Joannostir 19:10 - Библия - Пэ Балтитко Романи чиб (Романэс) 2019

¹⁰ Тэды Пила́то ракирэ́ла Лэ́скэ: “Ци на камэ́са Ту ма́нца тэ ракирэ́с? Ци на джинэ́са Ту, со ма́ндэ исын право тэ отмэкав Тут, и тэ примарэн Тут пэ трушу́л?”

Joannostir Svencono lačopheniben 1933 (Latvia)

¹⁰ Pilatos rakirla Leske: hobi mange naotphenesa? hobi nadžines, so mange isi moca mārav Tut ko trušul te isi mange moca otmukhav Tut?

Biblija - Pe Baltitko Romani čib (Romanes) 2019

¹⁰ Tedy Piláto rakiréla Léske: “Ci na kamésa Tu mánca te rakirés? Ci na džinésa Tu, so mánde isyn pravo te otmekav Tut, i te primaren Tut pe trušúl?”

Joannostir 19:10 Referans Kwoze

Joannostir 18:39

Тумэ́ндэ исын присыкляибэн, соб (кай) мэ тэ отмэкав екхэ бэшыбнарис тумэ́нгэ пэ Патради́; ци камэ́на тумэ́ тэ отмэкав Юдэ́нгирэ Крали́с тумэ́нгэ?”

Дание́лё 5:19

Анги́л райканыпэн, саво́ Ёв дыя́ лэ́скэ, сарэ́ манушы́тка на́цыи (народы), кхэри́тка ро́ды (пле́ми) и екхэ-чибакирэ ирья́ (чиба́/ чибья́) (языки) издрандынэ и дара́ндынэ лэ́стыр; кон сыс на трэй лэ́скэ, кодолэ́с ёв замарэлас, и кон сыс трэй лэ́скэ, ёв ячкирдя́ тэ дживэ́л; конэ́с выкэдыя́, то чхудя́ вучэ́с, конэ́с ёв выкэдыя́, одолэ́с чхудя́ тэлэ́.

Joannostir 19:9

и ёв нэвэ́стыр гия́ дро сэндарискиро кхэр, и пхэндя́ Исусо́скэ: “Каты́р Ту сан?” Нэ Ису́со нисо́ лэ́скэ на отпхэндя́.

Joannostir 19:11

Ису́со отпхэндя́. “Ту́тэ на явэ́лас пэ Ма́ндэ ни саво́ право, ко́ли (со) тэ на явэ́л ту́кэ дыно́ Дэвлэ́стыр. Пал-дова́ со барэды́р грэ́хо исын пэ одолэ́стэ, кон здыя Ман кэ ту.”