Joannostir 15:8 - Библия - Пэ Балтитко Романи чиб (Романэс) 2019

⁸ Далэ́са Миро Дад славинэлапэ, ко́ли тумэ́ дэ́на бут барьякирдэ́, и тумэ́ явэ́на Мирэ́ сыкляибны́тка.

Joannostir Svencono lačopheniben 1933 (Latvia)

⁸ Dolesa prolavinipes Dād Mīro, keļi tume dojanena būt barjakirdo, te jāna tume Mīre sikļaibnangīrenge.

Biblija - Pe Baltitko Romani čib (Romanes) 2019

⁸ Dalésa Miro Dad slavinelape, kóli tumé déna but barjakirdé, i tumé javéna Miré sykliaibnýtka.

Joannostir 15:8 Referans Kwoze

Joannostir 8:31

Тэды Ису́со пхэндя́ одолэ́ Юдэ́нгэ, савэ́ упатя́ндынэ дрэ Лэ́стэ: “Ко́ли тумэ́ндэ явэ́ла Миро Лав дрэ пэ́стэ, тумэ́, чачэс, сан Мирэ́ сыкляибны́тка;

Матфеё 5:16

Адя́кэ мэк тэ свэнцынэл тумари́ яг анги́л манушэ́ндэ, соб (кай) ёнэ тэ дыкхэ́н тумарэ́ лачхэ́ рэ́нды и тэ славинэ́н Дадэ́с тумарэс Болыбнаскирэс.

Filipiicenge 1:11

соб (кай) тумаро́ джиибэ́н тэ явэ́л пхэрдо́ чачипна́са, саво́ исын пир Исусо́стэ Христосо́стэ, ваш Дэвлэ́скири сла́ва и шарибэ́н.

Joannostir 15:5

Мэ сом Кашт, нэ тумэ́ сан Мирэ́ рандя́ (вэ́тки): одова́, кон исын на́ дрэ Ма́ндэ, сыр и Мэ сом дрэ лэ́стэ, одова́ дэ́ла бут барьякирдэ́; пал-дова́ со би Миро тумэ́ на могинэ́на нисо́ тэ кэрэ́н.

1 Petr 4:11

Ко́ли вари-саво́ ману́ш ракирэ́ла, мэк ёв тэ ракирэ́л Дэвлэ́скирэ лавэ́нца; одова́ кон дынаринэла, мэк ёв тэ дынаринэ́л пир зор, сави́ Дэвэ́л дэ́ла лэ́скэ, соб (кай) тэ барьякирэлпэ Дэвэ́л дро саро́ пир Исусо́стэ Христосо́стэ, Савэ́скэ тэ явэ́л сла́ва и зор пэ сарэ́ ве́ки. Ами́нь.

Joannostir 13:35

Пир дава́ уджинэна сарэ́, со тумэ́ сан Мирэ́ сыкляибны́тка, ко́ли явэ́ла ла́ска машки́р тумэ́ндэ.”

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

1 Коринфянэнгэ 10:31

Палдава́, ко́ли тумэ́ вари-со ха́на, ци пьена, ци кэрэ́на вари-со, саро́ дава́ кэрэ́н адя́кэ, соб (кай) тэ барьякирэ́н кэ вучипэ́н Дэвлэ́с.

Isajos 61:3

Тэ пхэна́в одолэ́нгэ, кон исын бибахтало́ пэ Сио́но, со пра́хо запарувэлапэ шукаронэ укэдыибнаса; ровибэн радымакирэ (лошалэ́) елеёса; пхаро́ (смэнтно) ду́хо (фа́но) запарувэлапэ шукаронэ урибнаса и кхарна лэн зоралэ́ чачипна́са, Ра́скирэ-Дэвлэ́скирэ бутяса дрэ Лэ́скиро барипэ́н.

1 Коринфянэнгэ 6:20

Тумэ́ сан киндлэ пал бари тими́н (кимин); палдава́ славинэ́н тумэ́ Дэвлэ́с пэ́скирэ масэнца и Духо́са, савэ́ исын Дэвлэ́скирэ.

Luka 6:35

Нэ тумэ́ сыкавэ́н паты́в тумарэ́ вэргэ́нгэ, кэрэ́н лэ́нгэ лачхипэ́н и явэ́ла тумэ́нгэ бари мазу́ри (награда) Дэвлэ́стыр, и тумэ́ явэ́на Най Вучэдырэскирэ Дэвлэ́скирэ чхавэ́; пал-дова́ со Ёв исын лачхо́ и ваш одолэ́нгэ, савэ́ на парикирэна и ваш налачхэнгэ.

Agiejo 1:8

Джа́н упрэ́ пэ бэ́рга и янэ́н вэш, и чхувэ́н Кхангири́, и Мирэ́ илэскэ явэ́ла лачхо́, и тумэ́ кэрэ́на паты́в Ма́нгэ”, – ракирэ́ла Рай Дэвэ́л.

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

Titoske 2:10

тэ на чорэн нисо́ пэ́скирэ хуландыр, а тэ сыкавэ́н лачхо́ патяибэ́н и тэ явэ́н патяибнытка дро саро́, мэк ёнэ тэ кэрэ́н адя́кэ, соб (кай) сарэ́ тэ кутякирэн амарэ́ Зракхибнарискирэ-Дэвлэ́скиро сыклякирибэ́н.

Titoske 2:5

соб (кай) ёнэ тэ явэ́н свэ́нта, жужэ́, тэ рикирэ́н лачхэ́с кхэри́тко хулаибэн; тэ явэ́н лачхэ́, тэ кандэ́н пэ́скирэ ромэн, соб (кай) тэ на явэ́л кошно Дэвлэ́скиро лав.

Матфеё 5:44

Нэ Мэ пхэна́ва тумэ́нгэ: сыкавэ́н паты́в пэ́скирэ вэргэ́нгэ, и мангэ́нпэ Дэвлэ́скэ пал одолэ́ндэ, савэ́ кошэна тумэн, кэрэ́н лачхипэ́н одолэ́нгэ, савэ́ древа́н на камэ́на тумэн и мангэ́нпэ Дэвлэ́скэ пал одолэ́ндэ, савэ́ нашукар отлыджанапэ кэ тумэ́ и традэ́на тумэн;

Матфеё 9:8

Ке́ли мануша́ дыкхнэ́ дава́, ёнэ дивиндлэ́пэ и славиндлэ Дэвлэ́с, со Ёв дыя́ дасави́ зор манушэ́нгэ.