Ту дыя́н зор мирэ́ дескэ.

Psalmy 50:6

Мэк тэ пхэнэ́л Болыбна́скиро Раё сарэ́нгэ пал лэ́скиро чачипэ́н, со Дэвэ́л Кокоро́ исын сэнда́ри! Сэ́ла.

Džiibén 1:1

Англэды́р сарэ́стыр Дэвэ́л создыя́ болыбэ́н и пхув.

Sykadyipén 2:23

и Мэ мулякирава ла́кирэ чхавэ́н, соб (кай) сарэ́ кхангирья тэ джинэ́н, со Мэ сом Одова́, Кон джинэ́ла, со ману́ш думинэ́ла, и со ёв мангэ́ла, Мэ да́ва палэ кажнонэ́скэ тумэ́ндыр пир дова́, сави́ буты́ тумэ́ кэрдэ́.

1 Petr 3:18

пал-дова́ со и Христо́со, соб (кай) тэ янэл амэн кэ Дэвэ́л, е́кхвар мыя́ пал амарэ́ грэ́хи, чачуно́ пал начачунэндэ, Лэ́скирэ Маса́ сыс отдынэ́ пэ мэрибэ́н, а Лэ́скиро Ду́хо (Фа́но) сыс рискирдо кэ джиибэ́н;

Колосянэнгэ 1:16

пир Лэ́стэ Дэвэ́л создыя́ саро́ пэ болыбэ́н и пэ пхув, саро́, со исын дыцьло (бицяло́) и дова́, со нанэ дыцьло, ци троны, кай кра́лья исын бэштэ́, ци кхенинги, ци барэ́ рая, ци свэтоскиро зоралыпэ́н; саро́ пир Лэ́стэ и ваш Лэ́скэ исын создыно́.

Filipiicenge 4:13

Мэ саро́ могина́ва тэ вырикирав зорья́са, сави́ Христо́со дэ́ла ма́нгэ.

Filipiicenge 3:21

Саво́ парувэла амарэ́ хасибны́тка маса́ адя́кэ, со ёв явэ́ла тэ зджал пэ Лэ́скирэ маса́ зорья́са, савья́са Ёв чхудя́ тэлэ́ саро́ анги́л Пэ́стэ.

Эфесянэнгэ 3:16

мэк тэ дэл Дэвэ́л тумэ́нгэ пир Лэ́скирэ-славакиро барвалыпэ́н, тэ ячэн зоралэды́р Лэ́скирэ Духо́скирэ зорья́са дрэ андратунэ́ манушэ́стэ,

Эфесянэнгэ 2:5

амэн, савэ́ сыс мулэ́ пал амарэ́ налачхэ́ рэ́нды, Ёв отджидякирдя́ дро екхипэ́н Христосо́са, пир бахтякирибэ́н, савэ́са тумэ́ сан зракхнэ́,

2 Коринфянэнгэ 4:14

и амэ джина́са, со Одова́, Кон отджидякирдя́ Рас-Дэвлэ́с, Исусо́с Христосо́с, адя́кэ-паць отджидякирэла и амэн пир Исусо́стэ Христосо́стэ и чхувэ́ла амэн тумэ́нца кхэтанэ́ анги́л Пэ́стэ.

1 Коринфянэнгэ 15:12

Нэ ко́ли пхэнэ́лапэ лав, со Христо́со отджидыя́ мэрибна́стыр, сыр тэды вари-савэ́ тумэ́ндыр ракирэ́на, со нанэ отджидыипэн мэрибна́стыр.

Римлянэнгэ 6:4

И адя́кэ амэ мыям кхэтанэ́ Лэ́са пир болдыипэн дрэ мэрибэ́н, соб (кай), сыр Христо́со сыс отджидякирдо мулэ́ндыр Дэвлэ́скирэ слава́са, адя́кэ и амэ́нгэ тэ джива́с дрэ нэво́ джиибэ́н.

Apostolengiri Butý 2:24

нэ Дэвэ́л отджидякирдя́ Лэс мэрибна́стыр, и отлыя зор мэрибна́стыр, пал-дова́ со ёв на могиндя́ Лэс тэ рикирэ́л.

Joannostir 2:19

Ису́со пхэндя́ лэ́нгэ дрэ отпхэныбэ́н: “Роспхагирэн дая́ Кхангири́, и Мэ пал трин дывэса́ ґазда́ва ла нэвэ́стыр.”

Isajos 44:24

Адя́кэ ракирэ́ла Рай Дэвэ́л, Саво́ выкиндя тут, и Саво́ создыя́ тут дрэ дакири лочови́: “Мэ сом Рай Дэвэ́л, Саво́ создыя́ саро́, Мэ екхджино́ протырдыём болыбэ́н и Пэ́скирэ зорья́са росчхудём пхув.

Vygiiben 4:11

И Рай Дэвэ́л пхэндя́: “Кон дыя́ ушта́ манушэ́скэ? Кон кэрэ́ла манушэ́с бичибакирэса, ци кашукэса, ци дыкхибнытконэса, ци корорэса? Ци на Мэ сом Рай Дэвэ́л?

1 Фесалоникийцэнгэ 4:14

Нэ ко́ли амэ патя́са, со Ису́со мыя́ и отджидыя́ мулэ́ндыр, тэды и манушэ́н, савэ́ мынэ́ патяибна́са дрэ Исусо́стэ, Дэвэ́л янэ́ла палэ кхэтанэ́ Лэ́са.

Isajos 45:24

И явэ́на тэ ракирэ́н пал Ма́ндэ адя́кэ: “Фэ́ни (то́ка) Екхэ Растэ-Дэвлэ́стэ исын зор и чачипэ́н; кэ Ёв явэ́на и явэ́на тэ ладжан сарэ́ Лэ́скирэ вэ́рги.

Колосянэнгэ 1:11

соб (кай) Лэ́скири бари зор тэ дэл тумэ́нгэ и тэ кэрэ́л тумэн зоралэнца, волякирэнца и бахталэнца,

Psalmy 27:14

Рикирэ́н наде́я пэ Растэ-Дэвлэ́стэ, явэ́н муршканэ́ и Ёв зорьякирэла Тумаро ило́; чачо́, рикирэ́н наде́я пэ Растэ-Дэвлэ́стэ.

Матфеё 26:39

И Ёв одгия на́бут анги́л, пыя́ мо́са пэ пхув, мангдя́пэ Дэвлэ́скэ и ракирдя́: “Да́до Ми́ро, ко́ли сашты́, мэк проджал дава́ тахта́й дрэ риг Ма́ндыр; нэ на адя́кэ, сыр Ма́нгэ трэй, а сыр Ту́кэ трэй.”

Joannostir 6:38

Пал-дова́ со Мэ явдём болыбна́стыр на ваш дава́, соб (кай) тэ кэра́в дова́, со Мэ кокоро́ кама́м, нэ, соб (кай) тэ кэра́в пир Мирэ́-Дадэ́скири во́ля, Саво́ бичхадя́ Ман.

Joannostir 12:50

и Мэ джино́м (джина́в), со Лэ́скиро припхэныбэ́н исын ве́чно джиибэ́н. Мэ ракира́ва дова́, со Дад пхэндя́ Ма́нгэ тэ ракира́в.”