Joannostir 17:8 - Библия - Пэ Балтитко Романи чиб (Романэс) 2019

⁸ пал-дова́ со лав, саво́ Ту Ма́нгэ дыя́н, Мэ дыём лэ́нгэ, и ёнэ прилынэ́ лэс и чачунэ́с ґалынэ́, со Мэ явдём Ту́тыр, и ёнэ патя́на, со Ту бичхадян Ман.

Joannostir Svencono lačopheniben 1933 (Latvia)

⁸ Hai lava, saje Tu dijan Mange, Me pšedijom lenge: te jone dolīne, te halīne lašņes. so Me vigijom Tutir, te pačandīne, so Tu bičadžan Man.

Biblija - Pe Baltitko Romani čib (Romanes) 2019

⁸ pal-dová so lav, savó Tu Mánge dyján, Me dyjom lénge, i jone prilyné les i čačunés ĥalyné, so Me javdjom Tútyr, i jone patiána, so Tu bičhadian Man.

Joannostir 17:8 Referans Kwoze

Joannostir 17:14

Мэ пиридыём лав Тыро́ лэ́нгэ, и свэтоскэ сыс древа́н на пир ило́, пал-дава́ со ёнэ нанэ далэ́ свэто́стыр, сыр и Мэ на сом далэ́ свэто́стыр.

Joannostir 15:15

Мэ какана́ на кхара́ва тумэн дынарье́нца, пал-дова́ со дына́ри на джинэ́ла, со кэрэ́ла лэ́скиро хула́й; нэ Мэ кхара́ва тумэн Пэ́скирэ другэнца (малэнца), пал-дова́ со Мэ пхэндём тумэ́нгэ саро́, со шундём Мирэ́ Дадэ́стыр.

Joannostir 16:30

Какана́ амэ дыкхаса, со Ту саро́ джинэ́са англэды́р, и на трэй, соб (кай) вари-кон тэ пхучэл Ту́тыр; палдава́ амэ патя́са, со Ту явдя́н Дэвлэ́стыр.”

Joannostir 16:27

пал-дова́ со Кокорэскэ Дадэ́скэ тумэ́ сан дро́га, пал тумари́ ла́ска кэ Мэ и пал патяибэ́н, со Мэ явдём Дэвлэ́стыр.

1 Фесалоникийцэнгэ 2:13

Палдава́ и амэ адя́кэ-паць ўса́ды (сак) парикираса Дэвлэ́скэ, со тумэ́ прилынэ́ Дэвлэ́скиро лав, саво́ амэ роспэндям, тумэ́ прилынэ́ лэс на сы́рбы манушэ́нгиро лав, нэ сыр Дэвлэ́скиро лав, пир чачипэ́н, саво́ кэрэ́ла буты́ дрэ тумэ́ндэ патяибнаскирэндэ.

1 Ian 4:14

И амэ дыкхцям и сам якхи́тка (якхалэ), со Дад бичхадя́ Чхавэ́с тэ зракхэ́л свэ́то.

Joannostir 17:21

соб (кай) ёнэ тэ явэ́н сарэ́ сыр екх, сыр Ту, Да́до, сан дрэ Ма́ндэ, и Мэ сом дрэ Ту́тэ, адя́кэ-паць Мэ и ёнэ тэ явэ́н дрэ Амэ́ндэ, мэк тэ упатял свэ́то, со Ту бичхадян Ман.

Joannostir 8:42

Ису́со пхэндя́ лэ́нгэ: “Ко́ли Дэвэ́л тэ явэ́л тумаро́ Дад, тэды тумэ́нгэ явавас бы дро́го Мэ, пал-дова́ со Мэ и явдём Дэвлэ́стыр и Мэ явдём на Кокоро́ Пэ́стыр, нэ Ёв Ман бичхадя́.

Joannostir 14:10

Ци ту на патя́са, со Мэ сом дрэ Дадэ́стэ и Дад исын дрэ Ма́ндэ? Лава́, савэ́ Мэ ракира́ва тумэ́нгэ, Мэ ракира́ва на Пэ́стыр; адава́ Дад, Саво́ исын дрэ Ма́ндэ, Ёв кэрэ́ла Пэ́скирэ рэ́нды.

Joannostir 12:49

Пал-дова́ со Мэ на Кокоро́ Пэ́стыр ракирдём, а Миро Дад, Кон бичхадя́ Ман, Ёв дыя́ припхэныбэ́н Ма́нгэ, со тэ ракира́в и сыр;

Joannostir 6:68

Си́моно Пэ́три Лэ́скэ отпхэндя́: “Раё Дэ́вла! Кэ кон амэ́нгэ тэ джас? Ту́тэ исын лава́, савэ́ дэ́на ве́чно джиибэ́н.

Pritčy 1:3

соб (кай) тумэ́ тэ дорэсэн (тэ ґалён) годыпэ́н, чачипэ́н, чачипнытко отлыджаибэн и чачуно́ сэ́ндо.

1 Фесалоникийцэнгэ 4:1

Пшала́лэ, какана́ амэ мангаса и примангаса тумэн ваш Исусо́скэ Христосо́скэ, со дова́, со какана́ тумэ́ высыклынэ амэ́ндыр, сыр трэй тэ дживэ́н и тэ кэрэ́н пир чачипэ́н Дэвлэ́скэ, соб (кай) адя́кэ и дурэды́р тэ дживэ́н.

1 Коринфянэнгэ 15:1

Нэ тумэ́ рипирэ́н, пшала́лэ, бахталы́ зан (звесь), сави́ мэ роспхэндём тумэ́нгэ, сави́ тумэ́ адя́кэ-паць прилынэ́, пэ сави́ тумаро́ патяибэ́н адя́кэ-паць рикирлапэ;

Joannostir 17:23

Мэ сом дрэ лэ́ндэ, и Ту сан дрэ Ма́ндэ; мэк ёнэ тэ явэ́н скэдынэ́ дро екх, и мэк свэ́то тэ джинэ́л, со Ту бичхадян Ман, и со Ту́кэ ёнэ исын дро́га, адя́кэ-паць, сыр и ёнэ ячнэ́ дро́га Ма́нгэ.

Joannostir 17:18

Сыр Ту бичхадян Ман дрэ свэ́то, адя́кэ-паць и Мэ бичхадём лэн дро дава́ свэ́то.

Матфеё 13:11

И Ёв отпхэнэ́лас лэ́нгэ: “Тумэ́нгэ исын дыно́ тэ джинэ́н гарадо́ чачипэ́н пал Кралипэ́н дро Болыбна́скиро Раё, а лэ́нгэ на дыно́;

Pritčy 8:10

Шунэ́н, со мэ сыклякирава, саво́ ваш тумэ́нгэ исын фэды́р рупэ́стыр, и выкэдэно джиныбэ́н ваш тумэ́нгэ исын дрогэдыр чикадэ сувнака́стыр.

1 Коринфянэнгэ 11:23

Пал-дова́ со мэ Кокорэстыр Ра́стыр-Дэвлэ́стыр прилыём дова́ сыклякирибэ́н, саво́ мэ пиридава тумэ́нгэ, со Рай Дэвэ́л дрэ кодоя рат, ке́ли Ёв сыс здыно, лыя́ маро́,

Joannostir 3:33

Нэ кон приґалёла Лэ́скиро допхэныбэ́н, одова́ допхэнэ́ла, со Дэвэ́л исын чачуно́.

Joannostir 3:17

Дэвэ́л на бичхадя́ Пэ́скирэ Чхавэ́с дро свэ́то, соб (кай) тэ сэндякирэ́л свэ́то, а соб (кай) пир Лэ́стэ свэ́то тэ явэ́л зракхно.

Pritčy 1:23

Рисён мо́са кэ мэ, ке́ли мэ бангякирава холямэс тумэн: акэ, мэ выпхурдава миро ду́хо (фа́но) пэ тумэ́ндэ, мэ кэра́ва адя́кэ, соб (кай) тумэ́ тэ джинэ́н мирэ́ лава́.

Pritčy 4:10

Шун, миро чхаво́, прилэ́ мирэ́ лава́, и ту явэ́са тэ дживэ́с бут бэрш.

Pritčy 2:1

Ми́ро чхава! Ко́ли ту прилэса мирэ́ лава́, и гаравэса (зракхэ́са) миштэ́с мирэ́ припхэныбэна́ андрэ́ пэ́стэ;

Яви́р Зако́но 18:18

Мэ да́ва лэ́нгэ Пророко́с лэ́нгирэ пшалэ́ндыр, адасавэс сыр ту, и чхува́ва лава́ Мирэ́ дрэ Лэ́скирэ ушта́, и Ёв явэ́ла тэ ракирэ́л лэ́нгэ саро́, со Мэ пхэна́ва Лэ́скэ;

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Sykadyipén 1:1

Сыкадыипэ́н (об΄явлениё) Исусо́стыр Христосостыр, Саво́ Дэвэ́л дыя́ Лэ́скэ тэ сыкавэ́л Пэ́скирэ писхарье́нгэ (рабэ́нгэ), со трэй сыг тэ явэ́л. И Христо́со пхэндя́ зорья́са дава́, ке́ли Ёв бичхадя́ Пэ́скирэ Янголо́с кэ Пэ́скиро писха́ри Иа́но (Иоано),