Biblia Todo Logo
Bib sou entènèt

- Piblisite -




Joannostir 17:1 - Библия - Пэ Балтитко Романи чиб (Романэс) 2019

1 Пало́ далэ́ лава́ Ису́со ґаздыя́ пэ́скирэ якха́ пэ болыбэ́н и пхэндя́: “Да́до! Миро мардо́ (часо) явдя́: славин Пэ́скирэ Чхавэ́с, соб (кай) Чхаво́ тэ славинэл Тут,

Gade chapit la Kopi

Joannostir Svencono lačopheniben 1933 (Latvia)

1 Pošļi da lava Iisusos hadija Peskīre jakha po boliben te phendža: Dād! javdža štunda, slavini Tīre Čhāves, te Tīro Čhāvo slavini Tut,

Gade chapit la Kopi

Biblija - Pe Baltitko Romani čib (Romanes) 2019

1 Paló dalé lavá Isúso ĥazdyjá péskire jakhá pe bolybén i phendiá: “Dádo! Miro mardó (časo) javdiá: slavin Péskire Čhavés, sob (kaj) Čhavó te slavinel Tut,

Gade chapit la Kopi




Joannostir 17:1
20 Referans Kwoze  

Ису́со отпхэндя́ лэ́нгэ: “Явдя́ мардо́ ваш дава́, соб (кай) тэ славинэлпэ Манушэ́скиро Чхаво́.


Дэвэ́л Авраамо́скиро и Исако́скиро и Яково́скиро, Дэвэ́л амарэ́ дадэ́нгиро, прославиндя Пэ́скирэ Чхавэ́с Исусо́с, Савэс тумэ́ здынэ и Савэ́стыр отпхэндлэпэ анги́л Пилатостэ, ке́ли Пила́то отсэндиндя тэ отмэкэ́л Лэс пэ во́ля.


Ису́со адя́кэ ракирдя́ пал Ду́хо (Фа́но), саво́ явэ́ла тэ одолэ́ндэ, кон явэ́ла тэ патял дрэ Лэ́стэ; пал-дова́ со на сыс пэ лэ́ндэ Свэ́нто Ду́хо (Фа́но), пал-дова́ со Ису́со ишчо (инкэ́) на сыс славиндло.


пир Лэ́стэ тумэ́ лынэ́ тэ патя́н дрэ Лэ́стэ, Саво́ отджидякирдя́ Лэс мулэ́ндыр и дыя́ сла́ва Лэ́скэ, соб (кай) тумэ́ндэ тэ явэ́л патяибэ́н и наде́я пэ Дэвлэ́стэ.


Ке́ли Ису́со шундя́ пал дава́, Ёв пхэндя́: “Дая́ дукх исын на кэ мэрибэ́н, ёй исын ваш Дэвлэ́скири сла́ва, соб (кай) Чхаво́ Дэвлэ́скиро тэ славинэлпэ пир ла́тэ.”


Рисии кэ ёнэ дро три́то мо́ло, Ёв пхэндя́ лэ́нгэ: “Тумэ́ уса́ сан сутэ́ и откхинёна. Ухты́лла (до́си)! Мардо́ явдя́: дыкхэ́н, Чхавэ́с Манушэскирэс здэна дрэ грэхитконэ́-манушэ́нгирэ васта́.


Гилы́ анги́л Кхангири́. Мэ ґазда́ва мирэ́ якха́ пэ Ту́тэ, Саво́ дживэ́ла пэ болыбэ́н.


И, ґа́да, укэдынэ бар одолэ́ штэто́стыр, кай муло́ сыс пашто́. Ису́со ґаздыя́ упрэ́ якха́ и пхэндя́: “Да́до! Парикирава Ту́кэ, со Ту кандыян Ман;


Кадалэ́ лава́ Ису́со ракирдя́ пашы́л Кхангирья́кири пиралы́ (тыкнори́), ке́ли Ёв сыклякирдя́ дрэ Кхангири́; и нико́н Лэс на чиладя́, пал-дова́ со Лэ́скиро часо на явдя́.


И ёнэ камлэ́ Лэс тэ ухтылэ́н, нэ нико́н на чиладя́ Лэс вастэ́са, пал-дова́ со Лэ́скиро часо на явдя́.


Ѓа́да, сыг подджа́ла мардо́ (шту́нда), и подги́я какана́, со тумэ́ роспрастанапэ кажно дрэ пэ́скири риг и Ман тумэ́ ячкирэна Екхэ́с; нэ Мэ на сом Екхджино́, пал-дова́ со Дад исын Ма́нца;


Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.


Ке́ли Мэ со́мас со дывэ́с тумэ́нца дрэ Кхангири́, тэды тумэ́ наґаздынэ васта́ пэ Ма́ндэ; а какана́ – тумаро́ мардо́ (шту́нда) явдя́ и налачхи зор лэ́ла тэ хулаинэ́л дро калыпэ́н (цямлыпэ́н).”


Нэ мытоскиро скэдыибнари сыс тэрдо́ дурэды́р и ёв на могиндя́ аж тэ ґаздэл якха́ пэ́скирэ кэ болыбэ́н, а мардя пэс дро колы́н и ракирдя́: ‘Дэ́вла! Потангинэ ман, грэхитконэ́ манушэ́с’.


Сыр жураво (бусько) мэ багавас, сыр бахирка (ласточка) мэ шчэбичынавас, сыр голумбо мэ тугинавас, ясвэ́нца ґаздавас якха́ кэ болыбэ́н: Раё Дэ́вла! Пхаро́ исын ма́нгэ, зра́кх ман!”


Swiv nou:

Piblisite


Piblisite