Joannostir 3:29 - Библия - Пэ Балтитко Романи чиб (Романэс) 2019

²⁹ Тэрны́ исын ваш Тэрнэскэ, а Тэрнэскиро дру́го (мал), саво́ исын тэрдо́ пашы́л, шунэ́ла лэс и радынэ́лапэ, ке́ли шунэ́ла, со ёв ракирэ́ла. Кадая́ мири́ бахт явдя́ сарэ́са кэ мэ.

Joannostir Svencono lačopheniben 1933 (Latvia)

²⁹ Koneske mlodžikica dova isi mlodžikos; ne pšečeļos mlodžikoskīro, tardo te kandela Les, te radindoi radžakirlapes, šunindoi mlodžikoskīri gloss. Da raduma mīro pšečkirdžapes.

Biblija - Pe Baltitko Romani čib (Romanes) 2019

²⁹ Terný isyn vaš Terneske, a Terneskiro drúgo (mal), savó isyn terdó pašýl, šunéla les i radynélape, kiéli šunéla, so jov rakiréla. Kadaja mirí baht javdiá sarésa ke me.

Joannostir 3:29 Referans Kwoze

Osija 2:19

И Мэ ява́ва тэ ангрустынав (обрэнчынава) тут Ма́нца усады (сак); и Мэ ангрустынава (обрэнчынава) тут Ма́нца пир чачипэ́н и чачуно́ сэ́ндо, и пир дро́го лачхипэ́н, и пир лачхэ́-илы́ткима;

Матфеё 9:15

И пхэндя́ лэ́нгэ Ису́со: “Нау́што могинэ́на Тэрнэскирэ гости тэ явэ́н смэнтна (печальна) дрэ бьявитко шту́ба, пака Тэрно́ исын лэ́нца? Дывэса́ явэ́на, ке́ли Тэрно́ явэ́ла лыно́ лэ́ндыр, и тэды ёнэ явэ́на тэ постинэн.

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.

Isajos 54:5

Кодова́, Кон создыя́ тут, исын тыро́ ром; Рай Дэвэ́л, болыбна́скирэ-янголэ́нгиро исын Лэ́скиро лав; Свэ́нто Израилёскиро тут выкинэла; Ёв кхарлапэ сарэ́-пхувья́кирэ Дэвлэ́са.

Sykadyipén 21:9

И ґа́да, екх эфта́ (эфтэ) Янголэ́ндыр, савэ́ндэ сыс эфта́ тахтая́ (чашы), со сыс пхэрдэ́ эфта́ палатунэ́ франсэ́нца, подги́я кэ, мэ и пхэндя́: “Яв! Мэ сыкава́ва ту́кэ тэрня́ Свэнтонэ́-Бакрорэ́скирья ромня́!”

Filipiicenge 2:2

тэды пхэрдякирэн мири́ ра́дыма, соб (кай) тумэ́ тэ явэ́н кхэтанэ́, тэ явэ́н тумэ́ндэ екх дова́-паць выкэдыибэн, и дживэ́н екх екхэ́са дро ладо, и тэ кэрэ́н рэ́нды (де́лы) пир екх рэс (цэлё);

Joannostir 16:24

Кэ дава́ часо тумэ́ нисо́ на мангнэ́ Мирэ́ лавэ́са, мангэ́н, и дорэсэ́на, соб (кай) ра́дыма дро тумаро́ ило́ тэ явэ́л пхэрды́.

1 Ian 1:4

И дава́ амэ чхинаса тумэ́нгэ, соб (кай) тумари́ ра́дыма тэ явэ́л пхэрды́.

2 Коринфянэнгэ 11:2

Пал-дова́ со ма́ндэ сыс илэ́скиро хачкирибэ́н пал тумэ́ндэ Дэвлэ́скирэ хачкирибнаса, пал-дова́ со мэ дыём лав (ангрустякирдём тумэн) Екхэ́ Манушэ́скэ, Христосо́скэ, соб (кай) тумэ́ тэ явэ́н анги́л Лэ́стэ сы́рбы патывалы́ тэрнори́.

Luka 15:6

а сыр ёв явэ́ла кхэрэ́, кхарэ́ла кэ пэ пэ́скирэ другэн (малэ́н) и суседэ́н (котарье́н) и пхэнэ́ла лэ́нгэ: “Радынэ́нпэ Ма́нца, пал-дова́ со Мэ латхём бакря́, сави́ хасия́.”

Гиленгири (Соломоно́скири) Гилы́ 5:1

“Мэ явдём дрэ пэ́скири у́нта (садо), мири́ пхэн, мири́ тэрны́; мэ скэдыём миро мирро мирэ́ приправэнца; мэ хаём пэ́скиро авгинытко сото мирэ́ авгинэса; мэ пиём пэ́скири мол (вино) тхудэса.” “Хан, ми́рэ мало́рэ, пьен, и пьен чалэ́с, мирэ́ пирамнэ [дро́га ми́рэ мануша́лэ-ю.о.]!”

Матфеё 25:1

Тэды Кралипэ́н дро Болыбна́скиро Раё явэ́ла сы́рбы дэш патывалэ́ тэрнэ́ джувля́, савэ́ лынэ́ ксилытка лампы и гинэ́ англэ тэ стрэнинэн (тэ пирилэн) Тэрнэс.

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Isajos 66:11

соб (кай) тэ хан и тэ чалён Лэ́скирэ радыма́тыр, тэ пьен и тэ радынэ́нпэ барэ́ Лэ́скирэ барипнастыр.”

Гиленгири (Соломоно́скири) Гилы́ 3:11

Джа́н тэ дыкхэ́н, Сионо́скирэ чхая́лэ, акэ, исын кра́ли Соломо́но, дрэ крали́тко стадык (вя́нка), сави́ лэ́скири дай чхудя́ пэ шэро́, дро дывэ́с, ке́ли ёв лыя́ совла́х, дро дывэ́с, ке́ли лэ́скиро ило́ радындяпэ.

2 Ian 1:12

Ма́ндэ исын бут, со трэй тэ чхинав ту́кэ, нэ мэ на кама́м тэ кэра́в дава́, пэ папира чэрниласа. Амэ́ндэ исын наде́я тэ явав тумэ́нца тэ ракира́в муй кэ муй, соб (кай) амари́ ра́дыма тэ явэ́л пхэрды́.

Joannostir 17:13

Какана́ Мэ джа́ва кэ Ту, и дава́ Мэ ракира́ва, пака Мэ сом дро свэ́то, соб (кай) лэ́ндэ тэ явэ́л Мири́ пхэрды́ ра́дыма дрэ пэ́стэ.

Матфеё 22:2

“Кралипэ́н дро Болыбна́скиро Раё исын сы́рбы кра́ли, саво́ кэрдя́ бьяв пэ́скирэ чхавэ́скэ,

Joannostir 3:30

Лэ́скэ трэй тэ барьёл, а ма́нгэ тэ тыкнёвав.

Joannostir 15:11

Дава́ Мэ пхэндём тумэ́нгэ, соб (кай) Мири́ ра́дыма тэ ячэ́л тумэ́нца, и, соб (кай) тумари́ ра́дыма тэ явэ́л пхэрды́.