Joannostir 17:11 - Библия - Пэ Балтитко Романи чиб (Романэс) 2019

¹¹ Мэ на сом буты́р дро свэ́то, а ёнэ исын дро свэ́то. Мэ джа́ва кэ Ту, нэ ёнэ ячэ́напэ дро свэ́то. Свэ́нто Да́до! Зра́кх лэн Тырэ́ лавэ́са, одолэ́н, савэ́н Ту дыя́н Ма́нгэ, соб (кай) ёнэ тэ явэ́н пал екх, сыр и Амэ сам Ту́са.

Joannostir Svencono lačopheniben 1933 (Latvia)

¹¹ Me uže naisom ano svetos, ne jone ano svetos, Me džava ke Tu. Svencono Dād! uzrikir len an Tīro lav, dolen, sajen Tu Mange dijan, sobi jone mejān jek, sir Me.

Biblija - Pe Baltitko Romani čib (Romanes) 2019

¹¹ Me na som butýr dro svéto, a jone isyn dro svéto. Me džáva ke Tu, ne jone jačénape dro svéto. Svénto Dádo! Zrákh len Tyré lavésa, odolén, savén Tu dyján Mánge, sob (kaj) jone te javén pal jekh, syr i Ame sam Túsa.

Joannostir 17:11 Referans Kwoze

Матфеё 6:9

Мангэ́нпэ жэ адя́кэ: ‘Дад амаро́ Болыбна́скиро, Саво́ исын дро Болыбна́скиро Раё! Мэк тэ славинэлпэ Тыро́ лав;

Pritčy 18:10

Ра́скирэ-Дэвлэ́скирэ лав исын сыр зоралы́ вучарды́ (башня), чачуно́ ману́ш нашэла дрэ ла́тэ, и тэ́ньчи ёв исын бидаракиро.

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

Эфесянэнгэ 4:4

Исын екх маса́ и екх Ду́хо (Фа́но), сыр исын и екх наде́я, кэ сави́ Дэвэ́л кхардя́ тумэн;

Filipiicenge 2:9

Палдава́ адя́кэ-паць и Дэвэ́л ґаздыя́ Лэс и дыя́ Лэ́скэ лав вучэды́р сарэ́ лавэ́ндыр,

Joannostir 17:25

Чачуно́ Миро Да́до! И свэ́то на уджиндя́ Тут: а Мэ уджиндём Тут, и ёнэ уджиндлэ́, со Ту бичхадян Ман;

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Юдэ́нгэ 1:3

а Чхаво́, Саво́ зяинэла Дадэ́скирэ слава́са, сыкавэ́ла Пэ́са чачипэ́н пал Дэвлэ́стэ, и рикирэ́ла Пэ́скирэ зоралэ́ лавэ́са саро́ свэ́то, и ке́ли Ёв выжужакирдя́ сарэ́ амарэ́ грэ́хи, тэды бэсця́ пир чачи́ риг Дэвлэ́скирэ Барипнастыр дро Болыбна́скиро Раё.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Joannostir 14:20

Дрэ дова́ дывэ́с тумэ́ явэ́на тэ джинэ́н, со Мэ сом дрэ Мирэ́ Дадэ́стэ, и тумэ́ сан дрэ Ма́ндэ, и Мэ сом дрэ тумэ́ндэ.

Juda 1:1

Юдастыр, Исусо́скирэ Христосо́скирэ писхаристыр, Яково́скирэ пшалэстыр, манушэ́нгэ, савэ́ ячнэ́ дро́га Дэвлэ́скэ Дадэ́скэ, и савэ́н Ёв прикхардя, и савэ́н зракхця́ Ису́со Христо́со:

1 Ian 5:19

Амэ джина́са, со амэ сам Дэвлэ́скирэ, и со саро́ свэ́то исын тэл налачхэскири зор.

Jakov 4:4

Напатяибнытка мурша́ и джувля́! Ци на джинэ́на тумэ́, со малыпэн (дружба) грэхитконэ́ манушэ́нца свэто́стыр исын проти Дэвлэ́стэ? И адя́кэ, кон выкэдэ́ла пэ́скэ малэ́с (друго́с) адалэ́ свэто́стыр, одова́ явэ́ла проти Дэвлэ́стэ.

Apostolengiri Butý 3:21

Савэс болыбэ́н сыс банго́ тэ прилэл кэ/жы́ко дава́ часо, пака Дэвэ́л кэрэ́ла саро́, и пал Конэ́стэ англэды́р ракирдя́ пир Пэ́скирэ свэнтонэ́ пророкэ́ндэ свэто́скирэ англыпна́стыр.

Joannostir 13:3

Ису́со джиндя́, со Дад саро́ отдыя́ дрэ Лэ́скирэ васта́, и со Ёв явдя́ Дэвлэ́стыр и рисёла кэ Дэвэ́л.

Isajos 64:2

Сыр хачкирдэ́ ягатыр, сави́ билавэла (плавинэла), сыр пане́стыр, саво́ кэрадёла, соб (кай) тэ джинэ́н Тыро́ лав джиндло́ Тырэ́ вэргэ́нгэ; соб (кай) тэ издран анги́л Ту́тэ народы.

Psalmy 79:9

Подэ васт, о Дэ́вла, Саво́ зракхэ́са амэн ваш сла́ва Тырэ́ лавэ́скэ, зра́кх и отмэк амэ́нгэ амарэ́ грэ́хи ваш Тыро́ лав.

Sykadyipén 4:8

И кажнонэ́ джидалэстэ сыс шов пхака́ (крылы) пэ сарэ́ рига́, и андрэ́ сыс пхэрдо́ якха́ и дывэсэ́ и раты́ ёнэ ракирэ́нас: “Свэ́нто, Свэ́нто, Свэ́нто исын Рай Дэвэ́л, Сарэзорья́киро, Саво́ сыс исын, и Саво́ трэй исын тэ явэ́л.”

1 Petr 1:5

Пал савэ́ндэ Дэвэ́л Пэ́скирэ зорья́са явэ́ла тэ дыкхэ́л ваш зракхибэ́н, саво́ исын приготовиндло амэ́нгэ и явэ́ла сыкадо дро палатуно́ часо.

Galatenge 3:28

Нанэ ни Юдос, ни Грекос; нанэ ни писхари́с, ни вольнонэ манушэ́с; нанэ ни муршэ́с, ни джувля́; пал-дова́ со тумэ́ сарэ́ сан екх дро екхипэ́н Исусо́са Христосо́са.

1 Коринфянэнгэ 1:10

Мэ древа́н манга́ва тумэн, мирэ́ пшала́лэ, Исусо́скирэ Христосо́скирэ лавэ́са, амарэ́ Ра́скирэ-Дэвлэ́скирэ, тэ ракирэ́н екх, и тэ на явэ́л тумэ́ндэ ракирибэна екх проти явирэ́стэ, соб (кай) тумэ́ тэ явэ́н кхэтанэ́ дро екх ду́хо (фа́но) и дрэ екх годы́.

Римлянэнгэ 12:5

адя́кэ-паць и амэ сарэ́ кхэтанэ́ сам сы́рбы екх маса́ дрэ Христосо́стэ, а ко́ли амэ на сам кхэтанэ́, тэды амэ сам паша́ екх екхэ́скэ.

Римлянэнгэ 9:17

Свэ́нто ж Чхиныбэ́н ракирэ́ла Фараоно́скэ: “Ваш дова́ Мэ тут и чхудём ра́са, соб (кай) тэ сыкавав пэ ту́тэ Мири́ зор, и соб (кай) тэ явэ́л джиндло́ Миро лав пир сари́ пхув.”

Joannostir 16:28

Мэ явдём Дадэ́стыр дро дава́ свэ́то; и нэвэ́стыр Мэ мэкава свэ́то и джа́ва кэ Дад.”

Joannostir 7:33

Нэ Ису́со: “Ишчо нагара яця́пэ Ма́нгэ тэ явав тумэ́нца, и Мэ джа́ва кэ Одова́ пхэндя́, Кон бичхадя́ Ман.

Матфеё 10:16

Акэ, Мэ бичхава́ва тумэн сыр бакрэ́н машки́р рувэндэ; явэ́н годьварэ́ сыр сапа, и бибангипнаскирэ сыр голумбы.

Матфеё 5:48

Палдова́ явэ́н бидошакирэ, сыр бидошакиро исын тумаро́ Болыбна́скиро Дад.

Езэкилё 20:44

И ґалёна, со Мэ сом Рай-Дэвэ́л, ко́ли ява́ва тэ кэра́в тумэ́нца ваш Миро лав на пир фуй тумарэ́ дрома́, и тумарэ́ биладжакунэ́ рэ́нды, Израилёскиро кхэр, – ракирэ́ла Рай Дэвэ́л, Дэвэ́л.’”

Езэкилё 20:22

Нэ Мэ обрикирдём Миро васт и кэрдём ваш Миро лав, соб (кай) ёв тэ на магирэлпэ машки́р Наюды́тка на́цыи, савэ́ дыкхэнас, сыр Мэ вылыджиём лэн.

Езэкилё 20:9

Нэ Мэ кэрдём дава́ ваш Миро лав, соб (кай) ёв тэ на магирэлпэ анги́л Наюды́тка на́цыи, кай ёнэ дживэ́нас, и кай Мэ откэрдём/сыкадём Пэс лэ́нгэ, соб (кай) тэ вылыджав лэн Египтосккирэ пхувья́тыр.

Ереме́ё 14:21

На дурьёв амэ́ндыр ваш Тыро́ лав, на тыкнякир паты́в Тырэ́-славакирэ троноскэ, Ерусалимоскэ, ри́пир Пэ́скиро завето, со Ту дыя́н амэ́нгэ и на пхагир лэс.

Ереме́ё 14:7

‘Раё Дэ́вла! Мэк амаро́ чорипэ́н тэ допхэнэл пэ амэ́ндэ, кэр вари-со Тырэ́ лавэ́стыр; пал-дова́ со амэ бут отпыям Ту́тыр – амэ кэрдя́м грэ́хи проти Ту́тэ.

Isajos 27:3

Мэ, Рай Дэвэ́л, ракхава лэс; кажно мэнта (минута) Мэ да́ва лэ́скэ пани́; раты́ и дывэсэ́ Мэ ракхава лэс, соб (кай) нико́н одори́к тэ на джал.

Sykadyipén 19:12

Лэ́скирэ якх сыс сыр яга́нгири чибори́ и бут диадэмы сыс пэ Лэ́скиро шэро́. Лэ́стэ исын зачхиндло́ титуло (лав), со нико́н на джиндя́ апри́ч Лэ́стэ,

Sykadyipén 15:4

Кон исын одова́, саво на дарэ́ла Ту́тыр, Раё Дэ́вла, И кон на славинэла Тыро́ Лав? Пал-дова́ со Ту сан Екх Свэ́нто, пал-дова́ со сарэ́ мануша́ явэ́на, и ёнэ поклонинэнапэ патыва́са анги́л Ту́тэ пал-дова́, со Ту чачунэ́с приджинэса манушэ́н анги́л бангипэн!”

Juda 1:24

И какана́ Екхэ́скэ, Лэ́скэ, Кон могинэ́ла тэ зракхэ́л тумэн, соб (кай) тумэ́ тэ на пэрэ́н дро грэ́хо, и кон могинэ́ла тэ чхувэ́л тумэн анги́л Пэ́скири сла́ва бидошэнгирэнца и дрэ бари ра́дыма,

1 Ian 3:12

нэ на адя́кэ, сыр Каино, саво́ сыс налачхэстыр и саво́ замардя́ (мулякирдя́) пэ́скирэ пшалэ́с. Пал со ж ёв замардя́ лэс? Пал-дова́ со лэ́скирэ рэ́нды сыс фуй, а лэ́скирэ-пшалэ́скирэ рэ́нды сыс чачунэ́.

Joannostir 17:6

Мэ отчхакирдём лав Тыро́ манушэ́нгэ, савэ́н Ту дыя́н Ма́нгэ свэто́стыр. Адалэ́ мануша́ сыс Тырэ́, и Ту Ма́нгэ дыя́н лэн, и ёнэ ракхнэ Тыро́ лав.

Joannostir 17:23

Мэ сом дрэ лэ́ндэ, и Ту сан дрэ Ма́ндэ; мэк ёнэ тэ явэ́н скэдынэ́ дро екх, и мэк свэ́то тэ джинэ́л, со Ту бичхадян Ман, и со Ту́кэ ёнэ исын дро́га, адя́кэ-паць, сыр и ёнэ ячнэ́ дро́га Ма́нгэ.