Joannostir 3:6 - Библия - Пэ Балтитко Романи чиб (Романэс) 2019

⁶ Кодова́, со исын бияндло манушытконэ́ лочатыр, исын манушы́тка маса́ дрэ лоч; кодова́, со исын бияндло Духо́стыр, исын ду́хо (фа́но).

Joannostir Svencono lačopheniben 1933 (Latvia)

⁶ Ločīno masendir isi masa; ne ločīno Duhostir isi duhos.

Biblija - Pe Baltitko Romani čib (Romanes) 2019

⁶ Kodová, so isyn bijandlo manušytkoné ločatyr, isyn manušýtka masá dre loč; kodová, so isyn bijandlo Duhóstyr, isyn dúho (fáno).

Joannostir 3:6 Referans Kwoze

2 Коринфянэнгэ 5:17

Палдава́, кон исын дро екхипэ́н Христосо́са, кодова́ ячэ́лапэ сы́рбы нэво́ ману́ш: пхурано́ ду́хо (фа́но) лэ́стыр гия́, нэво́ загия́:

1 Ian 3:9

Кажно ману́ш, саво́ яця́ Дэвлэ́скирэ чхавэ́са, на кэрэ́ла буты́р грэ́хи, пал-дова́ со Дэвлэ́скири зя́рка исын дрэ Лэ́стэ, и ёв на могинэ́ла тэ кэрэ́л грэ́хи, пал-дова́ со Дэвэ́л яця́ лэ́скирэ Дадэ́са.

1 Коринфянэнгэ 6:17

Нэ одова́, кон исын кхэтанэ́ Дэвлэ́са, исын сы́рбы дро екх ду́хо (фа́но) Ра́са-Дэвлэ́са.

Римлянэнгэ 7:18

Палдова́ мэ джино́м, со нисаво́ лачхипэ́н на дживэ́ла андра́л ма́ндэ; пал-дова́ со мэ кама́м тэ кэра́в лачхипэ́н, нэ мэ на могина́ва.

Džiibén 6:12

И Дэвэ́л дыкхця́ пэ пхув и, ґа́да, ёй сыс хасибны́тко: пал-дова́ со кажно лоч (плоть) лыя́ тэ кэрэ́л бипатывалэ рэ́нды (де́лы).

Psalmy 51:10

Дэ ма́нгэ, соб (кай) мэ тэ шунав ра́дыма и тэ явав лошало (весёло), соб (кай) тэ радынэ́нпэ мирэ́ кокалы́, савэ́ Ту пхагирдян.

Ióvo 25:4

Сыр ману́ш могинэ́ла тэ явэ́л чачуно́ анги́л Дэвлэ́стэ? Ци сыр могинэ́ла вари-кон тэ явэ́л жужо́, кон бия́ндыя джувлятыр?

Ióvo 14:4

Ци сашты́ тэ бияндёл бидошэ́нгиро ману́ш манушэ́стэ дошэнца? Ние́кх!

Римлянэнгэ 8:13

пал-дова́, со ко́ли тумэ́ дживэ́на пир лочакиро тырдыпэ́н, тэды тумэ́ ж мэрэ́на, нэ ко́ли тумэ́ мулякирэна тумарэ́ свэтытка рэ́нды Духо́са, тумэ́ явэ́на тэ дживэ́н:

Эфесянэнгэ 2:3

амэ адя́кэ-паць сарэ́ вари-ке́ли и са́мас кадасавэ́ и дживдям пир на́лачхо лочакиро (плотякиро) тырдыпэ́н и кэрдя́м дова́, со амэ́нгэ подпхэнэла на́лачхо камибэн и со явэ́ла пэ годы́, и амэ са́мас пир бияныпэ́н сы́рбы чхавэ́, пэ конэ́стэ пэрэ́ла Дэвлэ́скири холы́, сыр и яви́р мануша́:

Колосянэнгэ 2:11

дро екхипэ́н Лэ́са тумэ́ са́нас обчхиндлэ́ на манушытконэ́ вастэ́нца, ке́ли лэнапэ криг грэхоскирэ лочакирэ маса́ обчхиныбнаса, а Христосо́скирэ-духо́скирэ обчхиныбнаса;

Galatenge 5:24

И адалэ́ мануша́, савэ́ исын Христосо́скирэ, примардэ пэ́скири манушы́тко грэхи́тко натура пэ трушу́л пэ́скирэ налачхэ́ камибнаса и грэхоскирэ тырдыпнаса.

Joannostir 1:13

Дава́ сыс кадалэ́ чхавэ́, савэ́ бия́ндынэ на ратэстыр и на пир лочакиро камибэн на пир манушэскири во́ля, а Дэвлэ́стыр сыс бияндлэ.

Римлянэнгэ 7:5

Пал-дова́ со, ке́ли амэ дживдям пир лочакиро тырдыпэ́н, тэды Зако́но джангавэлас амэ́ндэ грэхи́тка камибэна, савэ́ сыс дрэ амарэ́ масэнгирэ паша́ и далэ́са амэ янасас дыибэ́н мэрибна́скэ;

Džiibén 6:5

И Рай Дэвэ́л дыкхця́, со мануша́ лынэ́ бут тэ кэрэ́н фуипэ́н пэ пхув, со сарэ́ лэ́нгирэ думки и илэ сыс холынакирэ пэ кажно дывэ́с.

Džiibén 5:3

Адамо дживдя́ шэл тэ трия́нда бэрш, и лэ́стыр бия́ндыя чхаво́, саво́ зджалас пэ лэ́стэ, и саво́ сыс пир лэ́скири патри́н (о́бразо) и дыя́ лэ́скэ лав: Сифо.

Римлянэнгэ 7:25

Парикирава Дэвлэ́скэ пир Исусо́стэ Христосо́стэ, амарэ́ Растэ-Дэвлэ́стэ. И ґа́да, мэ кокоро́ годя́са дынарина́ва Дэвлэ́скирэ Законо́скэ, нэ масэнца мэ дынарина́ва (служынава) грэхо́скирэ Законо́скэ.

Joannostir 3:7

На дивинэнпэ пэ дава́, со Мэ пхэндём, со тумэ́нгэ трэй тэ бияндён нэвэ́стыр.