Joannostir 16:2 - Библия - Пэ Балтитко Романи чиб (Романэс) 2019

² Тумэн традэ́на яври́ кхангирьендыр; и явэ́ла дасаво часо (цы́ро), ке́ли одова́ ману́ш, саво́ замарэла тумэн, явэ́ла тэ думинэл, со ёв далэ́са дынаринэла Дэвлэ́скэ.

Joannostir Svencono lačopheniben 1933 (Latvia)

² Vitrādena tumen sinagogendir; te javela brīža, kedi svako, kon domarla tumen, dufinela, so jov dolesa slugini Davleske.

Biblija - Pe Baltitko Romani čib (Romanes) 2019

² Tumen tradéna javrí khangir'jendyr; i javéla dasavo časo (cýro), kiéli odová manúš, savó zamarela tumen, javéla te duminel, so jov dalésa dynarinela Devléske.

Joannostir 16:2 Referans Kwoze

Joannostir 9:22

Лэ́скирэ дада́ адя́кэ отпхэндлэ́, пал-дова́ со ёнэ дара́ндынэ Юдэндыр, со ёнэ ужэ зракирдэпэ, со ко́ли вари-кон приґалёла Лэс пал Христосо́стэ, одолэ́с тэ традэ́н криг Кхангирья́тыр.

Матфеё 10:28

На андыршан кодолэндыр, савэ́ мулякирна маса́, нэ савэ́ на могинэ́на тэ мулякирэ́н тумаро́ ду́хо (фа́но); нэ дарэ́н кодолэндыр, савэ́ могинэ́на тэ мулякирэ́н и ду́хо (фа́но) и маса́ дро лю́но (адо).

Sykadyipén 6:9

И ке́ли Свэ́нто Бакроро́ отпхандя па́нджто чэргэнори́, мэ дыкхцём тэл алта́рё манушэ́нгирэ дия́, савэ́ сыс мулякирдэ́ пал Дэвлэ́скиро лав и пал дова́, со ёнэ патяибныткэс допхэнэнас пал Христосо́стэ;

Joannostir 12:42

Адя́кэ-паць бут барэ́ рандыр упатя́ндынэ дрэ Исусо́стэ, нэ ёнэ дара́ндынэ Фарисеендыр тэ приґалён дава́, соб (кай) кодолэ́ тэ на традэ́н лэн яври́ Кхангирья́тыр;

Luka 6:22

Бахталэ́ исын тумэ́, ке́ли мануша́ явэ́на древа́н тэ бидыкхэн тумэн и, ке́ли ёнэ вытрадэна тумэн и явэ́на тэ обкхарэн тумэн налачхэ́ лавэ́нца и калякирэна тумаро́ лав пал Манушэ́скирэ Чхавэ́стэ.

Isajos 66:5

Шунэ́н Ра́скирэ-Дэвлэ́скиро лав одолэ́, кон издрала анги́л Лэ́скиро лав! Тумарэ́ пша́ла на рикирэ́на дро ило́ тумэн, ёнэ традэ́на тумэн пал Миро лав и ракирэ́на: “Мэк Рай Дэвэ́л тэ сыкавэ́л Пэс дро Пэ́скиро барипэ́н, и амэ подыкхаса, сыр тумэ́ явэ́на тэ радынэ́нпэ.” Нэ ёнэ явэ́на ладжакирдэ́.

1 Коринфянэнгэ 4:13

амэн кошэна, а амэ отпхэнаса лачхэ́ лавэ́нца, амэ сам сыр далэ́-свэтоскиро гнэё (мэста), амэ яця́м сыр бла́та далэ́ пхувья́кири кэ/жы́ко какана́.

Apostolengiri Butý 7:56

И пхэндя́ ёв: “Дыкхэ́н! Мэ дыкха́ва отчхакирдо болыбэ́н и Манушэ́скирэ Чхавэ́с, Саво́ сыс тэрдо́ пир чачи́ риг Дэвлэ́стыр.”

Матфеё 24:9

Тэды явэ́на тэ здэн тумэн пэ мэ́ньки и мулякирэна тумэн, и явэ́на тэ на сыкавэ́н паты́в тумэ́нгэ пал Миро лав.

Joannostir 9:34

Ёнэ задынэ го́дла пэ лэ́стэ: “Ту саро́ бияндыян дрэ грэ́хи, и ци на ту сыклякирэса амэн?” И традынэ лэс яври́.

Isajos 65:5

Саво́ ракирэ́ла: ‘Тэрдёв, на джа́ кэ мэ, пал-дова́ со мэ сом свэ́нто ваш ту́кэ.” Ёнэ исын тхув, саво́ трэй Ма́нгэ тэ сунгав, яг, сави́ кажно дывэ́с хачола.

Apostolengiri Butý 5:33

Нэ ке́ли ёнэ шундлэ́ дава́ саро́, лэн лэлас бари холы́ и ёнэ камэнас тэ замарэ́н Апостолэн.

Joannostir 4:21

Ису́со ракирэ́ла ла́кэ: “Патя Ма́нгэ, джувлы́, со явэ́ла часо (цы́ро), ке́ли на пэ дая́ бэ́рга и на дро Ерусалимо явэ́на тэ мангэ́нпэ Дадэ́скэ.

Filipiicenge 3:6

мэ со́мас баро́ вэ́рго и хачкирдэ́ илэ́са традыём Христососкири Кхангири́ и пир Законоскиро чачипэ́н мэ сом бидошакиро;

Дание́лё 11:33

Нэ годьварэ́ мануша́ манушытконэ́ нацыятыр (народо́стыр) дэ́на годы́ бутэнгэ, на дыкхи́ пэ дова́, со ёнэ явэ́на тэ страдынэн ада́кицы дывэса́ ягатыр и куртала́тыр, плено́стыр и миштыпнытконэ чорибнастыр.

Joannostir 4:23

Нэ явэ́ла, и акана́ явдя́ часо, ке́ли чачунэ́ дэвлы́тка явэ́на тэ дэн паты́в пир ду́хо (фа́но) и чачипэ́н, пал-дова́ со адасавэн дэвлытконэн родэ́ла Пэ́скэ Дэвэ́л Дад.

Joannostir 16:25

Кэ дава́ часо Мэ ракирдём тумэ́нгэ притчэнца, нэ сыг явэ́ла часо, ке́ли Мэ на ява́ва тэ ракира́в тумэ́нгэ притчы, нэ маму́й (прямэс) Мэ пхэна́ва тумэ́нгэ пал Дадэ́стэ.

Joannostir 16:32

Ѓа́да, сыг подджа́ла мардо́ (шту́нда), и подги́я какана́, со тумэ́ роспрастанапэ кажно дрэ пэ́скири риг и Ман тумэ́ ячкирэна Екхэ́с; нэ Мэ на сом Екхджино́, пал-дова́ со Дад исын Ма́нца;

Сэндарьенгири Лылвари́ 6:30

И пхэндлэ́ мануша́ форо́скирэ Иоасоскэ: “Вылыджа тырэ́ чхавэ́с; ёв исын банго́ (мусинэл) тэ мэрэ́л пал дова́, со роспхагирдя́ Ваалоскиро алта́рё (жэртвенико) и чингирдя тэлэ́ вэш, саво́ сыс пашы́л лэ́стэ.