Joannostir 17:25 - Библия - Пэ Балтитко Романи чиб (Романэс) 2019

²⁵ Чачуно́ Миро Да́до! И свэ́то на уджиндя́ Тут: а Мэ уджиндём Тут, и ёнэ уджиндлэ́, со Ту бичхадян Ман;

Joannostir Svencono lačopheniben 1933 (Latvia)

²⁵ Čačuno Dād! svetos Tut nadodžindža; ne Me dodžindžom Tut, te dala dodžindle — so Tu Man bičadžan.

Biblija - Pe Baltitko Romani čib (Romanes) 2019

²⁵ Čačunó Miro Dádo! I svéto na udžindiá Tut: a Me udžindjom Tut, i jone udžindlé, so Tu bičhadian Man;

Joannostir 17:25 Referans Kwoze

Joannostir 17:11

Мэ на сом буты́р дро свэ́то, а ёнэ исын дро свэ́то. Мэ джа́ва кэ Ту, нэ ёнэ ячэ́напэ дро свэ́то. Свэ́нто Да́до! Зра́кх лэн Тырэ́ лавэ́са, одолэ́н, савэ́н Ту дыя́н Ма́нгэ, соб (кай) ёнэ тэ явэ́н пал екх, сыр и Амэ сам Ту́са.

Joannostir 17:8

пал-дова́ со лав, саво́ Ту Ма́нгэ дыя́н, Мэ дыём лэ́нгэ, и ёнэ прилынэ́ лэс и чачунэ́с ґалынэ́, со Мэ явдём Ту́тыр, и ёнэ патя́на, со Ту бичхадян Ман.

Joannostir 15:21

Нэ саро́ дава́ ёнэ явэ́на тэ кэрэ́н тумэ́нгэ пал Миро лав, пал-дова́ со ёнэ на джинэ́на Одолэ́с, Кон бичхадя́ Ман.

Joannostir 7:29

Нэ Мэ джино́м Лэс, пал-дова́ со Мэ явдём Лэ́стыр, и Ёв бичхадя́ Ман.”

Joannostir 16:27

пал-дова́ со Кокорэскэ Дадэ́скэ тумэ́ сан дро́га, пал тумари́ ла́ска кэ Мэ и пал патяибэ́н, со Мэ явдём Дэвлэ́стыр.

Юдэ́нгэ 8:11

И нико́н на явэ́ла буты́р тэ сыклякирэ́л явирэ́с и пшал на явэ́ла тэ сыклякирэ́л пшалэ́с и тэ ракирэ́л лэ́скэ: “Уджин Дэвлэ́с”, пал-дова́ со сарэ́ мануша́ тыкнэндыр кэ барэ́, явэ́на тэ джинэ́н Ман.

2 Коринфянэнгэ 4:4

пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).

Joannostir 10:15

И сыр Ман Дад джинэ́ла, адя́кэ и Мэ джино́м (джина́в) Дадэ́с, и Мэ отда́ва пэ́скиро джиибэ́н пал бакрэндэ.

Joannostir 8:55

Тумэ́ на джиндлэ́ Лэс, нэ Мэ джино́м (джина́в) Лэс; и ко́ли Мэ пхэна́ва, со на джино́м Лэс, тэды Мэ ява́ва адасаво́-паць хохаибнари, сыр и тумэ́ сан. Нэ Мэ джино́м Лэс и Мэ ракхава Лэ́скиро лав.

Luka 10:22

Миро Дад пиридыя Ма́нгэ сарэ́ далэ́ кэрибэна; и кон исын Чхаво́, ние́кх на джинэ́ла, екх Дад, и кон исын Дад, ние́кх на джинэ́ла, екх Чхаво́, и одолэ́, конэ́скэ Чхаво́ камэ́ла тэ роспхэнэл.”

Sykadyipén 13:8

И сарэ́, кон дживэ́ла пэ пхув, явэ́на тэ клонинэнпэ патыва́са далэ́ рискирибна́скирэ мурдалэскэ, кон исын на зачхиндло́ дрэ джиибна́скири лылвари́, сави́ исын Свэнтонэ́ Бакрорэстэ, Саво́ сыс мулякирдо свэто́скирэ англыпна́стыр.

1 Ian 1:9

Ко́ли амэ приґалёваса амарэ́ грэ́хи анги́л Дэвлэ́стэ, тэды Ёв выжужакирэ́ла амаро́ начачипэ́н, пал-дова́ со Ёв исын патяибны́тко, и чачуно́.

2 Фесалоникийцэнгэ 1:8

яга́са, сави́ явэ́ла тэ хачол, Ёв отдэ́ла палэ сэндоса одолэ́ манушэ́нгэ, савэ́ на прилынэ́ Дэвлэ́с и на кандынэ́ амарэ́ Ра́скирэ-Дэвлэ́скири, Исусо́скирэ Христососкири бахталы́ зан (звесь);

1 Коринфянэнгэ 15:34

Лэнпэ пал годы́, сыр исын трэй и на кэрэ́н грэ́хи; мэ пхэна́ва тэ ладжакирав тумэн, со вари-савэ́ тумэ́ндыр на джинэ́на Дэвлэ́с.

1 Коринфянэнгэ 1:21

Палдава́ Дэвэ́л пир Пэ́скиро годыпэ́н кэрдя́ адя́кэ, соб (кай) мануша́ тэ на ґалён Дэвлэ́с пэ́скирэ годя́са би патяибнаскиро; Дэвлэ́скэ сыс лачхо́ тэ зракхэ́л одолэ́н, савэ́ патя́на, пир пхэныбнытко лав, саво́ исын сы́рбы дылныпэ́н.

Римлянэнгэ 3:26

пэ́скирэ ґаратунэ́ (длугонэ) вырикирибнаса саро́ дава́ часо, соб (кай) Ёв какана́ тэ сыкавэ́л пэ́скиро чачипэ́н, и со Ёв кокоро́ исын чачуно́, и приджинэла чачунэнца сарэ́н, кон патя́ла дрэ Исусо́стэ.

Римлянэнгэ 3:11

нанэ нико́н, соб (кай) тэ ґалёл и тэ родэ́л Дэвлэ́с.

Римлянэнгэ 1:28

И пал-дова́, сыр ёнэ на камлэ́ тэ джинэ́н пал Дэвлэ́стэ, тэды Дэвэ́л и мэкця́ лэн, соб (кай) ёнэ тэ кэрэ́н пир налачхи годы́, нэ со лэ́нгэ камэлапэ;

Apostolengiri Butý 26:18

тэ отчхакирэс лэ́нгирэ якха́, соб (кай) ёнэ тэ рисён калыпна́стыр кэ дуд и налачхэскирэ зорья́тыр кэ Дэвэ́л, соб (кай) тэ явэ́н отмэкнэ грэ́хи лэ́нгирэ, и соб (кай) ёнэ адя́кэ-паць тэ явэ́н машки́р одолэ́ндэ, конэ́с Мэ кэрдём свэнтонэнца пир лэ́нгиро патяибэ́н дрэ Ма́ндэ.”

Apostolengiri Butý 17:23

ке́ли мэ псирдём и дыкхцём тумарэ́ свэ́нта штэ́ты, мэ латхём алта́рё, пэ саво́ сыс чхиндло́: “Наджиндлэ Дэвлэ́скэ.” Пал Адалэстэ, Савэс тумэ́ на джины́, приґалёна, мэ и кама́м тумэ́нгэ тэ роспхэнав.

Joannostir 17:23

Мэ сом дрэ лэ́ндэ, и Ту сан дрэ Ма́ндэ; мэк ёнэ тэ явэ́н скэдынэ́ дро екх, и мэк свэ́то тэ джинэ́л, со Ту бичхадян Ман, и со Ту́кэ ёнэ исын дро́га, адя́кэ-паць, сыр и ёнэ ячнэ́ дро́га Ма́нгэ.

Joannostir 17:21

соб (кай) ёнэ тэ явэ́н сарэ́ сыр екх, сыр Ту, Да́до, сан дрэ Ма́ндэ, и Мэ сом дрэ Ту́тэ, адя́кэ-паць Мэ и ёнэ тэ явэ́н дрэ Амэ́ндэ, мэк тэ упатял свэ́то, со Ту бичхадян Ман.

Joannostir 17:18

Сыр Ту бичхадян Ман дрэ свэ́то, адя́кэ-паць и Мэ бичхадём лэн дро дава́ свэ́то.

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Joannostir 16:30

Какана́ амэ дыкхаса, со Ту саро́ джинэ́са англэды́р, и на трэй, соб (кай) вари-кон тэ пхучэл Ту́тыр; палдава́ амэ патя́са, со Ту явдя́н Дэвлэ́стыр.”

Joannostir 16:3

Ёнэ явэ́на тэ кэрэ́н адя́кэ, пал-дова́ со адалэ́ мануша́ на джиндлэ́ ни Дадэ́с, ни Ман.

Joannostir 8:19

Тэды пхучнэ́ ёнэ: “Кай исын Тыро́ Дад?” Ису́со отпхэндя́: “Тумэ́ на джинэ́на ни Ман, ни Мирэ́ Дадэ́с; ко́ли тумэ́ тэ джинэ́н Ман, тэды тумэ́ и джинэнас Мирэ́ Дадэ́с.”

Joannostir 6:19

Ке́ли ёнэ отплывиндлэ (дынэ пли́ма дурэдыр) пэ трин ци штар вэрсты, тэды ёнэ дыкхнэ́, со Ису́со джа́лас пир мо́рё (дэрья́в) кэ ба́рка, и ёнэ страха́дынэ.

Joannostir 3:17

Дэвэ́л на бичхадя́ Пэ́скирэ Чхавэ́с дро свэ́то, соб (кай) тэ сэндякирэ́л свэ́то, а соб (кай) пир Лэ́стэ свэ́то тэ явэ́л зракхно.

Joannostir 1:18

Нико́н никели на дыкхця́ Дэвлэ́с: Екх Екхэбияныпнытко Чхаво́, Саво́ исын усады/сак (всегда) кхэтанэ́ Дадэ́са, Ёв сыкадя́ Лэс амэ́нгэ.

Матфеё 16:16

И Си́моно Пэ́три отпхэндя́ и пхэндя́: “Ту сан Христо́со, Чхаво́ Джидэ́ Дэвлэ́скиро, Саво́ дживэ́ла ве́чнэс”

Матфеё 11:27

Саро́ джиныбэ́н пал Пэ́стэ Дад Миро дыя́ Ма́нгэ, и нико́н сарэ́са на джинэ́ла Чхавэ́с апри́ч Дадэ́стэ и нико́н на джинэ́ла Дадэ́с апри́ч Чхавэ́стэ, и Ёв выкэдэ́ла одолэ́с, конэ́скэ Чхаво́ камэ́ла тэ откэрэл Дадэ́с.

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Sykadyipén 16:5

И мэ шундём Янголо́с, саво́ рикирдя зор пэ пани́, пхэни́: “Чачуно́ сан Ту, Саво́ сан и Саво́ са́нас, Свэ́нто сан Ту, со Ту сэндякирэса адя́кэ”,