Joannostir 17:22 - Библия - Пэ Балтитко Романи чиб (Романэс) 2019

²² И бари паты́в, сави́ Ту дыя́н Ма́нгэ, Мэ дыём лэ́нгэ: мэк тэ явэ́н ёнэ пал екх, сыр Амэ сам Ту́са екх.

Joannostir Svencono lačopheniben 1933 (Latvia)

²² Te slava, saji Tu dijan Mange. Me dijom lenge: mejān jek sir Me isam jek.

Biblija - Pe Baltitko Romani čib (Romanes) 2019

²² I bari patýv, saví Tu dyján Mánge, Me dyjom lénge: mek te javén jone pal jekh, syr Ame sam Túsa jekh.

Joannostir 17:22 Referans Kwoze

2 Коринфянэнгэ 3:18

Нэ амэ сарэ́ откэрдэ муе́нца сы́рбы дро гиндало (зеркало) пиридаса Ра́скирэ-Дэвлэ́скири сла́ва и парудёва́са дрэ Лэ́скири патри́н (о́бразо) екхэ́ слава́тыр дро яви́р пир Ду́хо (Фа́но), Саво́ джа́ла Ра́скирэ-Дэвлэ́скирэ, Духо́стыр.

Joannostir 14:20

Дрэ дова́ дывэ́с тумэ́ явэ́на тэ джинэ́н, со Мэ сом дрэ Мирэ́ Дадэ́стэ, и тумэ́ сан дрэ Ма́ндэ, и Мэ сом дрэ тумэ́ндэ.

Joannostir 1:16

Лэ́стэ саро́ сыс пхэрдо́ и пир Лэ́скиро пхэрдыпэн амэ сарэ́ дорэсцям екх бахталыпэ́н пал екх.

Эфесянэнгэ 2:20

савэ́н чхудэ́ пэ Апостолэнгиро и пророкэнгиро сыклякирибэ́н, и савэ́ндэ Кокоро́ Ису́со Христо́со исын вэнглытко бар ваш дава́ фунда́менто,

1 Ian 3:24

И кон ракхэ́ла Лэ́скирэ припхэныбэна́, одова́ дживэ́ла дро екхипэ́н Лэ́са, и Дэвэ́л исын дро екхипэ́н Лэ́са. И дова́, со Дэвэ́л дживэ́ла дро екхипэ́н Лэ́са, амэ уджинаса пир Ду́хо (Фа́но), Саво́ Ёв дыя́ амэ́нгэ.

2 Коринфянэнгэ 6:1

Сыр амэ кэра́са буты́ кхэтанэ́ Дэвлэ́са, амэ манга́са тумэн тэ на бистрэн пал Дэвлэ́скиро бахталыпэ́н, со тумэ́ прилынэ́ лэс на ивья́ (на напра́снэс):

2 Коринфянэнгэ 5:20

И амэ сам бичхадэ́ мануша́ Христосостыр сы́рбы Дэвэ́л ракирэ́ла Лэ́скиро лав пир амэ́ндэ, и амэ мангаса ваш Христосо́стэ: ячэ́нпэ рахмана (явэ́н кхэтанэ́) Дэвлэ́са.

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

Marko 6:7

Ёв кхардя́ кхэтанэ́ Дэшудуен сыкляибнытконэ́н и бичхадя́ лэн пир дуендэ; дыи лэ́нгэ зор тэ традэ́н яври́ налачхэ́ ду́хи;

1 Ian 1:3

акэ, дова́-паць, со амэ дыкхцям и шундя́м, и пхэна́са тумэ́нгэ, соб (кай) тумэ́ндэ тэ явэ́н кхэтаныпэн амэ́нца, а амаро́ кхэтаныпэн исын Дадэ́са, и Лэ́скирэ чхавэ́са, Исусо́са Христосо́са.

Apostolengiri Butý 5:41

Палдава́ Апо́столы гинэ́ Синедрионостыр радыма́са, пал-дова́ со лэ́нгэ приявдяпэ тэ пирилыджан дасаво ладжаипэ́н ваш Дэвлэ́скирэ-Исусо́скиро лав.

Joannostir 17:24

Да́до! Савэ́н Ту дыя́н Ма́нгэ, ёнэ ячнэ́ дро́га Ма́нгэ, соб (кай) ёнэ тэ явэ́н одо́й кхэтанэ́ Ма́нца, кай и Мэ; мэк ёнэ тэ дыкхэ́н Мири́ бари паты́в, сави́ Ту дыя́н Ма́нгэ, пал-дова́ со Ту́кэ Мэ яцём дро́го анги́л, сыр свэ́то сыс создыно́.

Luka 22:30

соб (кай) тумэ́ тэ хан и тэ пьен пал сками́нд дро Миро Кралипэ́н, и тэ бэшэ́н пэ троны тэ сэндинэ́н дэшуду́й Израилёскирэ ро́ды.”

Sykadyipén 21:14

Форо́скиро ты́но рикирдяпэ пэ дэшуду́й тэлатунэ́ бара́, пэ савэ́ сыс дэшуду́й лава́ Свэнтонэ́-Бакрорэ́скирэ Апостолэ́ндыр.

Колосянэнгэ 1:24

Какана́ мэ радынавапэ дрэ мирэ́ мэ́ньки пал тумэ́ндэ, ко́ли Христосо́скирэ мэ́ньки на ухтылдэ́ ма́нгэ, тэды лэн мэ дочхувава мирэ́ лочаса ваш Лэ́скирэ мэ́ньки Лэ́скирэ Масэнгэ, Савэ исын Кхангири́.

Filipiicenge 1:29

пал-дова́ со тумэ́нгэ сыс дыно́ ваш Христосо́скэ на со тэ патя́н дрэ Лэ́стэ, нэ и тэ пиридживэн мэ́ньки пал Лэ́стэ,

Римлянэнгэ 8:30

А конэ́с Дэвэ́л освэнцындя англэды́р, одолэ́н Ёв и кхардя́, нэ конэ́с Ёв кхардя́, одолэ́н и приджиндя пал чачунэндэ, и барьякирдя.

1 Ian 4:17

Пир дава́ екхипэ́н Дэвлэ́са пшалы́тко паты́в ячэ́лапэ пхэрдо́ дрэ амэ́ндэ, соб (кай) амэ́ндэ тэ явэ́л муршыпэн дро дывэ́с, ке́ли явэ́ла сэ́ндо, пал-дова́ со амэ дживаса дро дава́ свэ́то адя́кэ, сыр Христо́со дживдя́.