Joannostir 5:17 - Библия - Пэ Балтитко Романи чиб (Романэс) 2019

¹⁷ Нэ Ису́со отпхэндя́ лэ́нгэ: “Миро Дад кэ какана́ кэрэ́ла лачхэ́ рэ́нды и Мэ адя́кэ-паць кэра́ва.”

Joannostir Svencono lačopheniben 1933 (Latvia)

¹⁷ Iisusos phendža lenge: Dād Mīro žin kana kerla, te Me kērava.

Biblija - Pe Baltitko Romani čib (Romanes) 2019

¹⁷ Ne Isúso otphendiá lénge: “Miro Dad ke kakaná keréla lačhé réndy i Me adiáke-pac' keráva.”

Joannostir 5:17 Referans Kwoze

Joannostir 14:10

Ци ту на патя́са, со Мэ сом дрэ Дадэ́стэ и Дад исын дрэ Ма́ндэ? Лава́, савэ́ Мэ ракира́ва тумэ́нгэ, Мэ ракира́ва на Пэ́стыр; адава́ Дад, Саво́ исын дрэ Ма́ндэ, Ёв кэрэ́ла Пэ́скирэ рэ́нды.

Joannostir 9:4

Пака на прогия́ дывэ́с, Ма́нгэ трэй тэ кэра́в Одолэскирэ рэ́нды, Кон бичхадя́ Ман; сыг явэ́ла рат, ке́ли нико́н нашты́ нисо́ тэ кэрэ́л.

Колосянэнгэ 1:16

пир Лэ́стэ Дэвэ́л создыя́ саро́ пэ болыбэ́н и пэ пхув, саро́, со исын дыцьло (бицяло́) и дова́, со нанэ дыцьло, ци троны, кай кра́лья исын бэштэ́, ци кхенинги, ци барэ́ рая, ци свэтоскиро зоралыпэ́н; саро́ пир Лэ́стэ и ваш Лэ́скэ исын создыно́.

1 Коринфянэнгэ 12:6

исын ра́зна саштыпэна (возможности) тэ дынаринэ́н, а исын кадава́-паць екх Дэвэ́л, Саво́ хулаинэла пир саро́ и пэ сарэ́ндэ.

Юдэ́нгэ 1:3

а Чхаво́, Саво́ зяинэла Дадэ́скирэ слава́са, сыкавэ́ла Пэ́са чачипэ́н пал Дэвлэ́стэ, и рикирэ́ла Пэ́скирэ зоралэ́ лавэ́са саро́ свэ́то, и ке́ли Ёв выжужакирдя́ сарэ́ амарэ́ грэ́хи, тэды бэсця́ пир чачи́ риг Дэвлэ́скирэ Барипнастыр дро Болыбна́скиро Раё.

Apostolengiri Butý 17:28

со амэ дрэ Лэ́стэ дживаса и псираса и амэ сам, сыр вари-савэ́ и тумарэ́ поэты пхэндлэ́: ‘Амэ адя́кэ-паць бияндыям Лэ́стыр’.

Isajos 40:26

Ѓаздэн тумарэ́ якха́ кэ вучо́ болыбэ́н и подыкхэн? Кон лэс создыя́? Кон вылыджала Пэ́скирэ чэргэня́ и гинэ́ла лэн? Сарэ́ чэргэня́ Ёв кхарэ́ла пир лав, ничи́ на хасёла Лэ́стэ, пал-дова́ со исын лэ́стэ бари зор и зоралыпэ́н.

Apostolengiri Butý 14:17

Нэ Ёв ячкирдя́ пал Пэ́стэ допхэныбэ́н и сыкавэ́ла Пэ́скиро лачхипэ́н дрэ дова́, со бичхавэ́ла амэ́нгэ болыбна́стыр брышы́нд дро аплодоскиро часо; Ёв дэ́ла амэ́нгэ хабэ́н и пхэрдякирэла амарэ́ илэ радыма́са”

Матфеё 10:29

Ци на дуй шпаки (вороб΄и) бикнэнапэ пал екх асариё? И ни екх лэ́ндыр на пэрэ́ла пэ пхув би волякиро тумарэ́ Дадэ́скиро.

Psalmy 65:6

Ту отпхэнэса амэ́нгэ пэ́скирэ древа́н барэ́ дивнонэ рэндэ́нца Пэ́скирэ чачипнастыр, Дэ́вла, Саво́ зракхэ́ла амэн, Савэ́стыр зоралэ́с ужакирэ́на лачхипэ́н сарэ́ пхувья́кирэ ягорэндыр (краендыр) и дуратунэ́ морьендыр (дэрьявэндыр),

Joannostir 5:16

И палдава́ Юды ячнэ́ тэ традэ́н Исусо́с пал дова́, ками́ тэ замарэ́н Лэс, со Ёв кэрдя́ дасавэ́ рэ́нды (де́лы) дро са́вато.

Joannostir 5:18

Тэды Юды ишчо (инкэ́) бутэды́р лынэ́ тэ родэ́н Лэс, соб (кай) тэ замарэ́н Лэс, пал-дова́, со Ёв фэ́ни на свэнкиндя са́вато, нэ и кхардя́ Дэвлэ́с Пэ́скирэ Дадэ́са, сы́рбы Ёв гиндя Пэс адя́кэ-паць Дэвлэ́са.

Joannostir 10:36

то ци ракирэ́на тумэ́ Одолэ́скэ, Савэс Дад свэнцындя и бичхадя́ пир свэ́то: ‘Ту тэлякирэса Дэвлэ́с,’ пал-дова́ со Мэ пхэндём: ‘Мэ сом Дэвлэ́скиро Чхаво́?’

1 Фесалоникийцэнгэ 2:13

Палдава́ и амэ адя́кэ-паць ўса́ды (сак) парикираса Дэвлэ́скэ, со тумэ́ прилынэ́ Дэвлэ́скиро лав, саво́ амэ роспэндям, тумэ́ прилынэ́ лэс на сы́рбы манушэ́нгиро лав, нэ сыр Дэвлэ́скиро лав, пир чачипэ́н, саво́ кэрэ́ла буты́ дрэ тумэ́ндэ патяибнаскирэндэ.