Joannostir 15:2 - Библия - Пэ Балтитко Романи чиб (Романэс) 2019

² Кажно рандь (вэтка), сави́ исын дрэ Ма́ндэ, и сави́ на дэ́ла барьякирдо́ (пло́до), Ёв обчингирэла; и кажно рандь, сави́ дэ́ла барьякирдо́, Ёв жужакирэла (чыстинэла), соб (кай) ёй бутэды́р тэ дэл барьякирдо́.

Joannostir Svencono lačopheniben 1933 (Latvia)

² Svako ke Me zaro sav nadojanela barjakīrdo, Jov otčhinela; te svako, sav janela barjakīrdo, otčistini, sobi butedīr medojanel bārjakirde.

Biblija - Pe Baltitko Romani čib (Romanes) 2019

² Kažno rand' (vetka), saví isyn dre Mánde, i saví na déla barjakirdó (plódo), Jov občingirela; i kažno rand', saví déla barjakirdó, Jov žužakirela (čystinela), sob (kaj) joj butedýr te del barjakirdó.

Joannostir 15:2 Referans Kwoze

Матфеё 3:10

Акэ, ужэ товэр пашто́ исын пашы́л каштэскиро корнё (рукх): кажно кашт (дрэ́во), со на лыджа́ла лачхо́ барьякирдо́ (пло́до), чингирэна тэлэ́ и чхурдэна дрэ яг.

Матфеё 15:13

Ёв жа отпхэндя́: “Кажно раслина, сави́ Миро Болыбна́скиро Дад на чхудя́ дрэ пхув, явэ́ла рискирды корне́нца (рукхэ́нца).

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Joannostir 15:8

Далэ́са Миро Дад славинэлапэ, ко́ли тумэ́ дэ́на бут барьякирдэ́, и тумэ́ явэ́на Мирэ́ сыкляибны́тка.

Матфеё 13:12

кодолэ́скэ, савэ́стэ исын, явэ́ла дыно́ и явэ́ла лэ́стэ бут бут, а конэ́стэ нанэ, кодолэстыр лэ́лапэ криг кодова́ на́бут, со исын лэ́стэ.

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

Матфеё 21:19

И дыкхця́ Ёв инжыритко кашт пашы́л дром, подги́я кэ ёв, и нисо́ на латхя́ пэ дава́ кашт (дрэ́во)-екх патря (листы), и пхэндя́ пэ кашт: “Тэ на явэ́л ние́кхвар барьякирдо́ (пло́до) ту́тыр!” И инжыритко кашт ада́й жа зашутия.

Ióvo 17:9

Нэ чачуно́ явэ́ла тэ рикирэлпэ кэ пэ́скиро дром, и конэ́стэ исын жужэ́ васта́, одова́ ману́ш явэ́ла зоралэды́р дро пэ́скиро ду́хо.

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

Joannostir 15:16

На тумэ́ выкэдынэ́ Ман, нэ дава́ Мэ тумэн выкэдыём, соб (кай) тумэ́ тэ джа́н и дэн барьякирдо́ и, соб (кай) барьякирдо́ тумаро́ тэ барьёл и тэды, пал со тумэ́ на помангэнас Мирэ́ Дадэ́с Мирэ́ лавэ́стыр, Ёв дэ́ла тумэ́нгэ.

Luka 8:13

а зя́рки, савэ́ пынэ́ пэ баруно штэ́то, исын сы́рбы мануша́, савэ́ шунэ́на лав и прилэ́на лэс радыма́са; нэ лэ́ндэ лав на заджа́ла хор дро ило́, ёнэ патя́на наґара (длу́гэс), ке́ли явэ́ла пропатякирибэн пал лав, ёнэ мэкэ́на тэ патя́н;

Малахия 3:3

Ёв бэшэ́ла сы́рбы спецо, саво́ пирибилавэла (пириплавинэла) и жужакирэла руп, и Ёв жужакирэла чхавэ́н Левиёскирэн и пирибилавэла лэн сыр сувнака́й и руп, соб (кай) ёнэ сашты́ тэ янэ́н Ра́скэ-Дэвлэ́скэ свэ́нто дыибэ́н дро чачипэ́н.

1 Ian 2:19

Ёнэ выгинэ́ амэ́ндыр, нэ ёнэ на сыс амарэ́; пал-дова́ со, ко́ли ёнэ тэ явэ́н амарэ́, тэды ёнэ ячэнас амэ́нца, нэ ёнэ выгинэ́ амэ́ндыр ваш дова́, соб (кай) тэ явэ́л сыкадо, со ние́кх лэ́ндыр нанэ амаро́.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

1 Коринфянэнгэ 13:1

Ко́ли мэ ракира́ва манушытконэ́, ци Янголытконэ чибэнца (чибьенца), нэ ма́ндэ нанэ пшалы́тко паты́в кэ яви́р мануша́, тэды миро ракирибэ́н исын сы́рбы харко́ма (медь), со кудунякирэла (звенинэла), ци кимвало, со дэ́ла зан.

Римлянэнгэ 8:28

Нэ амэ джина́са, со кон рикирэ́ла сыр Дро́гима Дэвлэ́с дро пэ́скиро ило́ и конэ́с кхардэ́ пир Лэ́скиро упхэныбэ́н, одолэ́н Дэвэ́л лыджа́ла сарэ́н кэ бахт.

Joannostir 17:12

Ке́ли Мэ со́мас лэ́нца дро свэ́то, Мэ приракхавас лэн Тырэ́ лавэ́са; одолэ́н, савэ́н Ту дыя́н Ма́нгэ, Мэ приракхцём, и нико́н лэ́ндыр на хасия́ апри́ч чхавэ́стэ, савэ́скэ трэй тэ хасёл, мэк тэ сполнинэ́лпэ Свэ́нто Чхиныбэ́н.

Pritčy 4:18

Нэ чачунэ́-манушэ́нгиро дром исын сы́рбы дуд (свэ́то), со зяинэла, саво́ свэнцынэла и зяинэла яркэдыр анги́л парно́ дывэ́с.

Матфеё 13:33

Яви́р сыкляибны́тко приме́ро роспхэндя́ лэ́нгэ Ису́со: “Кралипэ́н дро Болыбна́скиро Раё исын сы́рбы дрожджы (рожчына), савэ́ джувлы́ лыя́ и замешындя дрэ вядра (нэмра) яржэса, пака саро́ хумэр (цясто) яця́ шутло.”

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Isajos 29:19

И раманёна (мирна) мануша́ ишчо (инкэ́) буты́р явэ́на тэ радынэ́нпэ пал Растэ-Дэвлэ́стэ, чорорэ́ мануша́ явэ́на зоралэ́с тэ радынэ́нпэ пал Свэнтонэ́-Израилёскирэ Дэвлэ́стэ.

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Psalmy 92:14

Ёв исын сы́рбы рандь (вэтка), со исын чхуды́ дрэ Ра́скирэ-Дэвлэ́скиро Кхэр, пэ Дэвлэ́скирэ грэды (дворы) ёв явэ́ла най шукарэдыр.

Дание́лё 11:35

Латхэнапэ доша вари-савэ́ и годьварэндэ, соб (кай) тэ спробинэн лэн тэ жужакирэн и тэ парнякирэн кэ дывеса дро ко́нцо (яго́ро); пал-дова́ со ишчо (инкэ́) исын часо кэ упхэндло́ сроко.

Матфеё 7:19

И кажно кашт, со на дэ́ла лачхэ́ барьякирдэ́, чингирэна тэлэ́ и чхурдэна дрэ яг.

Матфеё 25:29

пал-дова́ со кажнонэ́скэ, савэ́стэ исын, явэ́ла буты́р дыно́, и лэ́стэ явэ́ла буты́р, сыр трэй; нэ кодолэстыр, савэ́стэ нанэ, лэ́лапэ лэ́стыр дова́, со исын лэ́стэ.

Marko 4:20

Зя́рки, савэ́ почхудэ пэ лачхи́ пхув, исын сы́рбы мануша́, савэ́ шунэ́на лав, прилэ́на лэс и дэ́на прибарипэн дрэ трия́нда и дрэ шовдэша́ и дрэ шэл мо́лы.”

Joannostir 15:1

Мэ сом чачуно́ винаградоскиро Кашт (Лоза), и Миро Дад исын винаградникоскиро Хула́й.

Joannostir 15:3

Тумэ́ какана́ сан жужэ́ Мирэ́ лавэ́ндыр, савэ́ Мэ ракирдём тумэ́нгэ.

Joannostir 15:6

Нэ, кон на дрэ Ма́ндэ, одова́ исын сыр рандь, сави́ чхурдэлапэ яври́, сави́ зашутёла; нэ адасавэ́ рандя́ скэдэ́на и чхурдэна дрэ яг, и одо́й ёнэ схачона.

Римлянэнгэ 11:17

А ко́ли вари-савэ́ рандя́ отпхадинэ, а тут сыр хрустэнгири маслина прибарьякирды пэ лэ́нгиро штэ́то, и какана́ адя́кэ-паць, сыр и ёнэ, ту чаравэ́саспэ (хахавэ́саспэ) явирэ ранде́нца тхулэ́-оливитконэ́ каштэ́стыр,

Римлянэнгэ 11:22

И адя́кэ, дыкх Дэвлэ́скиро тангипэ́н и строгима: кэ одолэ́, кон отпыя, – строгима, нэ кэ ту – Дэвлэ́скиро бахтало́ лачхипэ́н, ко́ли ту явэ́са тэ дживэ́с Лэ́скирэ бахталэ́ лачхипна́са, пал-дова́ со, ко́ли на адя́кэ, тэды и ту явэ́са чингирдо криг.