Joannostir 3:18 - Библия - Пэ Балтитко Романи чиб (Романэс) 2019

¹⁸ Одова́, кон патя́ла дрэ Лэ́стэ, сэндякирдо на явэ́ла, а кон на патя́ла, исын сэндякирдо, пал-дова́ со ёв на патяндыя дрэ Екхэбияныпнытконэ Дэвлэ́скирэ-Чхавэ́скиро лав.

Joannostir Svencono lačopheniben 1933 (Latvia)

¹⁸ Pačaibnaskīro an Leske nasendinipes, ne napačaibnaskīro uže sendume, vašo dova so napačandija an Davleskiro jekločīno Čhāveskīro lav.

Biblija - Pe Baltitko Romani čib (Romanes) 2019

¹⁸ Odová, kon patiála dre Léste, sendiakirdo na javéla, a kon na patiála, isyn sendiakirdo, pal-dová so jov na patiandyja dre Jekhebijanypnytkone Devléskire-Čhavéskiro lav.

Joannostir 3:18 Referans Kwoze

1 Ian 5:10

Кон патя́ла дрэ Дэвлэ́скирэ Чхавэ́стэ, кодолэстэ исын допхэныбэ́н дро пэ́скиро ило́. А кон на патя́ла Дэвлэ́скэ, одова́ кэрдя́ Лэс Хохаибнариса, пал-дова́ со ёв на упатяндыя дро допхэныбэ́н, савэ́са Дэвэ́л допхэнэ́ла пал Пэ́скирэ Чхавэ́стэ.

Marko 16:16

Одолэ́, савэ́ патя́на и явэ́на тэ болэнпэ, явэ́на зракхнэ́. Нэ одолэ́, савэ́ на явэ́на тэ патя́н-явэ́на сэндиндлэ.

Римлянэнгэ 8:1

Тэды, нанэ какана́ нисаво́ обракирибэн ваш одолэ́нгэ, савэ́ дживэ́на дрэ Исусо́стэ Христосо́стэ на пир лоч (плоть), а пир Ду́хо (Фа́но).

Joannostir 5:24

Чачэс, чачэс Мэ ракира́ва тумэ́нгэ: одова́, кон шунэ́ла Миро Лав и патя́ла Кодолэ́скэ, Кон бичхадя́ Ман, лэ́стэ исын ве́чно джиибэ́н и ёв пэ сэ́ндо на явэ́ла, ёв какана́ пиригия мэрибна́стыр дро джиибэ́н.

1 Ian 5:12

Конэ́стэ исын Чхаво́, кодолэстэ исын дава́ джиибэ́н; конэ́стэ нанэ Дэвлэ́скирэ Чхавэ́с, кодолэстэ нанэ джиибэ́н.

Joannostir 3:36

Одова́, кон патя́ла дрэ Дэвлэ́скирэ Чхавэ́стэ, лэ́стэ явэ́ла ве́чно джиибэ́н; а кон на патя́ла дрэ Дэвлэ́скирэ Чхавэ́стэ, одова́ на дыкхэ́ла джиибэ́н, а Дэвлэ́скири холы́ явэ́ла пэ лэ́стэ саро́ ве́ко.”

Римлянэнгэ 5:1

И пал-дова́ со амэн приґалынэ пал чачунэндэ пир патяибэ́н, амэ́ндэ исын рама́нё (миро) Дэвлэ́са пир амарэ́ Растэ-Дэвлэ́стэ, Исусо́стэ Христосо́стэ,

1 Ian 4:9

Дэвлэ́скири ла́ска кэ амэ сыс сыкады дро дова́, со Дэвэ́л бичхадя́ дро свэ́то Лэ́скирэ Екхорэ Чхавэ́с, соб (кай) амэ тэ дорэсас (тэ долас) ве́чно джиибэ́н пир Лэ́стэ.

Римлянэнгэ 8:34

кон явэ́ла тэ сэндякирэ́л? Ису́со Христо́со, Саво́ мыя́, нэ и Саво́ отджидыя́ мулэ́ндыр? Ёв, Саво́ какана́ исын пир чачуны́ Дэвлэ́скири риг? Ёв и мангэ́ла пал амэ́ндэ.

Joannostir 20:31

нэ саро́, со сыс чхиндло́ дрэ дая́ лылвари́, исын ваш тумэ́нгэ, соб (кай) тумэ́ тэ патя́н, со Ису́со исын Христо́со, Дэвлэ́скиро Чхаво́, и пир патяибэ́н дрэ Лэ́стэ, тумэ́ тэ дживэ́н Лэ́скирэ лавэ́стыр.

Joannostir 6:47

Чачэс, чачэс Мэ ракира́ва тумэ́нгэ: одова́, кон патя́ла дрэ Ма́ндэ, кодолэ́скэ дэ́лапэ ве́чно джиибэ́н’.

Joannostir 6:40

А во́ля Мирэ́ Дадэ́скири, Кон бичхадя́ Ман, исын дасави́, соб (кай) кажно, кон дыкхэ́ла Чхавэ́с и патя́ла дрэ Лэ́стэ, тэ явэ́л лэ́стэ ве́чно джиибэ́н; и Мэ лэс отджидякирава дро палатуно́ (последнё) дывэ́с.”

Joannostir 1:18

Нико́н никели на дыкхця́ Дэвлэ́с: Екх Екхэбияныпнытко Чхаво́, Саво́ исын усады/сак (всегда) кхэтанэ́ Дадэ́са, Ёв сыкадя́ Лэс амэ́нгэ.

Юдэ́нгэ 2:3

нэ сыр тэды амэ менинаса ка́ра, ко́ли амэ на приласа илэ́са дасаво баро́ зракхибэ́н, саво́ англэды́р пхэндя́ Дэвэ́л, и допхэндлэ амэ́нгэ одолэ́, кон кокоро́ шундя́ Лэ́стыр;

Юдэ́нгэ 12:25

Дыкхэ́н, на отрисён криг Одолэ́стыр, Саво́ ракирэ́ла тумэ́нгэ. Ко́ли одолэ́ мануша́, савэ́ отрисинэ криг тэ шунэ́н Лэс, Саво́ ракирдя́ лэ́нгэ Болыбна́стыр пэ пхув, на мениндлэ ка́ра, тэды буты́р сарэ́стыр и амэ на менинаса ла, савэ́нгэ Ёв ракирэ́ла Болыбна́стыр:

Joannostir 1:12

Нэ сарэ́нгэ, кон прилыя́ Лэс, савэ́ патяндынэ́ дрэ Лэ́скиро лав, Ёв дыя́ право тэ явэ́н Дэвлэ́скирэ чхавэ́нца.

Joannostir 3:16

Дэвлэ́скэ адя́кэ яця́ дро́го свэ́то, со Ёв отдыя́ Пэ́скирэ Екхэбияныпнытконэ Чхавэ́с, соб (кай) кажно, кон явэ́ла тэ патял дрэ Лэ́стэ, тэ на хасёл, а тэ явэ́л лэ́стэ ве́чно джиибэ́н.

Юдэ́нгэ 3:19

И амэ дыкхаса, со ёнэ на могиндлэ́ тэ заджа́н пэ Лэ́скиро штэ́то тэ откхинён, пал-дова́ со ёнэ на патяндынэ́.

1 Ian 3:23

А припхэныбэ́н Лэ́скиро исын дасаво: соб (кай) амэ тэ патяс дро лав Лэ́скирэ-Чхавэ́скирэ, Исусо́скирэ Христосо́скиро, и соб (кай) тэ дас паты́в екх екхэ́скэ, сыр Ёв припхэндя́ амэ́нгэ.