Joannostir 18:4 - Библия - Пэ Балтитко Романи чиб (Романэс) 2019

⁴ Ису́со джиндя́ саро́, со явэ́ла Лэ́са, выгия́ кэ ёнэ и пхуця́ лэ́ндыр: “Конэ́с тумэ́ родэ́на?”

Joannostir Svencono lačopheniben 1933 (Latvia)

⁴ Iisusos, sāro džinidoi so lensa jāla, vigija, te phendža lenge: kones tume rodena?

Biblija - Pe Baltitko Romani čib (Romanes) 2019

⁴ Isúso džindiá saró, so javéla Lésa, vygijá ke jone i phuciá léndyr: “Konés tumé rodéna?”

Joannostir 18:4 Referans Kwoze

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Joannostir 18:7

Нэвэ́стыр Ёв пхуця́ лэ́ндыр: “Конэ́с тумэ́ родэ́на?” Ёнэ пхэндлэ́: “Исусо́с Назареёс.”

Apostolengiri Butý 2:28

Ту дыя́н ма́нгэ джиибнытко дром; и мэ ява́ва тэ радынавпэ анги́л Ту́тэ.”

Psalmy 27:3

Ко́ли халадэ́ обджана трусця́л проти ма́ндэ, миро ило́ на страхадёла; ко́ли марибэ́н ґаздэ́лапэ пэ ма́ндэ, мэ усае́кх ява́ва тэ ужакирав лачхипэ́н Ра́стыр-Дэвлэ́стыр.

Joannostir 19:28

Ису́со джиндя́, со саро́ какана́ кэрдя́пэ, соб (кай) тэ кэрэ́лпэ саро́ пир Свэ́нто Чхиныбэ́н, и пхэндя́ Ёв: “Мэ кама́м тэ пья́в.”

Joannostir 13:11

Пал-дова́ со Ёв джиндя́ Пэ́скирэс здыибнарис, палдава́ адя́кэ и пхэндя́, со на сарэ́ ёнэ сыс жужэ́.

Joannostir 6:64

Нэ исын машки́р тумэ́ндэ и адасавэ́, савэ́ на патя́на.” Пал-дова́ со Ису́со джиндя́ англэды́р, кон дрэ Лэ́стэ на патя́ла и кон бикнэла Лэс.

Luka 24:44

И пхэндя́ Ёв лэ́нгэ: “Ѓа́да, исын долэ́ лава́, савэ́ Мэ пхэндём тумэ́нгэ, пака Мэ ишчо (инкэ́) со́мас тумэ́нца: со саро́, со исын чхиндло́ дро Мойза́скиро Зако́но и дрэ пророкэ́нгирэ зачхиныбэна и дрэ псалмы пал Ма́ндэ, трэй тэ сполнинэ́лпэ (тэ кэрэ́лпэ кэ ко́нцо/яго́ро).”

Матфеё 26:31

Тэ́ньци ракирэ́ла лэ́нгэ Ису́со: “Сарэ́ тумэ́ Ман мэкэ́на дрэ дая́ рат. Пал-дова́ со исын чхиндло́: ‘Мэ хасякира́ва Чхупнарис и роспрастанапэ бакрэ́;’

Матфеё 26:21

И ке́ли ёнэ ханас, Ёв пхэндя́: “Чачэс, Мэ ракира́ва тумэ́нгэ: Екх тумэ́ндыр здэла Ман.”

Матфеё 26:2

“Тумэ́ джинэ́на, со явэ́ла Патради́ пир дуй дывэса́ и Чхаво́ Манушэ́скиро явэ́ла здыно пэ примарибэн пэ трушу́л.”

Матфеё 16:21

Долэ́ часостыр лыя́ Ису́со тэ ракирэ́л яснэс Лэ́скирэ сыкляибнытконэ́нгэ, со Лэ́скэ трэй тэ джал дро Ерусалимо и бут мэ́ньки тэ пиридживэл годэпхурэндыр и рашангирэндыр и лылваритконэндыр, и явэ́ла Ёв замардо, и пэ три́то дывэ́с Ёв отджидёла.

Pritčy 28:1

Фуй ману́ш нашэла криг, ке́ли нико́н на традэлапэ пал лэ́стэ, нэ чачуно́ ману́ш исын муршкано́ сыр шчэр (ле́во).

Psalmy 3:6

Мэ пасиём и со́мас суто́: мэ уштыём, пал-дова́ со Рай Дэвэ́л подрикирэ́ла ман.

Ниеми́я 6:11

Нэ мэ пхэндём: “Сашты́ (могинэ́ла) тэ нашэ́л адасаво́ ману́ш, сыр мэ сом?” Сашты́ адасаво́ тэ явэ́л, со, сыр дасаво сыр мэ сом, тэ джал андрэ́ Кхангири́ (Свэнто-свэнтонэнгиро), соб (кай) тэ ячэ́л джидэса? На джа́ва.”

3 Kralip 18:10

“Тэ, дживэ́л пэ ве́ки Рай Дэвэ́л, тыро́ Дэвэ́л! Нанэ ни екх народо, и ни екх кралипэ́н, карик бичхавэлас ман рай миро тэ родэ́л тут: и, ке́ли лэ́скэ ракирдэ́, со нанэ тут, то ёв лэлас совла́х долэ́ кралипнастыр и родо́стыр, соб (кай) тэ на дэн ра́да тэ латхэ́н тут.

1 Petr 4:1

И палдава́, сыр Христо́со пирилыджалас пхарипэ́н дрэ лоч, адя́кэ-паць и тумэ́нгэ приявэлапэ тэ лыджа́н пхарипэ́н; пал-дова́ со кон злыджала пхарипэ́н лочаса, одова́ ману́ш мэкэ́ла тэ кэрэ́л грэ́хи,

Joannostir 18:5

Лэ́скэ отпхэндлэ́: “Исусо́с Назареёс.” Ису́со пхэндя́ лэ́нгэ: “Ѓа́да, сом Мэ.” О Юда, Лэ́скиро здыибнари, сыс тэрдо́ кхэтанэ́ лэ́нца.