Joannostir 5:18 - Библия - Пэ Балтитко Романи чиб (Романэс) 2019

¹⁸ Тэды Юды ишчо (инкэ́) бутэды́р лынэ́ тэ родэ́н Лэс, соб (кай) тэ замарэ́н Лэс, пал-дова́, со Ёв фэ́ни на свэнкиндя са́вато, нэ и кхардя́ Дэвлэ́с Пэ́скирэ Дадэ́са, сы́рбы Ёв гиндя Пэс адя́кэ-паць Дэвлэ́са.

Joannostir Svencono lačopheniben 1933 (Latvia)

¹⁸ Te oščo butīr rodīne domāren Les Judi vašo dova, so Jov na feņu kurkesko dīves nasvenčini, ne Peskīre Dādeske dela goli Davles, te kērindoi Pes ravnes Devēlesa.

Biblija - Pe Baltitko Romani čib (Romanes) 2019

¹⁸ Tedy Judy iščo (inké) butedýr lyné te rodén Les, sob (kaj) te zamarén Les, pal-dová, so Jov féni na svenkindia sávato, ne i khardiá Devlés Péskire Dadésa, sýrby Jov gindia Pes adiáke-pac' Devlésa.

Joannostir 5:18 Referans Kwoze

Joannostir 10:33

Юды пхэндлэ́ Лэ́скэ: “На пал лачхо́ рэ́ндо амэ камаса тэ марас Тут барэ́нца, нэ пал дова́, со Ту тэлякирэса Дэвлэ́с и пал дова́, со Ту сан ману́ш, а кэрэ́са Пэс Дэвлэ́са.”

Joannostir 10:30

Мэ и Дад сам Екх.”

Joannostir 19:7

Юды отпхэндлэ́ лэ́скэ: “Амэ́ндэ исын Зако́но, и пир амаро́ Зако́но Ёв исын банго́ тэ мэрэ́л, пал-дова́ со Ёв кэрдя́ Пэс Дэвлэ́скирэ Чхавэ́са.”

Joannostir 8:58

Ису́со пхэндя́ лэ́нгэ: “Чачэс, чачэс Мэ ракира́ва тумэ́нгэ: англэды́р, сыр бия́ндыя Авраа́мо, Мэ со́мас.”

Joannostir 14:23

Ису́со отпхэндя́ лэ́скэ: “Ко́ли вари-конэ́скэ сом дро́го Мэ, одова́ ману́ш зракхэ́ла Миро лав; и тэды Мирэ́ Дадэ́скэ явэ́ла дро́го ёв, и амэ ява́са кэ ёв и амэ ява́са тэ джива́с кэ ёв.

Joannostir 5:23

соб (кай) сарэ́ тэ кутякирэн Чхавэ́с, сыр кутякирэна Дадэ́с. Кон на кутякирэла Чхавэ́с, одова́ на кутякирэла и Дадэ́с, Саво́ бичхадя́ Лэс.

Filipiicenge 2:6

Савэ́стэ сыс андратуно кхэтаныпэн Дэвлэ́са, нэ Ёв на гиндя Пэс тэ сыкавэ́л адасавэса-паць, сыр Дэвэ́л,

Sykadyipén 22:3

И буты́р на явэ́ла нисо́ прокошно́. И Дэвлэ́скиро и Свэнтонэ́-Бакрорэскиро троно явэ́на дро дава́ фо́ро и Лэ́скирэ писха́рья явэ́на тэ дынаринэ́н Лэ́скэ,

Sykadyipén 22:1

И Янго́ло сыкадя́ ма́нгэ рэка (лэнь) джиибна́скирэ пане́са, сави́ сыс жужы, сыр кристало. Ёй тхадэлас Дэвлэ́скирэ и Бакрорэ́скирэ троно́стыр.

Joannostir 8:54

Ису́со отпхэндя́: “Ко́ли Мэ Кокоро́ Пэс славинава, тэды сла́ва Мири́ нисо́ на мол: нэ Миро Дад славинэла Ман, пал Савэ́стэ тумэ́ ракирэ́на, со Ёв исын тумаро́ Дэвэ́л.

Joannostir 7:19

Ци Мо́йза на дыя́ тумэ́нгэ Зако́но? И нико́н тумэ́ндыр на кэрэ́ла пир Зако́но. Пал со ж тумэ́ камэ́на тэ мулякирэ́н Ман?”

Joannostir 7:1

Пало́ дава́ Ису́со псирдя́ пир Галиле́я, нэ Ёв на камдя́ тэ джал дрэ Юдэ́я, пал-дова́ со Юды родынэ тэ замарэ́н Лэс.

Joannostir 5:16

И палдава́ Юды ячнэ́ тэ традэ́н Исусо́с пал дова́, ками́ тэ замарэ́н Лэс, со Ёв кэрдя́ дасавэ́ рэ́нды (де́лы) дро са́вато.

Заха́рия 13:7

О, Курта́ля! Ѓаздэпэ пэ пастырёстэ Мирэстэ и пэ сэмэнцатэ Мирьятэ, ракирэ́ла янголэ́нгирэ-болыбна́скиро Рай Дэвэ́л. Замар пастырёс, и роспрастанапэ бакрэ́! И Мэ протырдава васт Миро кэ тыкнэ́.

Joannostir 14:9

Ису́со пхэндя́ лэ́скэ: “Ци на ґара́” (длу́гэс) Мэ сом тумэ́нца, и ту на джинэ́са Ман, Филипо? Одова́, кон дыкхця́ Ман, дыкхця́ и Дадэ́с; сыр ту ракирэ́са: ‘Сыка́в амэ́нгэ Дадэ́с?’

Матфеё 12:5

Нау́што на гиндлэ́ тумэ́ дро Зако́но, со рашая́ магирэна саватытко (суботытко) Зако́но дрэ Кхангири́ и ячэ́напэ би бангипнаскиро?

Joannostir 1:19

Ѓа́да, исын Ианоскиро допхэныбэ́н, ке́ли Юды Ерусалимо́стыр прибичхадэ раша́н и Левитэ́н тэ пхучэ́н Лэ́стыр: “Кон ту сан?”

Joannostir 5:15

Кадава́ ману́ш гия́ кэ Юды и роспхэндя́ лэ́нгэ, со ману́ш, Саво́ высастякирдя́ лэс, исын Ису́со.

Joannostir 5:17

Нэ Ису́со отпхэндя́ лэ́нгэ: “Миро Дад кэ какана́ кэрэ́ла лачхэ́ рэ́нды и Мэ адя́кэ-паць кэра́ва.”