Joannostir 16:21 - Библия - Пэ Балтитко Романи чиб (Романэс) 2019

²¹ Джувлы́, ке́ли биянэ́ла, мэнчынэлапэ, пал-дова́ со явдя́ ла́киро мардо́ (шту́нда); нэ ке́ли ёй биянэ́ла тыкнорэс, бистрэла радыма́тыр пал мэ́ньки, пал-дова́ со бия́ндыя ману́ш пэ свэ́то.

Joannostir Svencono lačopheniben 1933 (Latvia)

²¹ Džūli, kedi ločakirla, čerpini tuga, vašo dova so javdža lakīri štunda; ne kedi ločkirla tiknes, uže nalipirla tuga radumastir, vašo dova so ločija mānuš ano svetos.

Biblija - Pe Baltitko Romani čib (Romanes) 2019

²¹ Džuvlý, kiéli bijanéla, menčynelape, pal-dová so javdiá lákiro mardó (štúnda); ne kiéli joj bijanéla tyknores, bistrela radymátyr pal mén'ki, pal-dová so bijándyja manúš pe svéto.

Joannostir 16:21 Referans Kwoze

Psalmy 113:9

Ёв кэрэ́ла адя́кэ, соб (кай) бичхаворэнгири дай тэ дживэ́л дро кхэр и тэ радынэ́лпэ (тэ лошалё́л) ла́кирэ чхаворэндыр. Аллилуя.

Isajos 13:8

Пиридарандынэ, занасвалынэ дара́тыр, мэнчинэнапэ, сыр джувлы́, ко́ли ёй биянэ́ла; ничи́ на ґалёна, дыкхэ́на екх пэ екхэ́стэ, муя́ лэ́нгирэ хачона.

1 Фесалоникийцэнгэ 5:3

Ке́ли мануша́ явэ́на тэ ракирэ́н: “Рама́нё исын и на трэй тэ дарэс ни со́стыр”, сыр екха́тыр (сра́зу) явэ́ла пэ лэ́ндэ хасибэ́н, сыр дукха́ джувля́тэ, сави́ мэнчынэлапэ, ке́ли биянэ́ла тыкнэ́ биято́с, и нико́н лэ́ндыр на менинэла хасибэ́н.

Mihiejo 4:10

Ячпэ дрэ дукха́, и крэнцынпэ пхарипнастыр, сы́рбы джувлы́, сави́ сыг биянэ́ла, чхай Сионо́скири, пал-дова́ со акана́ ту́кэ трэй тэ джас криг форо́стыр, и ту ячэсапэ тэ дживэ́с пэ фэ́лда, и ту доджаса кэ Вавило́но. Одо́й зракхэна тут, одо́й Рай Дэвэ́л выракхэла тут вастэ́стыр тырэ́-вэргэнгирэндыр.

Galatenge 4:27

Пал-дова́ со исын чхиндло́: “Ра́дынпэ, джувлие бичхавэнгири, конэ́стэ на сыс никели чхаворэ́; дэ го́дла радыма́са и выпхэн лошалэс (весёлэс), сави́ на джинэ́ла бияныпнытка дукха́; пал-дова́ со джувля́тэ, савья́ ром мэкця́, явэ́на бутэды́р чхаворэ́, сыр кодолятэ джувля́тэ, савьятэ исын ром.”

Džiibén 3:16

И джувля́кэ Ёв пхэндя́: “Убарьякирава Мэ и кэра́ва бут буты́р тырэ́ мэ́ньки дро дова́ часо, сыр явэ́са ту тэ псирэ́с пхари́; дрэ дукха́ явэ́са тэ биянэс чхаворэ́н, и тыро́ камибэн кэ тыро́ ром, и ёв явэ́ла тэ хулаинэ́л пэ ту́тэ.”

Isajos 21:3

Далэ́стыр издрана мирэ́, Исаёскирэ, маса́ пэ трушу́л; мэ мэнчынавапэ, сыр джувлы́, ко́ли ёй биянэ́ла, мэ на латхава штэ́то долэ́стыр, со мэ шунава; мэ пиридживава долэ́стыр, со мэ дыкха́ва.

Isajos 66:7

На мэнчынэласпэ ёй, ко́ли биянэлас, нэ бияндя́; ишчо (инкэ́) на поддгия дукх ла́кири, а ёй бияндя́ чхавэ́с.

Mihiejo 4:9

Акана́ со́скэ ту дэ́са го́дла зоралэ́с? Нау́што нанэ кра́ли машки́р тумэ́ндэ? Ци со, хасия́ тыро́ юнкаро (годы́-дыибнаскиро)? Пал-дова́ со дукха́ ухтылдэ́ тут сы́рбы джувля́, савьякэ трэй тэ биянэ́л.

Ióvo 11:16

пал-дова́ со ту бистрэса пал тыри́ бари би́да, и пририкирэса пал ла́тэ сы́рбы пал паня́, со нашнэ́ криг,