Joannostir 4:11 - Библия - Пэ Балтитко Романи чиб (Романэс) 2019

¹¹ Джувлы́ ракирэ́ла Лэ́скэ: “Мро Раё! Ту́тэ нанэ со́са тэ пхэрэс пани́ и ґаны́нг исын хор: Каты́р Ту́кэ тэ лэс джидо́ пани́?”

Joannostir Svencono lačopheniben 1933 (Latvia)

¹¹ Džūli rakirla Leske: Raija! tuke nāni sosa phēres, hai hāning hor: karīg tuke džīdo paņing?

Biblija - Pe Baltitko Romani čib (Romanes) 2019

¹¹ Džuvlý rakiréla Léske: “Mro Rajo! Túte nane sósa te pheres paní i ĥanýng isyn xor: Katýr Túke te les džidó paní?”

Joannostir 4:11 Referans Kwoze

1 Коринфянэнгэ 2:14

Ману́ш, савэ́стэ нанэ Ду́хо (Фа́но), на прилэ́ла илэ́са таланы Дэвлэ́скирэ Духо́стыр, пал-дова́ со ёв гинэ́ла лэн пал дылныпэ́н; и ёв на могинэ́ла тэ ґалёл лэн, пал-дова́ со лэ́нгэ дэ́на чол (тими́н) мануша́, конэ́стэ исын Ду́хо (Фа́но);

Joannostir 3:4

Никадимо пхучэла Лэ́стыр: “Сыр дава́ баро́ (стало) ману́ш могинэ́ла тэ бияндёл нэвэ́стыр? Ци могинэ́ла Ёв нэвэ́стыр тэ заджа́л палэ дрэ лэ́скирэ-дакири лочови́ (утроба) и тэ бияндёл яви́р мо́ло?”

Ереме́ё 2:13

Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Joannostir 4:14

Нэ кон явэ́ла тэ пьел пани́, саво́ Мэ да́ва лэ́скэ, одова́ на явэ́ла тэ камэл тэ пьел саро́ ве́ко; а пани́, саво́ Мэ да́ва лэ́скэ, ячэ́ла андра́л манушэ́стэ ґанынгаса ваш дасаво пани́, саво́ лыджа́ла дро ве́чно джиибэ́н.”

Joannostir 7:37

Дро палатуно́ (последнё) и са́мо главно свэнкитко дывэ́с, Ису́со тэрдия́ и пхэндя́ зоралэ́ заня́са: “Одова́, кон камэ́ла тэ пьел, мэк тэ явэ́л кэ Мэ.

Apostolengiri Butý 10:14

Нэ Пэ́три пхэндя́: “Над, Раё Дэ́вла! Мэ ние́кхвар на хаём нисо́ джунгалыпнастыр (брыткиматыр) и со исын нажужо.”

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Sykadyipén 21:6

И Ёв пхэндя́ ма́нгэ: “Кэрдя́пэ кэ ко́нцо (яго́ро) (сполниндяпэ). Мэ сом Альфа и Омега, Англыпэ́н и Ко́нцо (Яго́ро). Одолэ́скэ, конэ́стэ исын смэга (жажда), Мэ да́ва тэ пьел джиибна́скирэ-панё́скирэ ґанынгорьятыр би ловэнгиро.

Sykadyipén 22:1

И Янго́ло сыкадя́ ма́нгэ рэка (лэнь) джиибна́скирэ пане́са, сави́ сыс жужы, сыр кристало. Ёй тхадэлас Дэвлэ́скирэ и Бакрорэ́скирэ троно́стыр.

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.