Joannostir 16:13 - Библия - Пэ Балтитко Романи чиб (Романэс) 2019

¹³ Ке́ли явэ́ла Ёв, чачипна́скиро Ду́хо (Фа́но), тэды сыкавэ́ла тумэ́нгэ чачуно́ дром дро джиибэ́н; пал-дова́ со Ёв явэ́ла тэ ракирэ́л на Кокоро́ Пэ́стыр, нэ Ёв пхэнэ́ла тумэ́нгэ одова́, со шунэ́ла, и Ёв пхэнэ́ла, со явэ́ла анги́л.

Joannostir Svencono lačopheniben 1933 (Latvia)

¹³ Kedi javela Jov, lašņo Duhos togi lidžala tumen po sāro lašņuma: na Pestir Jov lela rakirel, ne lela rakirel, so šunela, te so jāla kērla tumenge džinibnaskīro.

Biblija - Pe Baltitko Romani čib (Romanes) 2019

¹³ Kiéli javéla Jov, čačipnáskiro Dúho (Fáno), tedy sykavéla tuménge čačunó drom dro džiibén; pal-dová so Jov javéla te rakirél na Kokoró Péstyr, ne Jov phenéla tuménge odová, so šunéla, i Jov phenéla, so javéla angíl.

Joannostir 16:13 Referans Kwoze

Joannostir 14:26

Обрадыпнаскиро, Саво́ исын Ду́хо (Фа́но) Свэ́нто, Саво́ бичхавэ́ла Дад ваш Миро лав, высыклякирэла тумэн сарэскэ и саро́ чхувэ́ла дрэ тумари́ годы́, пал со Мэ ракирдём тумэ́нгэ.

Joannostir 14:17

дава́ исын Ду́хо (Фа́но) чачипна́скиро, Савэс свэ́то нашты́ тэ прилэл, пал-дова́ со ёв на дыкхэ́ла Лэс и на джинэ́ла; нэ тумэ́ Лэс джинэ́на, пал-дова́ со Ёв исын тумэ́нца и явэ́ла дрэ тумэ́ндэ.

Joannostir 15:26

Ке́ли явэ́ла Обрадыпнаскиро (Утешытеле) кэ тумэ́, савэ́с Мэ бичхава́ва тумэ́нгэ Мирэ́ Дадэ́стыр, ёв исын чачуно́ Ду́хо (Фа́но), Ёв джа́ла Дадэ́стыр, Ёв Кокоро́ явэ́ла тэ допхэнэл пал Ма́ндэ.

1 Ian 2:27

нэ помакхибэн, Свэ́нто Ду́хо (Фа́но), Саво́ тумэ́ дорэснэ́ Христосостыр, ячэ́лапэ дрэ тумэ́ндэ, и тумэ́ндэ нанэ трэ́бима, соб (кай) вари-кон тэ сыклякирэ́л тумэн. И дава́ Свэ́нто Ду́хо (Фа́но) сыклякирэ́ла тумэн, и Ёв сыс чачуно́ и нанэ хохано́. И сыр Свэ́нто Ду́хо (Фа́но) высыклякирдя тумэн, ячэ́нпэ дро екхипэ́н Христосо́са.

1 Ian 2:20

Нэ тумэ́ дорэснэ́ Свэ́нто Ду́хо (Фа́но) Христосостыр, и тумэ́ джинэ́на саро́ чачипэ́н.

Joannostir 12:49

Пал-дова́ со Мэ на Кокоро́ Пэ́стыр ракирдём, а Миро Дад, Кон бичхадя́ Ман, Ёв дыя́ припхэныбэ́н Ма́нгэ, со тэ ракира́в и сыр;

1 Ian 4:6

Амэ сам Дэвлэ́скирэ: кон джинэ́ла Дэвлэ́с, одова́ шунэ́ла амэн; кон на Дэвлэ́скиро, одова́ на шунэ́ла амэн. Пир дава́ амэ уджинаса чачуно́ ду́хо (фа́но) и хохано́ ду́хо (фа́но).

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Sykadyipén 1:19

Палдава́ чхин (рандэ), со ту дыкхця́н, со исын какана́, и кодова́, со явэ́ла тэ кэрэ́лпэ пало́ дава́,

Joannostir 8:38

Мэ ракира́ва тумэ́нгэ дова́, со Мэ дыкхцём Мирэ́ Дадэ́стэ: нэ тумэ́ кэрэ́на дова́, со тумэ́ дыкхнэ́ пэ́скирэ дадэ́стэ.”

2 Фесалоникийцэнгэ 2:3

Дыкхэ́н, соб (кай) ние́кх тэ на хохавэ́л тумэн: пал-дова́ со кадава́ дывэ́с на явэ́ла кэ / жы́ко дова́ часо, пака явэ́ла отгиибэн Дэвлэ́стыр и явэ́ла сыкадо грэхэнгиро ману́ш, савэ́скэ трэй тэ хасёл;

Sykadyipén 1:1

Сыкадыипэ́н (об΄явлениё) Исусо́стыр Христосостыр, Саво́ Дэвэ́л дыя́ Лэ́скэ тэ сыкавэ́л Пэ́скирэ писхарье́нгэ (рабэ́нгэ), со трэй сыг тэ явэ́л. И Христо́со пхэндя́ зорья́са дава́, ке́ли Ёв бичхадя́ Пэ́скирэ Янголо́с кэ Пэ́скиро писха́ри Иа́но (Иоано),

2 Фесалоникийцэнгэ 2:12

Мэк тэ явэ́н сэндиндлэ сарэ́, кон на закамдя́ тэ патял чачипнаскэ, нэ выкэдыя́ начачипэ́н.

Apostolengiri Butý 27:24

и пхэндя́: “На андырша, Павле! Ту явэ́са тэ тэрдёс пэ сэ́ндо анги́л кхенинго́стэ (кесарёстэ); и, ґа́да, Дэвэ́л даринэла джиибэ́н сарэ́нгэ, кон плывинэла (дэла плима) ту́са.”

Ioil 2:28

И пало́ (после) дава́ явэ́ла адя́кэ, со Мэ да́ва пхэрдэ́с Миро Ду́хо кажнонэ́ лочакэ (плотякэ); тумарэ́ чхавэ́ и тумарэ́ чхая́ явэ́на тэ ангилпхэнэн, тумарэ́ пхуранэ́ мануша́ явэ́на тэ дыкхэ́н сунэ́, и тумарэ́ тэрнэ́ мануша́ явэ́на тэ дыкхэ́н дыкхибэна.

Apostolengiri Butý 20:23

а екх Свэ́нто Ду́хо (Фа́но) пир сарэ́ фо́рья пхэнэ́ла ма́нгэ пал дова́, со ман ужакирэ́на мэ́ньки и штарибэ́н.

Joannostir 3:32

Ёв допхэнэ́ла дова́, со Ёв кокоро́ дыкхця́ и шундя́, а нико́н на приґалёла Лэ́скиро допхэныбэ́н.

Apostolengiri Butý 11:28

и екх лэ́ндыр, савэ́с кхардэ́ “Агаво”, уштыя́ и Свэнтонэ́ Духо́са ангилпхэндя, со явэ́ла бари бокх пир сари́ пхув, и, ґа́да, бокх яця́, ке́ли Клавдиё сыс кхенинго (кесарё).

Isajos 11:2

Явэ́ла чхудо пэ лэ́стэ Ра́скирэ-Дэвлэ́скиро Ду́хо (Фа́но), ду́хо, саво́ дэ́ла Дэвлэ́скири годы́ и годыпэ́н пхувитко; саво́ дэ́ла подпхэныбэн и зор, ду́хо пир джиныбэ́н и пир свэ́нто джиибэ́н.

Joannostir 16:12

Какана́ бут со исын тэ пхэна́в тумэ́нгэ, нэ тумэ́ акана́ на могинэ́на тэ ґалён.

Юдэ́нгэ 1:1

Дэвэ́л на е́кхвар и пир саро́ ґары́м-ґара́ (ва́го) ракирдя́ амарэ́ прададэнгэ пир пророкэ́ндэ,

1 Ian 5:6

Дава́ исын Ёв, Ису́со Христо́со, Саво́ явдя́ пане́са, ке́ли Ёв болдяпэ: и ратэ́са, ке́ли Ёв мыя́. Ёв явдя́ на фэ́ни (то́ка) пане́са, нэ пане́са и ратэ́са. И Ду́хо (Фа́но) Кокоро́ допхэнэ́ла пал дава́, пал-дова́ со Ду́хо (Фа́но) исын чачипэ́н.