Joannostir 4:20 - Библия - Пэ Балтитко Романи чиб (Романэс) 2019

²⁰ Амарэ́ дада́ мангнэпэ Дэвлэ́скэ пэ дая́ бэ́рга, нэ тумэ́ ракирэ́на, со штэ́то, кай трэй тэ мангэспэ Дэвлэ́скэ, исын дро Ерусалимо.”

Joannostir Svencono lačopheniben 1933 (Latvia)

²⁰ Māre dāda kloninenapen pe da berga; ne tume phenena, so štetos, kai čhebi kloninenpes, isi ane Ijerusaļima.

Biblija - Pe Baltitko Romani čib (Romanes) 2019

²⁰ Amaré dadá mangnepe Devléske pe daja bérga, ne tumé rakiréna, so štéto, kaj trej te mangespe Devléske, isyn dro Jerusalimo.”

Joannostir 4:20 Referans Kwoze

Яви́р Зако́но 27:12

“Адалэ́ мануша́ исын бангэ́ тэ тэрдён пэ бэ́рга Гаризим, соб (кай) ёнэ тэ бахтякирэн манушэ́н, ке́ли ёнэ пириджана Иорда́но: Симеоно (Семёно), Левиё, Юда, Исахаро, Иосифо (Ёза) и Вениамино;

Яви́р Зако́но 11:29

Ке́ли янэ́ла тут Рай Дэвэ́л, Дэвэ́л тыро́, пэ доя́ пхув, пэ сави́ ту джа́са, соб (кай) тэ лэс лофо пэ ла́тэ, тэды пхэнэ́н бахтякирибэ́н пэ бэ́рга Гаризимо, а прокошыбэ́н (арман) пэ бэ́рга Гевало.

2 Паралипоменоно 7:12

И явдя́ Рай Дэвэ́л Соломоно́скэ раты́, и пхэндя́ лэ́скэ: “Мэ шундём па́тери (моли́тва) тыри́ и выкэдыём Пэ́скэ дава́ штэ́то дро Кхэр, соб (кай) тэ янэ́н свэ́нто дыибэ́н.

Luka 9:53

нэ мануша́ одо́й на прилынэ́ Лэс, пал-дова́ со Ёв выдыкхця, сыр о ману́ш, саво́ джа́лас пир дром дро Ерусалимо.

Psalmy 132:13

Рай Дэвэ́л выкэдыя́ бэ́рга Сио́но, сави́ яця́ дро́го Лэ́скэ, соб (кай) тэ дживэ́л одо́й:

Psalmy 78:68

нэ Ёв выкэдыя́ Юда́скиро ро́до, Сионо́скири бэ́рга, сави́ Ёв выкэдыя́ Пэ́скэ;

2 Паралипоменоно 7:16

И акана́ Мэ выкэдыём и обсвэнцындём дава́ Кхэр, соб (кай) Миро лав тэ явэ́л одо́й дро ве́ко; и якха́ Мирэ́ и ило́ Миро явэ́на одо́й дрэ сарэ́ дывэса́.

2 Паралипоменоно 6:6

нэ Мэ выкэдыём Ерусалимо, соб (кай) одо́й тэ явэ́л Миро лав, и Мэ выкэдыём Давидо́с, соб (кай) ёв тэ явэ́л пэ Мирэ́ Израилёскирэ манушэ́ндэ.’

1 Паралипоменоно 22:1

И пхэндя́ Дави́до: “Ѓа́да, исын Кхэр Ра́скирэ-Дэвлэ́скиро и ґа́да, алта́рё ваш цэ́ло схачкирибэ́н Израилёскиро.

1 Паралипоменоно 21:26

И кэрдя́ одо́й Дави́до алта́рё Ра́скэ-Дэвлэ́скэ, и вычхудя́ цэ́ло схачкирибэ́н и мирна (раманёна) свэ́нта дыибэна́ Ра́скэ-Дэвлэ́скэ; и кхардя́ Рас-Дэвлэ́с, и Ёв шундя́ лэс, бичхадя́ яг болыбна́стыр пэ цэлонэ́-схачкирибнаскиро алта́рё.

3 Kralip 9:3

И пхэндя́ лэ́скэ Рай Дэвэ́л: “Мэ шундём па́тери (моли́тва) тыри́ и мангипэ́н тыро́, пал со ту мангдян Ман. Мэ обсвэнцындём дая́ Кхангири́, сави́ ту кэрдя́н, соб (кай) тэ явэ́л лав Миро одо́й дро ве́ко; и явэ́на якха́ Мирэ́ и ило́ Миро одо́й дрэ сарэ́ дывэса́.

Isajos 66:1

Адя́кэ ракирэ́ла Рай Дэвэ́л: “Болыбэ́н исын Миро троно, а пхув исын штэ́то ваш Мирэ́ ґэра́; кай тумэ́ кэрэ́на кхэр ваш Ма́нгэ, кай исын штэ́то, соб (кай) Мэ тэ откхинёвав?

Joannostir 4:12

Ту, хай, на сан барэды́р амарэ́ дадэ́стыр Яковостыр, саво́ дыя́ дая ґаны́нг амэ́нгэ, пия ёв кокоро́, и чхавэ́ лэ́скирэ, и кхэри́тка мурдала́ лэ́скирэ (ското)?”