Joannostir 19:11 - Библия - Пэ Балтитко Романи чиб (Романэс) 2019

¹¹ Ису́со отпхэндя́. “Ту́тэ на явэ́лас пэ Ма́ндэ ни саво́ право, ко́ли (со) тэ на явэ́л ту́кэ дыно́ Дэвлэ́стыр. Пал-дова́ со барэды́р грэ́хо исын пэ одолэ́стэ, кон здыя Ман кэ ту.”

Joannostir Svencono lačopheniben 1933 (Latvia)

¹¹ Iisusos otphendža: tuke najālas pe Mange nisai moca, keļi tuke opraturestir najāl dīno; vašadava butir grehos pe doleske, kon pšedija Man tuke.

Biblija - Pe Baltitko Romani čib (Romanes) 2019

¹¹ Isúso otphendiá. “Túte na javélas pe Mánde ni savó pravo, kóli (so) te na javél túke dynó Devléstyr. Pal-dová so baredýr grého isyn pe odoléste, kon zdyja Man ke tu.”

Joannostir 19:11 Referans Kwoze

Римлянэнгэ 13:1

Кажно ману́ш исын банго́ (мусинэла) тэ кандэл тхэмэ́скирэ барыдырэ́н, пал-дова́ со нанэ дава́, соб (кай) тэ на явэ́н ёнэ Дэвлэ́стыр, и сарэ́н барыдырэ́н, савэ́ндэ исын право пэ манушэ́ндэ, чхудя́ Дэвэ́л.

Joannostir 3:27

Иа́но отпхэндя́ и пхэндя́ лэ́нгэ: “Ману́ш нашты́ нисо́ тэ кэрэ́л кокоро́ пэ́стыр, ко́ли на явэ́ла дыно́ лэ́скэ болыбна́стыр.

Apostolengiri Butý 2:23

Ису́со сыс отдыно́ дрэ тумарэ́ васта́ пэ мэ́ньки пир Дэвлэ́скиро задуминыбэн, и тумэ́ грэхитконэ́ вастэ́нца мулякирдэ́ Лэс и примардэ пэ трушу́л;

Дание́лё 4:17

[20] Кашт (дрэ́во), саво́ ту дыкхця́н, саво́ сыс баро́ и састо́ вучипна́са, и сыс кэ болыбэ́н и дыкхно сыс пэ сари́ пхув,

Apostolengiri Butý 3:13

Дэвэ́л Авраамо́скиро и Исако́скиро и Яково́скиро, Дэвэ́л амарэ́ дадэ́нгиро, прославиндя Пэ́скирэ Чхавэ́с Исусо́с, Савэс тумэ́ здынэ и Савэ́стыр отпхэндлэпэ анги́л Пилатостэ, ке́ли Пила́то отсэндиндя тэ отмэкэ́л Лэс пэ во́ля.

Joannostir 7:30

И ёнэ камлэ́ Лэс тэ ухтылэ́н, нэ нико́н на чиладя́ Лэс вастэ́са, пал-дова́ со Лэ́скиро часо на явдя́.

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

Дание́лё 4:25

[28] И саро́ дова́ кэрдя́пэ пэ крали́стэ Навуходоносоростэ.

Матфеё 6:13

И на домэк амэн кэ чорипэ́н; нэ зра́кх амэн налачхэстыр; пал-дова́ со исын Тыро́ Кралипэ́н и зор и сла́ва пэ ве́ки. Ами́нь.’

Jakov 4:17

И палдава́, кон джинэ́ла тэ кэрэ́л лачхипэ́н и на кэрэ́ла, одолэ́ манушэ́скэ явэ́ла грэ́хо.

Римлянэнгэ 11:36

Пал-дова́ со саро́ джа́ла Лэ́стыр и пир Лэ́стэ и ваш Лэ́скэ. Мэк тэ явэ́л сла́ва Лэ́скэ дрэ ве́ки! Ами́нь.

Apostolengiri Butý 4:28

Соб (кай) тэ сполнинэл дова́, тэ явэ́л пир Тыро́ васт и во́ля.

Матфеё 27:2

И, ке́ли пхандлэ Лэс, лыджинэ́ Лэс и здынэ Пилатоскэ, тхэмэ́скирэ барыдырэскирэскэ (правителёскэ).

Psalmy 62:11

На ри́скир ило́ тэ тасавэн манушэ́н, на пхутёв чорибнаса. Ко́ли розбарвалёса, усае́кх на отдэ́ пэ́скиро ило́ барвалыпнаскэ.

Marko 14:44

Здыибнари доракирдяпэ лэ́нца пал шпэ́ра (знако): “Кадава́, Конэ́с мэ чамудава, исын Ёв; закэдэн Лэс и лыджа́н тэл ракхибэн.”

Дание́лё 5:21

Тэ́ньци ёв сыс манушэ́нгирэ чхавэ́ндыр, и ило́ лэ́скиро кэрдя́пэ сыр рискирибна́скирэ мурдалэ́стэ, и сыс традыно криг ёв хрустытконэ ослэнца тэ дживэ́л. Лэс чарадэ чарьяса, сыр гурувэ́с, и маса́ лэ́скирэ сапанэ сыс болыбнытконэ пахлыняса (росаса), кэ/ жы́ко дова́, сыр ёв ґалыя́, со упрэдыр манушытконэ́ кралипнастыр исын хула́й Най Вучэдырэскиро Дэвэ́л и Ёв чхувэ́ла упрэ́, конэ́с Ёв выкэдэ́ла.

Дание́лё 4:32

[35] И сарэ́, кон дживэ́ла пэ пхув, ничи́ намол; пир Лэ́скири во́ля Ёв кэрэ́ла, со Лэ́скэ трэй, сыр дро болыбнытко халадыбэ́н, адя́кэ и пэ джидэнгирэндэ пэ пхув; нанэ нико́н, кон сашты́ тэ обрикирэл Лэ́скиро васт и тэ пхэнэ́л Лэ́скэ: “Ту со кэрдя́н?”

Joannostir 18:3

И, ґа́да, Юда лыя́ хевра халадэ́н и дынарье́н, раша́нгирэ барыдырэндыр и Фарисиендыр, и ёнэ явнэ́ одори́к захачкирдэ ягэнца, ягэнгирэнца и курталэнца.

Joannostir 9:41

Ису́со пхэндя́ лэ́нгэ: “Ко́ли тумэ́ тэ явэ́н, чачэс, корорэ́, тэды тумэ́нгэ на явэ́ла грэ́хо; нэ ко́ли тумэ́ ракирэ́на, со тумэ́ дыкхэ́на, тэды грэ́хо ячэ́лапэ пэ тумэ́ндэ.”

Luka 22:53

Ке́ли Мэ со́мас со дывэ́с тумэ́нца дрэ Кхангири́, тэды тумэ́ наґаздынэ васта́ пэ Ма́ндэ; а какана́ – тумаро́ мардо́ (шту́нда) явдя́ и налачхи зор лэ́ла тэ хулаинэ́л дро калыпэ́н (цямлыпэ́н).”

Roiben 3:37

Кон исын кадава́, кон пхэнэ́ла: ‘Дава́ кэрэ́лапэ адя́кэ, – мэк Рай-Дэвэ́л и на припхэндя́.

Матфеё 26:65

Тэды пэ́рво раша́й роскусця пэ́скирэ урибэна́, и пхэндя́: “Ёв тэлякирдя Дэвлэ́с. Сави́ амэ́нгэ ишчо (инкэ́) трэ́бима тэ допхэнэн? Тумэ́ шундлэ́ ж тэлякирибэн пэ Дэвлэ́стэ.

Psalmy 39:9

Зра́кх ман сарэ́ мирэ́ чорипна́стыр, на домэк, соб (кай) дылыно́ ману́ш тэ обракирэл ман.

1 Паралипоменоно 29:11

Тыро́, Раё Дэ́вла, райканыпэн, и зоралыпэ́н, и сла́ва, и збе́рдыма (побе́да), и саро́, со исын пэ болыбэ́н и пэ пхув, исын Тыро́; Тыро́, Дэ́вла, кралипэ́н, и Ту сан вучэды́р сарэ́стыр, сыр Баро́ Рай, Саво́ хулаинэла.

Joannostir 18:13

англэды́р ёнэ лыджинэ́ Лэс кэ Анна; ёв сыс Каиафаскэ састро, саво́ сыс пэ́рво раша́нгиро барыдыро́ дро дова́ бэрш.

Joannostir 19:10

Тэды Пила́то ракирэ́ла Лэ́скэ: “Ци на камэ́са Ту ма́нца тэ ракирэ́с? Ци на джинэ́са Ту, со ма́ндэ исын право тэ отмэкав Тут, и тэ примарэн Тут пэ трушу́л?”