Joannostir 4:23 - Библия - Пэ Балтитко Романи чиб (Романэс) 2019

²³ Нэ явэ́ла, и акана́ явдя́ часо, ке́ли чачунэ́ дэвлы́тка явэ́на тэ дэн паты́в пир ду́хо (фа́но) и чачипэ́н, пал-дова́ со адасавэн дэвлытконэн родэ́ла Пэ́скэ Дэвэ́л Дад.

Joannostir Svencono lačopheniben 1933 (Latvia)

²³ Ne javela brīža, te uze javdža, kedi lašņa poklonibnaskīre pokloninenapen Dādeske ano duhos te lašņuma; hai dasajen poklonibnaskīren Dād rodela Peske.

Biblija - Pe Baltitko Romani čib (Romanes) 2019

²³ Ne javéla, i akaná javdiá časo, kiéli čačuné devlýtka javéna te den patýv pir dúho (fáno) i čačipén, pal-dová so adasaven devlytkonen rodéla Péske Devél Dad.

Joannostir 4:23 Referans Kwoze

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

Joannostir 5:25

Чачэс, чачэс Мэ ракира́ва тумэ́нгэ: явэ́ла часо и ёв акана́ явдя́, ко́ли мулэ́ явэ́на тэ шунэ́н Дэвлэ́скирэ-Чхавэскири зан (глос), и, кон шунэ́ла, отджидёла.

Galatenge 4:6

Нэ пал-дова́, со тумэ́ сан Лэ́скирэ чхавэ́, Дэвэ́л бичхадя́ Лэ́скирэ-Чхавэ́скиро Ду́хо (Фа́но) дро амаро́ ило́, Саво́ дэ́ла го́дла: “Авва! Да́до!”

Римлянэнгэ 8:26

Адя́кэ-паць и Ду́хо (Фа́но) подрикирэ́ла амэн дрэ амаро́ бизорьякирибэн; амэ на джина́са, пал со и сыр трэй тэ мангаспэ Дэвлэ́скэ, нэ Ду́хо кокоро́ мангэ́ла Дэвлэ́с пал дова́, со амарэ́ лава́ исын на дрэ зор тэ пиридэл.

Joannostir 12:23

Ису́со отпхэндя́ лэ́нгэ: “Явдя́ мардо́ ваш дава́, соб (кай) тэ славинэлпэ Манушэ́скиро Чхаво́.

Эфесянэнгэ 6:18

и дро кажно часо мангэ́нпэ дро Ду́хо (Фа́но) кажнонэ́ патерьяса (молитваса), адя́кэ-паць саро́ часо мангэ́нпэ Дэвлэ́скэ пал сарэ́ дэвлытконэнэ;

Joannostir 4:21

Ису́со ракирэ́ла ла́кэ: “Патя Ма́нгэ, джувлы́, со явэ́ла часо (цы́ро), ке́ли на пэ дая́ бэ́рга и на дро Ерусалимо явэ́на тэ мангэ́нпэ Дадэ́скэ.

Joannostir 1:17

Пал-дова́ со Дэвэ́л дыя́ Зако́но пир Мойзастэ (Моисеёстэ), а бахталыпэ́н и чачипэ́н явнэ́ пир Исусо́стэ Христосо́стэ.

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

Isajos 58:2

Ёнэ родэ́на Ман кажно дывэ́с, ёнэ камэ́на тэ джинэ́н Мирэ́ дрома́ сы́рбы народо, саво́ кэрэ́ла пир чачипэ́н, саво́ на ячкирэ́ла Пэ́скирэ Дэвлэ́скирэ упхэныбэна́; ёнэ пхучэна Ма́ндыр пал чачунэ́ сэнды, ёнэ камэ́на тэ явэ́н пашылэды́р кэ Дэвэ́л.

Isajos 43:21

Дава́ народо Мэ создыём ваш Пэ́скэ; ёв дэ́ла паты́в Ма́нгэ.

Римлянэнгэ 8:15

Палдова́ со тумэ́ на прилынэ́ Ду́хо (Фа́но), Саво́ кэрэ́ла тумэн писхарье́нца, соб (кай) нэвэ́стыр тэ дживэ́н дрэ дар, а тумэ́ прилынэ́ Ду́хо (Фа́но), Саво́ кэрдя́ тумэн пэ́скирэ чхавэ́нца, савэ́са амэ кхараса Дэвлэ́с: “Авва, Да́до!”

Isúso 24:14

И адя́кэ, дарэ́н Ра́стыр-Дэвлэ́стыр, и дынаринэ́н Лэ́скэ дрэ жужыма и дро чачипэ́н: отчхурдэн дэвлорэ́, савэ́нгэ дынариндлэ́ тумарэ́ дада́ пал рэка (лэнь) дро Еги́пто, а дынаринэ́н Ра́скэ-Дэвлэ́скэ.

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Psalmy 51:6

Анги́л Ту́тэ, Екхэ́стэ, мэ кэрдём грэ́хо и кэрдём фуипэ́н анги́л Тырэ́ якха́. И чачуно́ явэ́ла Тыро́ ракирибэ́н и патяибны́тко явэ́ла Тыро́ сэ́ндо.

Psalmy 17:1

Давидоскири Па́тери (Моли́тва). Шун ман, Раё Дэ́вла, миро чачипэ́н, пришунпэ, сыр мэ кхара́ва зоралэ́с Тут ясвэ́нца. Шун миро мангипэ́н Ту́кэ, ёв выджа́ла мирэ́ нахоханэ уштэндыр.

1 Kralip 12:24

екх дарэ́н Ра́стыр-Дэвлэ́стыр и дынаринэ́н Лэ́скэ чачунэ́с, сарэ́ тумарэ́ илэ́стыр, пал-дова́ со тумэ́ дыкхнэ́, савэ́ барэ́ рэ́нды Ёв кэрдя́ тумэ́нца;

Joannostir 16:32

Ѓа́да, сыг подджа́ла мардо́ (шту́нда), и подги́я какана́, со тумэ́ роспрастанапэ кажно дрэ пэ́скири риг и Ман тумэ́ ячкирэна Екхэ́с; нэ Мэ на сом Екхджино́, пал-дова́ со Дад исын Ма́нца;

Ереме́ё 4:2

И ту явэ́са тэ совлахас: “Тэ явэ́л джидо́ Рай Дэвэ́л патяибна́са, сэндоса и чачипна́са, соб (кай) Мэ тэ бахтякирав сарэ́н Наюдэн, соб (кай) Ма́ндыр ёнэ тэ барьякирэ́н пэс!”

Ереме́ё 3:10

Нэ усае́кх (сароекх) Израилёскири здыибнаскири пхэн Юдэ́я на рисия́ кэ Мэ сарэ́ илэ́стыр, нэ ёй фэ́ни пэфроми (пэмисни), – пхэндя́ Рай Дэвэ́л.

Pritčy 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

1 Паралипоменоно 29:17

Джино́м, миро Дэ́вла, со Ту спробинэса ило́ и камэ́са жужэилыткима; мэ жужэ́ (чыстонэ) илэ́стыр мирэстыр дыём саро́ дава́, и акана́ мэ дыкха́ва, со и Тырэ́ мануша́ адя́кэ-паць, савэ́ ада́й исын, радыма́са янэ́на Ту́кэ.

Римлянэнгэ 1:9

Пал-дова́ со Дэвэ́л исын якхи́тко (свидетелё) ма́нгэ, Савэ́скэ мэ дынарина́ва (служына́ва) мирэ́ духо́са и роспхэнава бахталы́ звесь пал Лэ́скирэ Чхавэ́стэ, со мэ саро́ часо дрэ пэ́скиро мангипэ́н Дэвлэ́скэ рипирава пал тумэ́ндэ,

Psalmy 147:11

Лэ́скэ исын дро́га одолэ́, савэ́ дарэ́на Лэ́стыр, кодолэ́, савэ́ ужакирэ́на лачхипэ́н Лэ́скирэ ковлэ́-илыткиматыр.

Езэкилё 22:30

Родыём Мэ лэ́ндэ манушэ́с саво́ чхувэлас ва́нта и тэрделас дро пропхагирибэн анги́л Ма́ндэ пал дая́ пхув, соб (кай) Мэ тэ на распхагирав ла, нэ Мэ налатхём.

Гиленгири (Соломоно́скири) Гилы́ 2:14

Мири́ голумбица исын дрэ скалэнгирэ нишы, дрэ гарадэ́ штэ́ты пир са́мо крутыма, ма́нгэ тэ дыкха́в тыро́ муй, ма́нгэ тэ шунав тыри́ занори, пал-дова́ со тыри́ зан (глос) исын гудлы, тыро́ муёро исын шука́р.”

Psalmy 32:2

Бахтало́ исын ману́ш, конэ́скэ Рай Дэвэ́л на загинэла лэ́скиро фуипэ́н, конэ́стэ нанэ хараныпэ́н (жэ́лучо) пэ ило́.

Isajos 10:20

Явэ́ла дро дова́ дывэ́с: Израилёскиро ячаибэ́н и одолэ́; кон зракхцяпэ Яково́скирэ кхэрэ́стыр, на явэ́на тэ допатян буты́р одолэ́скэ, кон домардя́ лэн, нэ ёнэ явэ́на тэ патя́н Ра́скэ-Дэвлэ́скэ, Свэнтонэ́-Израилёскирэ Дэвлэ́скэ сарэ́ илэ́са.

Joannostir 5:28

На дивинэнпэ пэ дава́, пал-дова́ со явэ́ла дасаво часо, дрэ саво́ сарэ́ мулэ́, явэ́на тэ шунэ́н Дэвлэ́скирэ-Чхавэскири зан;

Joannostir 16:2

Тумэн традэ́на яври́ кхангирьендыр; и явэ́ла дасаво часо (цы́ро), ке́ли одова́ ману́ш, саво́ замарэла тумэн, явэ́ла тэ думинэл, со ёв далэ́са дынаринэла Дэвлэ́скэ.