Joannostir 4:32 - Библия - Пэ Балтитко Романи чиб (Романэс) 2019

³² Нэ Ёв пхэндя́ лэ́нгэ: “Ма́ндэ исын хабэ́н, пал саво́ тумэ́ на джинэ́на.”

Joannostir Svencono lačopheniben 1933 (Latvia)

³² Ne Jov phendža lenge: Mange isi hāben, savo tume nadžinen.

Biblija - Pe Baltitko Romani čib (Romanes) 2019

³² Ne Jov phendiá lénge: “Mánde isyn xabén, pal savó tumé na džinéna.”

Joannostir 4:32 Referans Kwoze

Ióvo 23:12

Мэ на чхурдыём пэ риг припхэныбэна́ Лэ́скирэ уштэндыр, мэ ракхцём дрэ годы́ сыр сувнака́й Лэ́скирэ – уштэнгирэ лава́ фэды́р мирэ́ хабнастыр, со трэй ма́нгэ.

Joannostir 4:34

Ису́со ракирэ́ла лэ́нгэ: “Миро хабэ́н исын тэ кэра́в во́ля Одолэскири, Кон бичхадя́ Ман, и тэ кэра́в Лэ́скиро рэ́ндо.

Psalmy 119:103

Сыр гудло́ исын дро миро муй Тырэ́ лавэ́ндыр. Ёнэ исын гудлэдыр авгинэстыр мирэ́ москэ.

Ереме́ё 15:16

Тырэ́ лава́ латхнэ́ миро ило́, и мэ хаём лэн. Тыро́ лав яця́ сыр ра́дыма ма́нгэ и радымакирдя (обрадындя) зоралэ́с миро ило́, пал-дова́, со Тыро́ лав исын пэ Ма́ндэ, Раё Дэ́вла, болыбна́скирэ-янголэ́нгиро Дэвэ́л.

Pritčy 18:20

Манушэ́скиро кужум чалёла далэ́стыр, со ракирэ́ла лэ́скиро муй, ёв ячэ́лапэ чало пэ́скирэ уштэндыр.

Pritčy 14:10

Екх ило́ джинэ́ла пэ́скиро киркипэн, нэ чу́жо на пхэнэ́ла явирэскэ пал пэ́скири ра́дыма.

Psalmy 63:5

Палдава́ мэ ява́ва тэ славинав и тэ парикира́в Ту́кэ дро миро джиибэ́н, мэ ява́ва тэ ґаздав васта́ ваш Тыро́ лав.

Psalmy 25:14

Рай Дэвэ́л Пэ́скири сыкавэ́ла гарады ла́ска одолэ́нгэ, савэ́ дарэ́на Лэ́стыр. Ёв сыклякирэ́ла лэн пал Пэ́скиро Зако́но.

Sykadyipén 2:17

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́скэ, кон пиризорьякэла, Мэ да́ва вари-кицы́ манка, сави́ исын гарады. Мэ адя́кэ-паць дава́ лэ́скэ парно́ бар, пэ саво́ явэ́ла чхиндло́ нэво́ лав, саво́ нико́н на джинэ́ла, апри́ч кодолэстэ, кон дорэсэ́ла дава́ бар.”

Apostolengiri Butý 20:35

Дро саро́, со мэ тэ на кэра́в, мэ сыкадём тумэ́нгэ, со амари́ буты́ исын дро дова́, соб (кай) тэ помогинас чорорэнгэ, и тэ рипирас Ра́скирэ-Дэвлэ́скирэ Исусо́скирэ лава́; савэ́ Ёв Кокоро́ пхэндя́, со ману́ш, саво́ дэ́ла, явэ́ла бахталэдыр одолэ́стыр, саво́ лэ́ла.

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Joannostir 4:31

Дро дова́ часо сыкляибны́тка мангнэ́ Лэс, ракири́: “Равви, ха вари-со!”

Joannostir 4:33

Сыкляибны́тка лынэ́ тэ ракирэ́н машки́р пэ́стэ: “Ци могинэ́ла тэ явэ́л, со вари-кон яндя́ Лэ́скэ тэ хал?”